ኑን ደእያ ሳኣ ግዳዳ።

ዎይ ኔን ሳኣ ኦꬃናፐ ካሰ፥

መꬍናፐ መꬍና ጋካናዉካ ኔን ጾሳ።

ጉየ ቢታዉ ስምተ” ያጋደ፥

ኡንቱንታ ጉየ ኡንቱንቱ መቴዳ ቢታዉ ዛራሳ።

ዎይ ቃማ ግዶፐ እት ሳትያ ማላ።

ኡንቱንቱ አኩሙዋ ማላ፤

ዎንታ ዎንታ ዶልያ ማታ ማላ።

ኦማርስያ ዎደ ሹል መሌ።

ነ ሀንቁዋ ሱሉዋን ዳጋሜዶ።

ነ ስንꬃን ዎꬃዳ፤

ቃይ ኑ ጌሜዳ ናጋራ

ነ ስንꬃ ፖኡዋኮ አꬃዳ።

ኑ ላይꬃ እት ኦልያዳን ዉርሴዶ።

ዎይ ምኖፐ፥ ሆስፑን ታማ፤

ሄዌካ መቱዋነ ቱጋ።

ኑ ላይꬃይ ኤለካ አꬌ፤

ኑንካ ኤለካ ክቼቶ።

ነ ሀንቁዋ ሱሉ ያሽያዋ።

ጎኤታና ማላ አꬌዳ ኤራ ኑና ታማርሳ።

ሀያና፤ ነ ቆማቶ ቃረታ!

ኑን ናሸታናዳንነ የጻናዳን፥

ዎንታ ዎንታ አገና ነ ሲቁዋን ኑና ካልሳ።

ኑን ቱጋ በኤዳ ላይꬃቱዋ ኬሻ፥

ኑና ናሸቻ።

ነ ቦንቾ ዎልቃይ ኡንቱንቱ ናናቶ ቤቶ።

ኑ ኩሽያ ኦሱዋ ኑዉ ሱርሳ።