91
ጾሳይ ኑና ናግያዋ
1 ኡባፐ ꬎቂያ ጾሳን ናገቲደ ደእያዌ፥
ኡባፐ ዎልቃማ ጾሳ ኩዋ ግዶን አቄ፤
2 መꬍና ጎዳዉ፥
“ኔን ታዉ ጌሱዋነ ባቃታ አትያ ሳኣ፤
ኔን ታን አማንꬅያ ታ ጾሳ” ያጋና።
3 እ ኔና ሻንካንቻቱዋ ግትያፐካ፥
ዎꬍ ዉርስያ ኢታ ሀርግያፐካ አሻና።
4 እ ባረ ባለቱዋን ኔና ካማና፤
አ ቀፈቱዋ ጋርሳ ኔን ባቃታደ ቆሰታ አታና።
አ አማነቱሳይ ነዉ ጎንዳለ።
5 ኔን ቃማ ዳጋንꬅያባዉ፥
ዎይ ጋላስ ጾንገትያባዉ ያያካ፤
6 ዎይ ꬉማን ኦይቂያ ሀርግያዉ፥
ዎይ ጋላሳ ሴታን ዉርስያ ኢታ ሀርግያ ህርጋካ።
7 ሻአይ ነ ምይያን፥
ቃይ ታሙ ሻአይ ኔፐ ኡሸቻ ባጋና ኩንዳና፤
ሽን ኔና አያይነ ቦቼና።
8 ኔን ነ አይፍያ ጻላላን ጼላና፤
ኢታቱ ሙረትያዋካ በአና።
9 መꬍና ጎዳ ኔን ነዉ ባቃታ አትያ ሳኣ ኦꬄዳ ድራዉነ፥
ኡባፐ ꬎቂያ ጾሳ ነዉ፥
ደእያ ሳኣ ኦꬄዳ ድራዉ፥
10 ኢታባይ ኔና ቦቼና፤
ቦሻይካ ነ ጎልያ ሺቀና።
11 አያዉ ጎፐ፥ ነ ኦግያን ኡባን
ኔና ናጋና ማላ፥ ማቶሳ 4:6፤ ሉቃሳ 4:10
ጾሳይ ባረ ኪታንቻቱዋ አዛዛና።
12 ነ ገዲ ሹቻን ꬉበተና ማላ፥ ማቶሳ 4:6፤ ሉቃሳ 4:11
ኪታንቻቱ ባረንቱ ኩሽያን ኔና ደንꬃና።
13 ኔን ጋሙዋነ ሾሻ ቦላን ሄመታና፤ ሉቃሳ 10:19
ቃይ ዎዳላ ጋሙዋነ ዎꬍያ ሾሻ ኔን የꬋና።
14 መꬍና ጎዳይ ሀዋዳን ያጌ፤
“እ ታና ሲቄዳ ድራዉ፥
ታን አ አሻና።
እ ታ ሱንꬃ ኤሬዳ ድራዉ፥
ታን አ ናጋና።
15 እ ታና ጼግያ ዎደ፥
ታን አዉ ኮያና።
መቱዋን ታን አናና እትፐ ግዳና፤
ታን አ አሻናነ ቦንቻና።
16 ታን አ ላይꬃ አዱሳደ ካልሳና፤
ታ አቶተꬃ አ በሳና” ያጌ።