ታና ስሶ ጋደ ታን ጾሳ ዎሳይ።

ቃማን ታን ሸምፐናን ታ ኩሸቱዋ አኮ ምጫይ፤

ግዶፐነ፥ ታን ምነታናዉ ዳንዳይከ።

ታን አባ ዩሻ ቆፕያ ዎደ፥

ታ ሸምፑ ዳቡሬ።

ታን ሎይꬃ ህርግያ ድራዉ፥

ሃሳያናዉ ዳንዳይከ።

ካሰ ላይꬃቱዋካ ሀሳያይ።

ታ ዎዛናይ ዩሽ ቆፕያ ዎደ፥

ዛረꬂደ እ ኑና ኬካ በሰኔ?

እ ጌዳዌ ሀዋፐ ስንꬃናዉ ሳኣን ኦኔ?

ባረ ቃረታካ ሀንቁዋን ላሜዴ?” ያጋደ ኦቻይ።

ኡባፐ ꬎቂያ ጾሳ ኡሸቻ ኩሺ፥

ካሰፐ ማድያ ማዱዋ አጌዳዋ” ያጋይ።

ኤ፤ ኔን በን ዎደ፥

ኦꬄዳ ማላልስያባቱዋ ኡባ ታን ሀሳያና።

ታን ዛራ ዛራደ ቆፓና፤

ነ ዎልቃማ ኦሶቱዋ ኡባ ታን ዩሻ ቆፓና።

አይ ጾስነ ኑ ጾሳ ማላ ዎልቃማ ግደና።

አሳ ግዶን ነ ዎልቃ ቆንጭስያዋ።

ነ ቀስያን ዎዛዳ።

ሃꬃቱ ኔና በኢደ ያዬድኖ።

ጉጉንꬃይ ሳሉዋን ጉሜዳ።

ነ ዋልቃንꬃ ጶለꬃይ ሳኣ ፖእሴዳ።

ጪሞ አባ ግዱዋና አꬋሳ፤

ግዶፐነ፥ ነ ገዲ የꬌዳ ሳአይ ቤተና።

ኔን ነ አሳ ዶርሳ ዉድያዳን ካለꬃዳ።