1 ሄዋፐ ጉይያን፥ ሳሉዋን ጮራ አሳ ኮሻዳን ኮሹምያ ዎልቃማ ኮሻይ ሀዋዳን ያግያዋ ታን ስሳድ፤

4 ላታማነ ኦይዱ ጭማቱነ ሸምፑዋና ደእያ ኦይዱ መታቱ ካዉተꬃ ኦይድያን ኡቴዳ ጾሳዉ ጉፋኒደ፥ “አመንእ። ጾሳ ጋላታይ ጋኮ” ያጊደ ጎይኔድኖ።

6 ሄዋፐ ጉይያን፥ ጮራ አሳዳን ኮሹምያ፥ ዎልቃማ ሻፋዳን ጉምያ፥ ዎልቃማ ጉጉንꬃዳን ጉጉምያ ኮሻ ታን ስሳድ። ሄ ኮሻይ፥

9 ሄዋፐ ጉይያን፥ ኪታንቻይ ታና፥ “ ‘ዶርሳ ቡላቻዉ ጼሰቴዳዋንቱ አንጀቴዳዋንታ’ ያጋደ ጻፋ” ያጌዳ። ሄ ኪታንቻይ ቃይካ ታና፥ “ሀዌ ጾሳ ቱሙ ቃላ” ያጌዳ።

10 ሄዋፐ ጉየ ታን አዉ ጎይናናዉ አ ገድያን ኩንዳድ። ሽን እ ታና፥ “ሄዋ ኦꬆፓ። ታን ነ ማላነ የሱስ ኡንቱንቶ ቆንጭሴዳ ቱማተꬃ ኦይቄዳ ነ እሻቱዋ ኡባ ማላ አይልያ። ጾሳዉ ጎይና። አያዉ ጎፐ፥ የሱስ ቆንጭሴዳ ቱማተꬃይ ትምቢትያ ኦድያዎ ደንꬅያዋ” ያጌዳ።

11 ያትና፥ ሳሉ ዶየቴዳዋ ታን በኣድ። ሄዋን ቦꬃ ፓራይ ደኤ፤ ሄ ፓራ ቶጌዳዌ አማነትያዋነ ቱማንቻ ጊደ ጼሰቴ። ቶጌዳዌ ጽሎተꬃን ፕርዴነ ባረ ኦላካ ኦለቴ። ህዝ. 1:1፤ ማዝ. 96:13፤ ኢሳ. 11:4 12 አ አይፊ ታማ ላጩዋ ማላቴ፤ ቃይ እ ባረ ሁጲያን ዳሮ ካላቻ ዎꬄዳ። አ ቦላ ጻፈት ኡቴዳ ሱንꬃይ ደኤ፤ ሽን ሄ ሱንꬃይ አየንቶነ አፐ አትን፥ ኦንነ ኤረና። ዳኔላ 10:6 13 እ ማዬዳ ማዩ ሱꬃን ናቂ ከሴዳዋ። አ ሱንꬃይካ ጾሳ ቃላ። 14 ሳሉዋ ዎታዳራቱ ቦꬃ ጌሻ ሱፍያ ጌተትያ ክርያን ዳደቴዳ ማዩዋ ማዪደ፥ ቦꬃ ፓራቱዋ ቶጊደ፥ አ ጌዱዋ ካሊኖ። 15 አሳ ዘረꬃ እ ꬋይስያ ኩሳ ማሻይ አ ዶናፐ ከሴ። ብራታ ጻምኣን አሳ እ ሞዳና። ኡባፐ ዎልቃማ ጾሳይ ባረ ሀንቁዋ ዎይንያ ኤሳይ ጉምኤትያሳን፥ ጉምኢደ በሳና። ማዝ. 2:9፤ ኢሳ. 63:3፤ ኢዩ. 3:13፤ ሳፃ 14:20 16 አ ማዩዋ ቦላነ አ ዎድርያ ቦላ፥ “ካታቱዋ ካትያነ ጎዳቱዋ ጎዳ” ያግያ ሱንꬃይ ጻፈት ኡቴዳ።

17 ሄዋፐ ጉይያን፥ ታን እት ኪታንቻይ አዋን ኤቄዳዋ በኣድ። ሄ ኪታንቻይ ሳሉዋን ꬎቂደ ፓልያ ካፉዋ ኡባቶ ባረ ኮሻ ꬎቁ ኦꬂደ፥ “ሃ ዪተ። ጾሳ ካዎ እትሳ ሺቅተ። ህዝ. 39:17-20 18 ዪደ ካታቱዋ አሹዋ፥ ሻላቃቱዋ አሹዋካ ዎታዳራቱዋ አሹዋ ሚተ፤ ፓራቱዋ አሹዋካ ፓራቱዋ ቶጌዳዋንቱ አሹዋካ ሚተ፤ ቃይ አሳ ኡባ አሹዋ አይልያዋነ ዎማኑዋ፥ ꬎቃዋነ ሆካዋ ሚተ” ያጌዳ።

19 ፓራ ቶጌዳዋናነ አ ዎታዳራቱዋና ኦለታናዉ፥ ዶአይነ ሳኣ ካታቱ ቃይ ኡንቱንቱ ዎታዳራቱ እት ሳኣ ሺቅ ኡቴዳዋንታ ታን በኣድ። 20 ሄ ዶአይ አ ስንꬃን ማላታ ኦꬄዳ ዎርዶ ናብያና እትፐ ኦይቀቴዳ። ዶኣ ማላይ ደእያዋንታነ ዶኣ ምስለዉ ጎይኔዳዋንታ እ ባለꬄዳዌ ሄ ኦꬅያ ማላታቱዋና። ዶአይነ ዎርዱዋ ትምቢትያ ኦድያዌ ላአቱካ ዲንያን ኤጽያ ታማ አባን ፓጻ የገቴድኖ። 21 ኡንቱንቱ ዎታዳራቱ ፓራ ቶጌዳዋ ዶናፐ ከስያ ማሻን ሀይቄድኖ። ካፋቱ ኡባቱ ኡንቱንቱ አሹዋፐ ባረንቶ ዳንዳዬዳዋ ኬና ሜድኖ።