106
ጾሳይ ባረ አሳዉ በስያ ኬካተꬃ
እ ኬካ ግድያ ድራዉነ፥
አገና አ ሲቁ መꬍናዋ ግድያ ድራዉ፥
መꬍና ጎዳ ጋላትተ።
2 መꬍና ጎዳይ ኦꬄዳ ዎልቃማ ኦሱዋ ኦዳናዉ፥
ዎይ አ ጋላታ ኡባ ቆንጭሳናዉ፥ ዳንዳይያዌ ኦኔ?
3 ፕርዳ ናግያዋንቱነ፥
ኡባ ገደ ጽሎባ ኦꬅያዋንቱ አንጀቴዳዋንታ።
4 አቤት መꬍና ጎዳዉ፥ ኔን ነ አሳዉ ኬክያ ዎደ፥
ታናካ ቆፓ፤
ኡንቱንታ ኔን አሽያ ዎደ፥
ታዉካ አላ።
5 ሄዌነ፥ ነ ዶሬዳ አሳዉ፥
ሳአይ ሎእና፥ ታን በአናዳና፤
ነ አሳ ናሸቻ ታንካ ናሸታናዳንነ
ነዋንቱና እትፐ ታንካ ጋላታናዳና።
6 ኑን ኑ አዎቱዋዳን ናጋራ ኦꬄዶ፤
ባይዞባነ ኢታባ ኦꬄዶ።
7 ኑ አዎቱ ግብጼን ደእያ ዎደ፥
ነ ማላልስያ ኦሱዋ ቆፕበይክኖ። ከሳ 14:10-12
አገና ነ ሲቁዋ ዳሮተꬃ ኡንቱንቱ ሀሳይበይክኖ፤
ዞኦ አባ ላንቂያን ነ ቦላ ማካሌድኖ።
8 ግዶፐካ እ ባረ ሱንꬃ ድራዉ፥
ባረ ዎልቃማ ዎልቃ ኤርሳናዉ ኡንቱንታ አሼዳ።
9 እ ዞኦ አባ አዛዝና፥ አባይ መሌዳ፤ ከሳ 14:21-31
ባዙዋን ካለꬅያዋዳን፥
ጪማ ግዱዋና ኡንቱንታ ካለꬂደ ፕንꬄዳ።
10 እ ኡንቱንታ እጽያዋንቱ ኩሽያፐ አሼዳ፤
ሞርከቱዋ ኩሽያፐ ኡንቱንታ ዎዜዳ።
11 ኡንቱንቱ ሞርከቱዋ ሃꬃይ ምቴዳ፤
ኡንቱንቱፐ እቱነ አትቤና።
12 ሄ ዎደ እስራኤላቱ አ ቃላ አማኔድኖ፤ ከሳ 15:1-21
አ ሳቤድኖ።
13 ግዶፐነ፥ ኡንቱንቱ እ ኦꬄዳዋ
ኤለካ ዶጌድኖ።
አ ዞርያ ናገናን ባረንቱ ኮዬዳዋ ኦꬄድኖ።
14 ባዙዋን ደኢድ፥ ኡንቱንቱ
ዳሮፐ አሞቴድኖ፤ ፓይ. 11:4-34
ቃይ መላ ቢታን ጾሳ ፓጬድኖ።
15 ሄዋዳን እ ኡንቱንቱ ዎሴዳዋ እሜዳ፤
ሽን ኡንቱንቱ ሸምፖ ግልቃተꬃ ኪቴዳ።
16 አሳቱ ባዙዋን ባረንቱ ዱንካንያን ደኢድ፥
ሙሳነ መꬍና ጎዳዉ ዱማቴዳ፥
ቆማ አሮና ቃናቴዳ ዎደ፥ ፓይ. 16:1-35
17 ቢታይ ዶየቲደ ዳታና ምቴዳ፤
አቤሮና አ ጎልያ አሳቱዋና ሞጌዳ።
18 ቃይ ኡንቱንቱ ማባራ ግዶን ታማይ ኤጽና፥
ላጩ ሄ ኢታ አሳቱዋ ጹጌዳ።
