118
ጾኖ ሺቆ ጋላታ
1 መꬍና ጎዳ ጋላትተ! አያዉ ጎፐ፥ እ ኬካ። 1 ኦዱዋ 16:34፤ 2 ኦዱዋ 5:13፤ 7:3፤ እዝራ 3:11፤ ማዝ. 100:5፤ 106:1፤ 107:1፤ 136:1፤ ኤር. 33:11
አገና አ ሲቁ መꬍናዋ።
2 እስራኤልያ አሳይ፥
“አገና አ ሲቁ መꬍናዋ” ያጎ።
3 አሮና ጎልያ አሳይ፥
“አገና አ ሲቁ መꬍናዋ” ያጎ።
4 መꬍና ጎዳዉ ያይያዋንቱ ኡባይ፥
“አገና አ ሲቁ መꬍናዋ” ያግኖ።
5 ታን ኡንኤቴዳ ዎደ መꬍና ጎዳዉ ዋሳድ፤
እ ታ ዋሱዋ አሊደ፥ ታና ላአ ከሴዳ።
6 መꬍና ጎዳይ ታናና ደእያ ድራዉ፥
ታን ያይከ። እብራ. 13:6
አስ ታና አይ ኦꬂ?
7 መꬍና ጎዳይ ታና ማዳናዉ ታናና ደኤ፤
ታ ሞርከቱ ጾነቴዳዋንታ ታን በአና።
8 አሳን አማነትያዋፐ፥
መꬍና ጎዳኮ ባቃትያዌ ሎአ።
9 ዳናቱዋን አማነትያዋፐ፥
መꬍና ጎዳኮ ባቃትያዌ ሎአ።
10 ካዉተꬃቱ ኡባይ ታና ዶድ ኦይቄድኖ፤
ሽን መꬍና ጎዳ ሱንꬃን ታን ኡንቱንታ ጾናድ።
11 ኡንቱንቱ ታና ዶዴድኖ፤
ኡባ ሳና ዶድ ኦይቄድኖ፤
ሽን መꬍና ጎዳ ሱንꬃን ታን ኡንቱንታ ጾናድ።
12 ኡንቱንቱ ማꬃይ ዶድያዋዳን፥
ታ ዩሹዋን ዶዴድኖ።
ሽን አጉንꬃይ ታማን ኤጽያዋዳን
ኤጽ ꬋዬድኖ።
መꬍና ጎዳ ሱንꬃን ታን ኡንቱንታ ጾናድ።
13 ታና ሱግ የግና፥ ኩንዳና ሀናይ፤
ሽን መꬍና ጎዳይ ታና ማዴዳ።
14 መꬍና ጎዳይ ታዉ ዎልቃነ ምኖተꬃ፤ከሳ 15:2፤ ኢሳ. 12:2
እ ታና አሽያዋ ግዴዳ።
15 ኦላ ጾኒደ ስምያ አሳይ፥
ጽሎቱዋ ዱንካንያን ሆምቦጪደ፥ ግያዋ ስስተ።
ኡንቱንቱ፥ “መꬍና ጎዳ ኡሸቻ ኩሺ ዎልቃማባ ኦꬄዳ!
16 መꬍና ጎዳ ኡሸቻ ኩሺ ጾኑዋ እሜዳ!
መꬍና ጎዳ ኡሸቻ ኩሺ ዎልቃማባ ኦꬄዳ!” ያጊኖ።
17 ታን ሀይቂከ፤
ፓጻ ደአናነ መꬍና ጎዳይ ኦꬄዳዋ አዋያና።
18 መꬍና ጎዳይ ታና ኢታ ሙሩዋ ሙሬ፤
ሽን ሀይቆ አꬂደ እምቤና።
19 ታን ግዶ ገላደ መꬍና ጎዳ ጋላታና ማላ፥
ጌሻ ጎልያ ፐንገቱዋ አነ ታዉ ዶይተ።
20 ሀዌ መꬍና ጎዳ ፐንግያ፤
ሀ ፐንግያና ጽሎቱዋ ጻላላይ ገሊኖ።
21 ኔን ታና ስሴዳ ድራዉነ
ጾኑዋ እሜዳ ድራዉ፥
ታን ኔና ጋላታይ።
ጎዳ ጻጱዋ ምንስያ፥ ኡባፐ አꬍያ ሹቻ ግዴዳ።
23 ሀዌ መꬍና ጎዳይ ኦꬄዳዋ፤
ቃይ ኑ አይፍያዉካ ማላልስያዋ።
24 ሀዌ ጋላሳይ መꬍና ጎዳይ መꬌዳ ጋላሳ።
አነ ኑን አን ናሸቶይተነ እልሎይተ።
25 አቤት መꬍና ጎዳዉ፥ ሀእ ኑና አሻርኪ!
አቤት መꬍና ጎዳዉ፥ ሀእ ኑዉ እንጀያርኪ!ማቶሳ 21:9፤ ማር. 11:9፤ ዮሃ. 12:13
26 መꬍና ጎዳ ሱንꬃን ይያ አሳይ አንጀቴዳዋ ግዶ!ማቶሳ 21:9፤ 23:39፤ ማር. 11:9፤ ሉቃሳ 13:35፤ 19:38፤ ዮሃ. 12:13
ኑን መꬍና ጎዳ ጌሻ ጎልያፐ ህንተና አንጄቶ።
27 መꬍና ጎዳይ ጾሳ፤ እ ኑ ቦላን ፖእሴዳ።
እርጻ ታሽያ ኦይቂደ፥ አያና ጋላሳ ቦንችተ፤
ያርሹዋ ቦላን ደእያ ካጭያኮ አꬍተ።
28 ኔን ታ ጾሳ፤ ታን ኔና ጋላታና።
ኔን ታ ጾሳ፤ ታን ኔና ግታያና።
29 መꬍና ጎዳ ጋላትተ! አያዉ ጎፐ፥ እ ኬካ፤
አገና አ ሲቁ መꬍናዋ።