1 ሄዋፐ ጉይያን፥ ላፑ ከረቱ ደእያ ላፑ ኪታንቻቱዋፐ እቱ ታኮ ዪደ፥ ታና ሀዋዳን ያጌዳ፤ “ሃያ፤ ዳሮ ሻፋቱዋ ጋጻን ደእያ ዎሹምያ፥ ዎልቃማ ካታማታ፥ ዋና ሙረታነንቶ፥ ታን ኔና በሳና። 2 ሳኣን ደእያ ካታቱ እዝና ዎሹሜድኖ፤ ሳኣን ደእያ አሳይካ እዝ ዎይንያ ኤሳ ኡሽ ማꬆቲደ እዝና ዎሹሜዳ” ያጌዳ። ኢሳ. 23:17፤ ኤር. 51:7

3 ሄ ኪታንቻይ ታና አያናን ባዙዋ አፌዳ። ሄዋን ታን እት ምሽራቶ ቦርያ ሱንꬃይ ቦላ ኡባን ጻፈት ኡቴዳ ዞኦ ዶኣ ቶጌዳዉኖ በኣድ፤ ሄ ዶአዉ ላፑ ሁጲያን ታሙ ካጪ ደኤ። 4 ሄ ምሽራታ ቴራ ኦቻ ማላትያ ማዩዋነ ዞኦ ማዩዋ ማያዱ፤ እዛ ቃይ ዎርቃን፥ ቦንቾ ሹቻንነ እንቁዋ ጌተትያ አልኦ ሹቻን አሌቃዱ። እዛ ዎሹምያ ቱናባይነ ሸነይያባይ ኩሜዳ ዎርቃ ቡርጩኩዋ ባረ ኩሽያን ኦይቃዱ። ኤር. 51:7 5 እዝ ዴሙዋን ጹራ የዉዋ ብለꬃይ ደእያ ሱንꬃይ፥

7 ኪታንቻይ ታና፥ “ኔን አያዉ ሀዋዳን ማላለታዲ? ታን ነዉ ምሽራት ጹራ የዉዋነ እዛ ቶኬዳ ላፑ ሁጲያን ታሙ ካጪ ደእያ ዱኣ ጹራ የዉዋ ኦዳና። 8 ኔን በኤዳ ዶአይ ካሰ ደኤ፤ ሽን ሀእ ባዋ። ሄ ዶአይ ጪሞ ኦላፐ ኤለ ከሲደ፥ ባሻዉ ባናዋ። አላሚ መቶደፐ ዶሚደ፥ ደኡዋ ማጻፋን ኡንቱንቱ ሱንꬃይ ጻፈትቤና ሳኣን ደእያ አሳይ ዶኣ በኢደ ማላለታና። አያዉ ጎፐ፥ እ ካሰ ደኤ፤ ሀእ ባዋ፤ ሽን ስንꬃፐ ያናዋ። ዳኔላ 7:7፤ ሳፃ 11:7፤ ማዝ. 69:28

9 “ሀዌ አꬌዳ ኤራተꬃነ አኬካ ኮዬ። ላፑ ሁጲ ምሽራታ ኡትያ ላፑ ደረቱዋ፤ ሄዋንቱ ቃይ ላፑ ካታቱዋ። 10 ኡንቱንቱፐ እቼሹ ካታቱ ኩንዴድኖ። እቱ ሀእ ጋካናስካ ሞዴ፤ የኮ ካቲ ይቤና። እ ዪደ፥ ጉꬃ ዎድያ ታካናዉ በሴ። 11 ካሰ ደኤዳ ዶአይ፥ ሀእ ባይናዌ፥ እ ባረ ሁጰዉ ሆስፑንꬃ ዱኣ። እ ላፑ ዶአቱዋፐ እቱዋ፤ እ ꬋያናዉ ቤ።

12 “ኔን በኤዳ ታሙ ካጨቱ ሞዳናዉ ዶምቤና ታሙ ካተቱዋ። ሽን ኡንቱንቱ ዶኣና እትፐ እት ሳተዉ ካተቱዋዳን ሞዳናዉ ኡንቱንቶ ማታይ እመታና። ዳኔላ 7:24 13 ኡንቱንቶ ኡባዉ እት ቆፋይ ደኤ፤ ኡንቱንቱ ባረንቱ ዎልቃነ ባረንቱ ማታ ዶአዉ እማና። 14 ኡንቱንቱ ዶርሳና ኦለታና፤ ሽን ዶርሳይነ ዶርሳና ደእያዋንቱ፥ እ ጼጌዳዋንቱነ ዶሬዳዋንቱ፥ አ ካልያ አማነቴዳዋንቱ፥ ሄ ካተቱዋ ጾናና፤ አያዉ ጎፐ፥ እ ጎዳቱዋ ጎዳነ ካተቱዋ ካትያ” ያጌዳ።

15 ኪታንቻይ ቃይካ ታና ሀዋዳን ያጌዳ፤ “ጫራታ ኡቴዳ ሄ ኔን በኤዳ ሃꬃይ ያራቱዋ፥ ጮራ አሳ፥ አሳ ዛራቱዋነ ዱማ ዱማ ቢታ ቃላ። 16 ቃይ ኔን በኤዳ ታሙ ካጪነ ዶአይ ዎሹመዉኖ እጻናዋንታ። ኡንቱንቱ እዝዉ ደእያ ኡባባ አክ ድጋና። ቃይ እዞ ካሎ አሻናነ እዝ አሹዋ ም ድጋና፤ ያቲደ ኡንቱንቱ እዞ ታማን ጉዳና። 17 አያዉ ጎፐ፥ ጾሳ ቃላይ ቱማታና ጋካናዉ፥ ኡንቱንቱ ቆፋይ እቱዋ ግዳናዳን፥ ኡንቱንቱ ባረንቱ ሞድያ ዎልቃ ዶአዉ እማናዳንነ ጾሳይ ቆፔዳዋ ኡንቱንቱ ኦꬃናዳን፥ ኡንቱንቱ ዎዛናን ጾሳይ አሙዋ ዎꬄዳ።

18 “ሄ ኔን በኤዳ ምሽራታ ሳኣ ካተቱዋ ሞድያ ዎልቃማ ካታማቶ” ያጌዳ።