19 ኮሬባ ደርያን ደኢድ፥
ዎርቃ ሙሽሲደ ማራ ምስልያ መꬌድኖ፤ከሳ 32:1-14
ሄ ምስልያዉ ጎይኔድኖ።
20 ኡንቱንቱ ባረንቱ ቦንቾ ጾሳ
ማታ ምያ ሚዛ ምስልያን ላሜድኖ።
21 ኡንቱንቱ ባረና አሼዳ ጾሳ ዶጌድኖ፤
እ ግብጼን ዎልቃማ ኦሱዋ፥
22 ካመ ቢታን ማላልስያባነ፥
ዞኦ አባን፥ “ሆላ!” ጊስያባ ኦꬄዳ።
23 ሄዋ ድራዉ፥ ጾሳይ ኡንቱንታ ꬋይሳና ጌዳ፤
ሽን ꬋይሰና ማላ፥ አ ሀንቁዋ ዛራናዉ፥
ጾሳይ ዶሬዳ ሙሴ ግዱዋን ኤቄዳ።
24 ሄዋፐ ጉይያን፥ ኡንቱንቱ
አ ቃላ አማነና ድራዉ፥
ሄ ሎኦ ቢታ ካꬌድኖ።ፓይ. 14:1-35
25 ኡንቱንቱ ባረንቱ ዱንካንያ ግዶን
ዙዙሜድኖነ
መꬍና ጎዳ ቃላዉ አዛዘትበይክኖ።
26 ሄዋ ድራዉ፥ እ ኡንቱንታ ባዙዋን አጋናዋ፥
ባረ ኩሽያ ደንꬂደ ጫቄዳ።
27 ኡንቱንቱ ዘረꬃ ካዉተꬃቱዋ ግዶን አጋናዉነ
ቢታን ኡንቱንታ ላላናዉ ጫቄዳ። ዎጋ 26:33
28 ሄዋፐ ጉይያን፥ ኡንቱንቱ ፓኦራን ደእያ ባኣላ ኤቃዉ፥
ጎይንያዉንቱና እትፐ ጋከቴድኖ፤ ፓይ. 25:1-13
ሸምፑ ባይና ኤቃቶ ያርሸቴዳ ያርሹዋ ሜድኖ።
29 ኡንቱንቱ ባረንቱ ኦሱዋን መꬍና ጎዳ ሀንቀꬄድኖ፤
ኡንቱንቱ ግዶን ኢታ ሀርጊ ዎꬌዳ።
30 ሽን ፒንሃስ ደንዲደ፥
ኡንቱንቱ ባይዙዋ ፕርድና፥
ኢታ ሀርጊ ኡንቱንቱ ቦላፐ ክቼዳ።
31 ሄዌነ፥ የለታፐ የለታ ጋካናዉ፥
መꬍናዉ አዉ ጽሎተꬃ ግዲደ ፓይደቴዳ።
32 ማሪባ ፑልቱዋ ማታን መꬍና ጎዳ ሀንቀꬄድኖ፤ፓይ. 20:2-13
ኡንቱንቱ ጋሱዋን ሙሴ ቦላ መቱ ጋኬዳ።
33 አያዉ ጎፐ፥ ኡንቱንቱ አ ሀንቀꬄድኖ፤
ሙሴ ዶናፐ በሰና ቃላይ ከሴዳ።
34 መꬍና ጎዳይ ꬋይስተ ጊና፥
ኡንቱንቱ ካናነ አሳቱዋ ꬋይስበይክኖ።ዳና. 2:1-3፤ 3:5-6
35 ሄዋፐካ፥ ኡንቱንቱ ሄ አሳቱዋና
ገለት አከቲደ፥ ዋላከቴድኖነ፤
ኡንቱንቱ ደኡዋ ዎጋ ካሌድኖ።
36 ጾሳ አሳቱ ኡንቱንቱ ኤቃዉ ጎይኔድኖ፤
ሄዌነ፥ ኡንቱንቶ ጲረ ግዴዳ።
37 ኡንቱንቱ ባረንቱ አቱማነ ማጫ ናናቱዋ
ጻላሄቶ ያርሼድኖ። 2 ካታ. 17:17
