76
ጾሳ ጾኑዋ
ዛማረቱዋ ካፖ ዲꬃ ዋꬃን የጸቴዳ፥ አሳፋ ማዛሙርያ
1 ጾሳይ ይሁዳን ኤረቴዳዋ፤
አ ሱንꬃይ እስራኤልያን ዎልቃማ።
2 አ ዱንካኒ ሳሌማና፤
እ ደኢያሳይ ጽዮነና።
3 እ፥ ሄዋን ጾንገትያ፥
ሞርከቱዋ ዎንዳፍያ ጩብያ፥ ጎንዳልያ፥ ማሻነ
ሀራ ኦላ ሚሻቱዋ መንሬꬄዳ።
4 አቤት ጾሳዉ፥ ነ ቦንቹ አይ ኬሻ ግቴ!
ኔን ነ ሞርከቱዋ ጾናደ፥
ደርያፐ ስምያ ዎደ፥
ነ አንጋይ አይባ ያሽያዌ!
5 ጎባ ቶራንቻቱ፥
ባረንቶ ደእያዋ ኡባ ቦንቀት ክቼድኖ።
ሀእ ስም ኡንቱንቱ፥
ዎልቃማ ገምእሹዋ ገምእሼድኖ፤
ኡንቱንቱፐ እቱነ ባረ ኩሽያ ደንꬅቤና።
6 አቤት ያቆባ ጾሳዉ፥ ኔን ሴሬዳ ዎደ፥
ፓራ አሳቱነ ፓራቱ ኩንዶ ሳን አቴድኖ።
7 ሽን አቤት ጾሳዉ፥ ኔን ያሻሳ!
ነ ሀንቁ ሱሌዳ ዎደ፥
ነ ስንꬃን ኦኔ ኤቃናዌ?
8 ኔን ፕርዳ ሳሉዋፐ ስሴዳ ዎደ፥
ሳኣን ደእያ አሳይ ያዪደ፥ ጮኡ ጌዳ።
9 ኔን ሳኣን ቆሄቴዳዋንታ አሻናዉ፥
ፕርዳዉ ደንዴዳ ዎደ፥ ሄዌ ሀኔዳ።
10 አሳ ሀንቁ ዳሬዳ ኬሻ ኔን ጋላተታሳ።
ኦላፐ አቴዳ አሳቱ ኡባይ፥
ነ ባላ ጋላሳቱዋ ቦንቻና።
11 መꬍና ጎዳዉ፥ ህንተ ጾሳዉ፥
ሺቀትተ፥ ሄዋካ ጋꬅተ።
ህንተኖ ሾሮ ካዉተꬃቶ፥
ያየታናዉ በስያዎ እሞታ አህተ።
12 እ ካፖቱዋ ኦቶሩዋ ካዉሼ፤
ዎልቃማ ካተቱዋካ እ ያሽሴ።