1 ሀድራካ ግያ ቢታይነ ዳማስቆ ካታማይ ሙረታናዋ ጾሳይ ኦዴዳ ፕርዳ ቃላይ ሀዋ። ኢሳ. 17:1-3፤ ኤር. 49:23-27፤ አሞጻ 1:3-5ኢሳ. 23:1-18፤ ህዝ. 26:1—28:26፤ ኢዩ. 3:4-8፤ አሞጻ 1:9-10፤ ማቶሳ 11:21-22፤ ሉቃሳ 10:13-14 ሶርያ ዋና ካታማይ ዳማስቁካ መꬍና ጎዳሳ ግድያ ድራዉ፥ እስራኤልያ ዛራቱዋ ጻላላ ግደናን አሳ ኡባ አይፊ ፑደ መꬍና ጎዳኮ ጼሌ። 2 ቃይ ሄ ፕርዳይ ሀድራካና ዛዋትያ ሀማታ ካታማ ቦላካ ጋካና፤ ኡንቱንቱ አꬌዳ ኤራንቻ ግዶፐነ፥ ጺሮሳነ ሲዶና ካታማቱዋካ ሀ ፕርዳይ ጋካና። 3 ጺሮሳ ካታማይ ዳሮ ምኖ ጌሱዋ ግምቤዳ። ቃይ ብራ ቢታዳን ዶሬዳ፤ ዎርቃካ ኦግያ ኡርቃዳን ጉፔዳ። 4 ሽን እዛ ሺሼዳዋ ኡባ ጎዳይ ዉርስ አካና፤ እዝ አባ ዎልቃ ꬋይሳና፤ ካታማይካ ታማን ሜተታና።

5 አስቃሎና ካታማይ ሄዋ በኢደ ያያና፤ ጋዛ ካታማይካ በኢደ ኡንኤꬃና፤ ቃይ ኤቅሮና ካታማይካ ህዶታ ꬋያና። ጋዛ ባረ ካትያ ꬋያና፤ አስቃሎና ካታማይካ መላ ግዳናዋ። ኢሳ. 14:29-31፤ ኤር. 47:1-7፤ ህዝ. 25:15-17፤ ኢዩ. 3:4-8፤ አሞጻ 1:6-8፤ ሶፎ. 2:4-7 6 አሽዶዳ ካታማን ዋላካ አሳይ ደአና።

ታን፥ “ፕልስጼማቱዋ ኦቶሩዋካ ꬋይሳና። 7 ታን ሱꬃ ኡንቱንቱ ዶናፐ፥ ድገቴዳ ቁማ ኡንቱንቱ አቻፐ ድጋና። ኡንቱንቱፐ አቴዳዋንቱ ኑ ጾሳ አሳ ግዳና። ቃይ ይሁዳ ያራ ማላ ግዳና። ኤቅሮና አሳይ ያቡሳ አሳዳን፥ ታ አሳ ግዳና። 8 ሄዋፐ ጉይያን፥ ኦላንቻቱ ካንናዳን፥ ታን ታ ጋድያ ናጋና። ታን ታ ሁጲያን ናግያ ድራዉ፥ ላኤንꬆ ኦንነ ታ አሳ ኡቁነና” ያጌ።

9 ኔኖ ጽዮነ ካታማቴነ የሩሳላመ ካታማቴ፥ እልላ!ማቶሳ 21:5፤ ዮሃ. 12:15 በአ፥ ጾኔዳ ነ ጽሎ ካቲ ኔኮ ዬ። ነ ካቲ አሽከ ግዲደ፥ ሀርያ ቦላ፥ ሀርያ ማራ ቦላ ኡቲደ፥ ኔኮ ዬ።

10 ታን፥ “ፓራ ጋረቱዋ እስራኤልያፐ፥ ኦላ ፓራቱዋካ የሩሳላመፐ ꬋይሳና፤ ኦላ ዎንዳፊካ መኤረታና። ቃይ ነ ካቲ ካዉተꬃቶ ሳሩዋ አዋያና፤ እ ሀ አባ ጋጻፐ ህን አባ ጋጻ ጋካናዉነ ኤፍራጺሳ ሻፋፐ ሳኣ ጋጻ ጋካናዉ ሞዳና ያጌ። ማዝ. 72:8

11 “ኔና ግዶፐ፥ ቃይ ታን ኔናና ጫቀቴዳ ጫቁዋ ሱꬃ ድራዉ፥ ነ አሳቱዋ ኡንቱንቱ ቃሸቴዳ ሃꬃይ ባይና ኦላፐ ታን ከሳደ የዳና። ከሳ 24:8 12 ህንተኖ ህዶታን ደእያ ቃሸቶ አሳቶ፥ ህንተ ጌሱዋኮ ስምተ፤ ካሰዋ ድራዉ ዳኩዋ አቁዋ ህንተንቶ እማናዋ ሀች ታን ህንተንቶ አዋያይ። 13 አያዉ ጎፐ፥ ታን ይሁዳ ዎንዳፍያዳን፥ እስራኤልያካ ዎንዳፍያ ፖꬃዳን ጎኤታና። ጽዮኔ፥ ታን ነ ናናቱዋ ግሪከ ጋድያ ናናቱ ቦላ ደንꬃና፤ ኔናካ ዎልቃማ ኦላንቻ ማሻ ማላ ኦꬃና” ያጌ።

14 ሄ ዎደ መꬍና ጎዳይ ኡንቱንቱ ቦላ ቆንጫና፤ አ ዎንዳፊካ ዋልቃንꬃዳን ዋልቃማና። ኡባ ማርያ መꬍና ጎዳይ ማላካታ ፑናና፤ ገድሳ ባጋ ጎቲ አꬍያዋዳንካ አꬋና። 15 ኡባፐ ዎልቃማ መꬍና ጎዳይ ኡንቱንታ ናጋና። ኡንቱንቱካ ባረንቱ ሞርከቱዋ ዉርሳና፤ ያምባርሻን ኦልያዋንታካ የꬋና። ኡንቱንቱ ባረንቱ ሞርከቱዋ ሱꬃ ዎይንያ ኤሳዳን ኡሻና፤ ሱꬃይ ከርያን ኩምያዋዳን ኩማና፤ ቃይ ያርሽያ ሳኣን ጉክያዋዳን ጉካና።

16 ሄ ጋላስ መꬍና ጎዳይ ኡንቱንቱ ጾሳይ ኡንቱንታ አሻና፤ አያዉ ጎፐ፥ ኡንቱንቱ አ አሳ ዉደቱዋ። ካላቻ ቦላ ደእያ አሌቁዋዳን፥ ጾሳ ጋድያ ቦላን ኡንቱንቱ ጶላና። 17 ኡንቱንቱ ዋኒደ ሎአነ ማላ ፑላ ግዳንድኖሻ! ዎዳላ ናናቱዋ ካꬃይ፥ ዎዶሮ ናናቱዋካ ዎይንያ ኤሳይ አጭሳና።