1 ታ ሲቆ ምቻቶ ግድያ ታ ምሽራተ፥

ህንተኖ፥ አ ላገቶ፥ ሲቁዋ አላና ጋካናዉ ኡሽተ ያጌድኖ።

2 ታን ቃማ ገምእሻድ፤ ሽን ታ ዎዛናይ ቤጎት ኡቴዳ።

3 ታን፥ ታ ማዩዋ ቃራ ድጋድ፤ ዛራ ማዮየ?

4 ታ ሲቁ እፍꬃ ጾእያና ባረ ኩሽያ ጎለ የዴዳ፤

5 ያትና፥ ታ ሲቆ ካርያ ዶያናዉ ደንዳድ።

6 ታ ሲቆ ካርያ ዶያድ፤ ሽን ዶይያ ዎደ እ ባዋ ብ ክቼዳ።

7 ዩዪደ ካታማ ናግያዋንቱ ታና ደሚደ፥

8 ህንተኖ የሩሳላመ ጌላዮቶ፥ ታ ሲቁዋ ደሞፐ፥

9 ኔኖ፥ ማጫ አሳ ኡባፐ አꬌዳ ማላንቻቴ!

10 ታ ሲቁ ዳሮ ሎእያዋነ ምና፤

11 አ ሁጲ ዎርቃ ሉልያ ማላቴ፤

12 አ አይፊ ሻፋ ላንቂያን ኤቄዳነ፥

13 አ ጋጮቱካ ሳዉዋ ማታይነ፥

14 አ ኩሸቱ እንቁዋን አሌቀቴዳ ዎርቃ ጻምኣዳን ሎኢኖ፤

15 አ ገደቱ ዎርቃ ባሱዋን ቶከቴዳ፥

16 አ ዶናይ ኤሳዳን ማልኤ። እ ኡባናካ ሎእያዋ።