38 ኡንቱንቱ፥ ጽሎ ሱꬃ
ካናነ ኤቃቶ ያርሸድኖ፥
ባረንቱ አቱማነ ማጫ ናናቱዋ ሱꬃ ጉሰድኖ፤ ፓይ. 35:33
ሄ ሱꬃን ቢታይ ቱኔዳ።
39 ሄዋዳን ኡንቱንቱ ባረንቱ ኦሱዋን ቱኔድኖነ፥
ሻርሙጻዳን ኡንቱንቱ ባረንቱ ጾሳዉ አማነተናን እጼድኖ።
40 ሄዋ ድራዉ፥ መꬍና ጎዳ ሀንቁ፥
አ አሳ ቦላ ኤጽ ከሴዳ፤ ዳና. 2:14-18
እ ባረዋንታ ሸነቴዳ።
41 እ ኡንቱንታ ሀራ ጋድያ አሳቱዋ ኩሽያን አꬂደ እሜዳ፤
ኡንቱንቱ እጼዳዋንቱ ኡንቱንታ ሞዴድኖ።
42 ኡንቱንቱ ሞርከቱ ኡንቱንታ ናቄድኖነ
ባረንቱ ሸንያዳን አይሴድኖ።
43 እ ኡንቱንታ ዳሮ ገደ አሼዳ፤
ሽን ኡንቱንቱ ማካላዉ ዳንጭ ደንዴድኖ፤
ባረንቱ ናጋራ ጋሱዋን ꬋዬድኖ።
44 ግዶፐነ፥ እ ኡንቱንቱ ዋሴዳ ዋሱዋ ስሲደ፥
ኡንቱንቱ ዋይያ ቆፔዳ።
45 እ ኡንቱንቱ ድራዉ፥ ባረ ጫቁዋ ሀሳዬዳ፤
አገና ባረ ሲቁዋ ዳሩዋዳን ኡንቱንታ ማሬዳ።
46 ኡንቱንታ ኦሞዴዳ ኡባይ ኡንቱንቶ ቃረታናዳን ኦꬄዳ።
47 አቤት መꬍና ጎዳዉ፥ ኑ ጾሳዉ፥ ኑና አሻ። 1 ኦዱዋ 16:35-36
ኑን ነ ጌሻ ሱንꬃ ጋላታናዳንነ
ነ ቦንቹዋን ጬቀታናዳን፥
ካዉተꬃቱዋ ግዶፐ ኑና ሺሻ።
48 መꬍና ጎዳይ፥ እስራኤልያ ጾሳይ
መꬍናፐ መꬍና ጋካናዉ ጋላተቶ!
አሳይ ኡባይ፥ “አመንእ!” ጎ።
መꬍና ጎዳ ጋላትተ!
106:1 1 ኦዱዋ 16:34፤ 2 ኦዱዋ 5:13፤ 7:3፤ እዝራ 3:11፤ ማዝ. 100:5፤ 107:1፤ 118:1፤ 136:1፤ ኤር. 33:11
106:7 ከሳ 14:10-12
106:9 ከሳ 14:21-31
106:12 ከሳ 15:1-21
106:14 ፓይ. 11:4-34
106:16 ፓይ. 16:1-35
106:19 ከሳ 32:1-14
106:24 ፓይ. 14:1-35
106:27 ዎጋ 26:33
106:28 ፓይ. 25:1-13
106:32 ፓይ. 20:2-13
106:34 ዳና. 2:1-3፤ 3:5-6
106:37 2 ካታ. 17:17
106:38 ፓይ. 35:33
106:40 ዳና. 2:14-18
106:47 1 ኦዱዋ 16:35-36