1 ሄዋፐ ጉይያን፥ ላፑ ኪታንቻቶ፥ “ቢደ ጾሳ ሀንቁዋ ላፑ ከርያፐ ሳኣን ጉስተ” ያጊደ፥ ጌሻ ጎልያፐ ሃሳይያ ዎልቃማ ኮሻ ታን ስሳድ።

2 ኮይሮ ኪታንቻይ ቢደ፥ ባረ ከርያን ደእያዋ ሳኣን ጉስና፥ ዶኣ ማላይ ደእያዋንቱ ቦላነ ሄ ዶኣ ምስለዉ ጎይንያዋንቱ ቦላ ሎይꬅ ሳክያ ማይꬃ ከሴዳ። ከሳ 9:10

3 ላኤንꬆ ኪታንቻይ ባረ ከርያን ደእያዋ አባን ጉስና አባ ሃꬃይ ሀይቄዳ አሳ ሱꬃ ማላቴዳ። ቃይ አባን ደእያ መታ ኡባይካ ሀይቂ አጌዳ።

4 ሄዘንꬆ ኪታንቻይ ባረ ከርያን ደእያዋ ሻፋቱዋንነ ፑልታቱዋን ጉስና ኡንቱንቱ ሱꬃ ግዴድኖ። ከሳ 7:17-21፤ ማዝ. 78:44 5 ሃꬃዉ አዎትያ ኪታንቻይ ሀዋዳን ያግያዋ፥ ታን ስሳድ፤

8 ኦይደንꬆ ኪታንቻይ ባረ ከርያን ደእያዋ አዋይፍያ ቦላን ጉስና ባረ ታማ ሴላን አሳ ጉዳናዉ፥ አዋይፈዉ ማታይ እመቴዳ። 9 አሳይ ዎልቃማ ሴላን ጉደቲደ ሀ ቦሻቱዋ ቦላን ማታይ ደእያ ጾሳ ሱንꬃ ቦሬዳ። ሽን ባረ ናጋራፐ ስምቤናነ ጾሳ ግታተꬃካ ቦንችቤና።

10 እቼሸንꬆ ኪታንቻይ ባረ ከርያን ደእያዋ ዶኣ ካዉተꬃ ኦይድያ ቦላ ጉስና፥ ሄ ዶኣ ካዉተꬃይ ꬉሜዳ። አሳይ ባረ ሴላ ድራዉ፥ ባረ እንጻርሳ ሳኤዳ። ከሳ 10:21 11 ቃይ አሳይ ባረ ሴላ ድራዉነ ባረ ማይꬃ ድራዉ ሳሉዋ ጾሳ ሸቄዳ። ሽን ባረ ኦꬄዳ ናጋራፐ ስምቤና።

12 ኡሱፑንꬃ ኪታንቻይ ባረ ከርያን ደእያዋ ዎጋ ኤፍራጺሳ ጌተትያ ሻፋን ጉስና አዋይ ዶልያ ባጋፐ ያና ካታቶ ኦጊ ጊጋናዳን፥ ሃꬃይ መሌዳ። ኢሳ. 11:15 13 ሄዋፐ ጉይያን፥ ታን ሼꬍያ ማላትያ ሄዙ ቱና አያናቱ ዳዊያ ዶናፐ፥ ዱኣ ዶናፐነ ዎርዱዋ ትምቢትያ ኦድያዋ ዶናፐ ከስሽን በኣድ። 14 ኡንቱንቱ ማላቱዋ ኦꬅያ ጻላሀቱዋ አያናቱዋ። ሄ ሄዙ ኢታ አያናቱ ኡባፐ ዎልቃማ ጾሳ ዎልቃማ ጋላሳን፥ ሳኣ ካታቱዋ ኡባ ኦላዉ ሺሻናዉ ባና።

15 “በአ፥ ታን ካይሱዋዳን ያና። አሳ ስንꬃን ካሎ ሀመቲደ ዬላተና ማላ፥ ገምእሸናን ባረ ማዩዋ ማዪደ ናግያ ኡራይ አንጀቴዳዋ!” ያጌዳ።

16 ሄ ኢታ አያናቱ ካተቱዋ እብራይስጸ ቃላን አርማገዶና *አርማገዶና፦ ሀ ቃላዉ ኮይሮት ደእያ እብራይስጽያ መታይ፥ “ሀር-ማግዶ” ያግያዋ ግዲደ፥ “ሀር-ማግዶ” ግያዎ ደእያ ብለꬃይ፥ “ሜግዶ-ዞዝያ” ያግያዋ። ሀዋ ጉሳይ በን ዎድያን አሳይ ጮራ ኦላ ኦለቴዳ ሳኣ ጉሳ። ጌተትያ ሳኣ ሺሼድኖ። 2 ካታ. 23:29፤ ዛካ. 12:11

17 ላፑንꬃ ኪታንቻይ ባረ ከርያን ደእያዋ ጫርኩዋን ጉስና፥ ጌሻ ጎልያን ደእያ አራታፐ፥ “ፖለቴዳ” ያግያ ዎልቃማ ኮሻይ ዬዳ። 18 ሄዋፐ ጉይያን፥ ዋልቃንꬃይ ዎልቃሜዳ፤ ጉንꬃይ ስሰቴዳ፤ ጉጉንꬃይካ ጉሜዳ። ቃይ ቢታይ ፓላ ቃꬃ ቃጼዳ። አሳይ ሳኣን መቶደፐካ ቢታይ ሄዋ ማላ ቃꬃ ቃጽ ኤረና፤ ሄዌ ኡባፐ አꬌዳ ቃꬃ። 19 ዎልቃማ ካታማይ ሄዙ ከሲደ ዛኤዳ። ቢታ ኡባን ደእያ ካታማቱ ꬋዬድኖ። ጾሳይ ዎልቃማ ባብሎኖ ቆፒደ፥ ባረ ኢታ ሀንቁዋ ዎይንያ ኤሳይ ኩሜዳ ቡርጩኩዋፐ ዎይንያ ኤሳ ባብሎኖ ኡሼዳ። ኢሳ. 51:17 20 አባን ዶደቴዳ ቢታይ ኡባይ ꬋዬዳ፤ ደሪካ ቤትቤና። 21 አሳ ቦላ ኦይታሙ ኪሎ ኬና ዴጽያ ዎልቃማ ሻቻይ ሳሉዋፐ ዎꬌዳ። አሳይ ሄ ሻቻ ቦሻ ድራዉ፥ ጾሳ ቦሬዳ፤ አያዉ ጎፐ፥ ቦሻይ ዳሮ ዎልቃማ። ከሳ 9:23፤ ሳፃ 11:19