1 ታናዳን አማንያዋንቶ፥ ታን እስራኤልያ አሳዉ ታ ኩመንꬃ ዎዛናፐ አሞትያዌነ ጾሳ ዎስያዌ ኡንቱንቱ አታናሳ፤ 2 አያዉ ጎፐ፥ ኡንቱንቱ ጾሳዉ ኦꬃናዉ ሎይꬅ ኮይያዋ ታን ማርካታይ፤ ሽን ኡንቱንቱ ጾሳዉ ኦꬃናዉ ሎይꬅ ኮይያ ኮሻይ ቱሙ ኤራተꬃፐ ግደና። 3 አያዉ ጎፐ፥ ጾሳይ አሳ ጽልስያ ኦግያ ኡንቱንቱ ኤረናን፥ ባረንቱ ሁጰ ጽሎተꬃ ኤሳናዉ ኮዬድኖ፤ ቃይ ባረንቱ ሁጰዉ ጾሳይ አሳ ጽልስያ ኦገዉ ኤኖ ግበይክኖ። 4 አያዉ ጎፐ፥ አማኔዳ ኡባይ ጽላናዳን፥ ክርስቶስ ህግያ ቆፋ ፖሌዳ።

5 አሳይ ህገዉ አዛዘቲደ ጽልያባዉ ሙሴ፥ “ህጊ አዛዝያዋ ኦꬅያ ኦንነ ሄ ህግያን ፓጻ ደአና” ያግ ጻፌዳ፤ ዎጋ 18:5 6 ሽን አማኑዋን ጽልያባዉ ጌተቴዳዌ ሀዋ፤ “ነ ዎዛናን፥ ‘ኦን ሳሉዋ ፑደ ባኔ?’ ጎፓ። ሄዌ ክርስቶሳ ዱገ ዎꬃናሳ፤ዛረ. 30:12-14 7 ዎይ ‘ዱገ ሳኣ ጋርሳ ዎꬋናዌ ኦኔ?’ ጎፓ። ሄዌ ክርስቶሳ ሀይቁዋፐ ደንꬃናሳ። 8 ሽን እ ግያዌ ሀዋ፤ ‘ጾሳ ቃላይ ነ ማታና፤ ነ ዶናንነ ነ ዎዛናን ደኤ’ ጌተቴዳ” ያጌ። ሄዌካ ኑን ህንተንቶ ኦድያ አማኑዋ ቃላ።

9 ኔን፥ “የሱስ ጎዳ” ጋደ ነ ዶናን ማርካቶፐ፥ ቃይ ጾሳይ ሀይቁዋፐ አ ደንꬄዳዋ ነ ዎዛናን አማኖፐ፥ ኔን አታና። 10 አያዉ ጎፐ፥ አሳይ ባረ ዎዛናን አማኒደ ጽሌ፤ ባረ ዶናንካ ማርካቲደ አቴ። 11 ጾሳ ማጻፋይ፥ “አን አማንያ ኦንነ ዬላተና” ያጌ። ኢሳ. 28:16 12 አይሁዳ አሳነ አይሁዳ ግደና አሳ ግዶን ዱማተꬃይ ባዋ። እት ጾሳይ ኡባ ጎዳ፤ እ ባረና ጼስያ ኡባቶ ዳሮ ኬካ። 13 አያዉ ጎፐ፥ ጾሳ ማጻፋይ፥ “ጎዳ ሱንꬃ ጼስያ ኦንነ አታና” ያጌ። ኢዩ. 2:32

14 ያትና፥ ኡንቱንቱ አ አማንቤናዋንታ ግዶፐ፥ ዎት አ ጼሳናዉ ዳንዳዪኖ? ቃይ ቃላ ስስቤናዋንቱ ዋን አማናናዉ ዳንዳዪኖ? ቃላ ኦድያዌ ꬋዮፐ፥ ኡንቱንቱ ዋን ስሳናዉ ዳንዳዪኖ? 15 ቃይ ቃላ ኦድያዋንቱ ኪተተናን አጎፐ፥ ኦሱ ዎት ኦደታናዉ ዳንዳዪ? አያዉ ጎፐ፥ ጾሳ ማጻፋይ፥ “ናሸችያ ምሽራቹዋ ኦድያዋንቱ ዩሳይ ዎት ሎኢ!” ያጌ። ኢሳ. 52:7

16 ሽን ኡንቱንቱ ኡባይ ዎንጋላዉ አዛዘትበይክኖ፤ አያዉ ጎፐ እስያስ፥ “ታ ጎዳዉ፥ ኑን ማርካቴዳዋ ኦን አማኔዴ?” ያጌዳ። ኢሳ. 53:1 17 ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።

18 ሽን ኡንቱንቱ ቃላ ስስቤናዌ ቱሜ ጋደ ታን ኦቻይ። ቱማ ኡንቱንቱ ስሴድኖ፤ ጾሳ ማጻፋይ፥