8
Yɛnŋɛlɛ li gbɔgɔwɔ yanwa konaa
sɛnwee wì gbɔgɔ yɛgɛ ŋga na
sɛnwee wì gbɔgɔ yɛgɛ ŋga na
1 Yurukɔɔlɔ to wi sɛwɛ yurugo, ŋga pe maa koo na Gati ca ŋgɔni gbɔɔn. Davidi Yɛnŋɛlɛ gbɔgɔyurugo.
2 Yawe Yɛnŋɛlɛ, we Fɔ,
ma mɛgɛ kì gbɔgɔ laga tara ti lagapyew ki ni.
Ma gbɔgɔwɔ yanwa pì gbɔgɔ ma wɛ naayeri wi gbemɛ pi na.
3 Màga pye, a piile poro naa piyɛngɛlɛ ke ni pe yɛn nɔɔ sɔnni wa pe yɔn†8.3: Mati 21.16,
mbɔɔn yawa pi naga ma winfɛnnɛ pe yɛgɛ na,
mbe sɛnrɛ ti kɔ wa ma juguye tipeele pe yɔn.
4 Na mi ka naayeri wi wele, wo ŋa wi yɛn ma kɛɛ yɔnlɔ tunŋgo,
naa yeŋge konaa wɔnŋgɔlɔ ke ni, to nda mà gbegele ma tɛgɛ we,
5 mi maa na yɛɛ yewe fɔ:
«Sɛnwee wi yɛn yiŋgi, fɔ a maa jatere piin wi wogo na?
Sɛnwee pyɔ wi yɛn yiŋgi, fɔ a maa wi kɔrɔsi†8.5: Zhɔbu 7.17-18; Yuuro 144.3; