89
መቱዋ ማዝሙርያ
ኤዝራህያ ኤታና አኬካን ጻፈቴዳ ግንጹዋ
1 አቤት መꬍና ጎዳዉ፥ አገና ነ ሲቁዋባ፥
ታን መꬍናዉ የጻና።
ጾሳይ አማነትያዋ ጋደ፥
የለታ ኡባዉ ታ ዶናን አዋያና።
2 ታን አገና ነ ሲቁ መꬍናዉ ኤቄዳዋነ
ኔን ነ ቱማተꬃ ሳሉዋዳን ምንሳደ ኤሴዳዋ ኦዳና።
3 ኔን፥ “ታን ዶሬዳዋና ጫቁዋ ጫቀታድ።
ታ ቆማ ዳዊታዉ ሀዋዳን ያጋደ ጫቃድ፤
4 ‘ታን ነ ዘረꬃ መꬍናዉ ካዉꬃና፤2 ሳሜላ 7:12-16፤ 1 ኦዱዋ 17:11-14፤ ማዝ. 132:11፤ ኪታ 2:30
ነ ካዉተꬃ አራታ የለታ ኡባዉ ምንሳና’ ” ያጋዳ።
5 አቤት መꬍና ጎዳዉ፥ ሳሎቱ፥
ነ ማላልስያ ኦሱዋ ኦድኖ፤
ነ አማነትያዋ ኪታንቻቱዋ ሺቁ ኦድኖ።
6 ሳሉዋን መꬍና ጎዳና ልከታናዉ ዳንዳይያዌ ኦኔ?
ሳሉዋ መተꬃቱዋ ግዶን ቃይ መꬍና ጎዳ ማል ኦኔ?
7 ጌሻቱዋ ሺቁዋ ግዶን ጾሳይ ያየቴዳዋ።
ባረና ዶዴዳዋንቱ ኡባፐ አꬊደ፥ ሎይꬅ ዳጋንꬅያዋ።
8 አቤት ኡባፐ ዎልቃማ መꬍና ጎዳዉ፥ ጾሳዉ፥
ኔናዳን ዎልቃማይ ኦኔ?
አቤት መꬍና ጎዳዉ፥ ኔን ኡባባንካ አማነትያዋ።
9 ኔን ቡልአከትያ አባ ዎልቃ አዛዛሳ።
ደንድያ ቤታካ ጮኡ ኦꬃሳ።
10 ኔን ራኣባ ግያ አባ ዳዊያ፥
ዎꬍ የጌዳዋዳን መንሬꬃዳ፤
ነ ሞርከቱዋ ነ ዎልቃማ ቀስያን ላላዳ።
11 ሳሎቱ ነዋንታ፤ ሳአይካ ነዋ፤
ቢታነ አን ኩሜዳ ኡባባ ኔን መꬋዳ።
12 ሁጲሳነ ገድሳ ኔን መꬋዳ፤
ታቦራነ ሄርሞነ ግያ ዎልቃማ ደረቱ
ናሸቻን ነ ሱንꬃ ሳቢኖ።
13 ነዉ ዎልቃማ ቄሲ ደኤ፤
ነ ኩሺ ምና፤
ነ ኡሸቻይ ዎልቃማ።
14 ጽሎተꬃይነ ሱረ ፕርዳይ
ነ ካዉተꬃ አራታዉ ባሶ።
አገና ሲቁነ ቱማተꬃይ ነ ስንꬃን ቢኖ።
15 አቤት መꬍና ጎዳዉ፥ ናሸቻን እልልያዋንቱነ
ነ ሶምኡዋ ፖኡዋን ሀመትያዋንቱ አንጀቴዳዋንታ።
16 ነ ሱንꬃን ጋላሳ ኡባ ናሸቲኖ፤
ነ ጽሎተꬃ ድራዉ፥
ኡንቱንቱ ኔና ꬎቁ ꬎቁ ኦꬂኖ።
17 ኡንቱንቱ ጬቀትያ ዎልቃይ ኔና፤
ነ ናሹዋን ኑ ካጪ ꬎቁ ꬎቁ ያጌዳ።
18 ኑ ጎንዳሊ፥ ኑ መꬍና ጎዳሳ፤
ኑ ካቲካ፥ እስራኤልያ ጌሻ ሳ።
19 በን ኔን ነ አማነቴዳ አሳቶ፥
እት ገደ አኩሙዋን ኦዳዳ፤
“አሳ ግዶፐ ዶሬዳዎ ካዉተꬃ አራታ እማዳ።
20 ታ ቆማ ዳዊታ ካተ ከሳድ፤ 1 ሳሜላ 13:14፤ ኪታ 13:22፤ 1 ሳሜላ 16:12
ታ ጌሻ ዛይትያን ኦካደ።
21 ታ ኩሺ አናና ደአና፤
ታ ቀሲካ አ ምንꬃና።
22 አ አይ ሞርኪነ ጾነና፤
አይ ኢታ አሳይነ አ ቶቼና።
23 ታን አ ሞርከቱዋ አ ስንꬃን ክንቼሬꬃና፤
አ እጽያዋንታ ሾጫ የጋና።
24 ታ ቱማተꬃይነ ታ አገና ሲቁ
አናና እትፐ ግዳና።
ታ ሱንꬃን አ ካጪ ꬎቁ ꬎቁ ጋና።
25 ታን አ ካዉተꬃ መደትራንያ አባ ጋካናዉ አሳና፤
አ ዛዋካ፥
ኤፍራጼሰነ ጸግሮሰ ሻፋ ጋካናዉ አሳና።
26 ዳዊተ ታና፥ ‘ኔን ታ አዉዋ፥
ታ ጾሳነ ታና አሽያ ዛላ’ ያጊደ ጼሳና።
27 ታን አ ባይራ ናኣ ኦꬃና፤1:5
ሳኣን ደእያ ካተቱዋ ኡባፐ አ ዳርሳና።
28 ታን አገና ታ ሲቁዋ
አዉ መꬍናዉ ናጋና።
ታን አናና ቃላ ጫቁዋ ምንꬃና።
29 ታን አ ዘረꬃ መꬍናዉ ምንሳደ ኤሳና፤
አ ካዉተꬃ አራታካ ሳሉዋዳን ጋምኤꬃና።
30 “ሽን አ ዘረꬃቱ ታ ህግያ አጎፐ፥
ቃይ ኡንቱንቱ ታ ዎጋዳን ሀመተናን እጾፐ፥
31 ኡንቱንቱ ታ አዋዩዋ ሻሮፐ፥
ታ አዛዙዋ ናጋና ꬋዮፐ፥
32 ታን ኡንቱንቱ ናጋራ ድራዉ ጋትማን፥
ኡንቱንቱ ኢታተꬃ ድራዉ፥ ልሱዋን፥
ሾጫደ ሙራና።
33 ሽን ታን አገና ታ ሲቁዋ አፐ አክከ፤
ዎይ ታን አዉ አማነትያዋ አግከ።
34 ታን ኡንቱንቱና ጫቀቴዳ ጫቁዋ ኮልከ፤
ታ ዶናፐ ከሴዳ ቃላ ላምከ።
35 “እት ገደካ መꬍናዉ
ታ ጌሻተꬃን ጫቃ ድጋድ፤
ዳዊተዉ ዎርዶትከ።
36 ሄዌነ፥ አ ዘረꬃይ መꬍናዉ ደአና፤
አ ካዉተꬃ አራታይካ ታ ስንꬃን አዋዳን ጋምአና።
37 ሳሉዋን አማነትያ ማርካ ግድያ አግናዳን፥
ሄ ካዉተꬃይ መꬍናዉ ምን ኤቂ ደአና” ያጋዳ።
38 ሽን ሀእ ኔን
ኦካደ ካተዬዳዋ ቦላ ዳሮ ሀንቀታዳ፤
አ እጻዳነ አጋዳ።
39 ኔን ነ ቆማና ጫቀቴዳ ጫቁዋ ካዳዳ፤
አ ካላቻ ባናን ኦላደ ቱንሳዳ።
40 ኔን አ ካታማ ግምቢያ ኡባ ላላዳ፤
እ ናገትያ ሚጻ ኡባ ባይዛዳ።
41 ኦግያና አꬍያ ኡባቱ አ ቦንቄድኖ፤
እ ባረ ሾሮቶ ቅሊጮ ግዴዳ።
42 ኔን አ ሞርከቶ ጾኑዋ እማዳ፤
ኡንቱንታ ኡባቱዋ ናሸቻዳ።
43 ኔን አ ማሻ ጼራ ቃላምኣዳ፤
ኔን ኦላን አ ማዳባካ።
44 ኔን አ ካዉታ ጻምኣ
አ ኩሽያፐ ዎꬃ አካዳ፤
ቃይ አ ካዉተꬃ አራታ ቢታን ኦላዳ።
45 ኔን አ ያላጋተꬃ ዎድያ ቃምሳዳ፤
ቃይ አ ዬላ ማይዛዳ።
46 አቤት መꬍና ጎዳዉ፥ አዉደ ጋካናዉ ቆንጭኪ?
ኔን መꬍናዉ ጌማይ?
ነ ሀንቁ ታማዳን አዉደ ጋካናዉ ኤጻኔ?
47 ታ ላይꬃይ አይ ኬሻ ቃንንቶ ቆፓ፤
አሳ ኡባ ጮ መላ መꬋዲ?
48 አሳይ ሀይቀናን ጮ ደአናዉ ዋን ዳንዳዪ?
ቃይ ዱፉዋን ገለናዳን፥
ባረና አሻናዉ ዋን ዳንዳዪ?
49 አቤት ጎዳዉ፥ ኔን ነ ቱማተꬃን ዳዊተዉ ጫቄዳ፥
አገና በን ነ ሲቁ ሀቃን ደኢ?
50 አቤት ጎዳዉ፥ ነ ቆማይ
ዎይሳ ቦረቴደንቶ ኔን ሀሳያ።
ታን አሳ ኡባ ቦርያ ዎታ ዳንዳያድታንቶ ቆፓ።
51 አቤት መꬍና ጎዳዉ፥ ሞርከቱ ቅሊጬድኖ፤
ኔን ዶራደ ኦኬዳ ካትያ፥
ታንጉዋን ታንጉዋን ቅሊጬዳዋ ቆፓ።
52 መꬍና ጎዳይ መꬍ መꬍናዉ ጋላተቶ!
አመንእ። አመንእ።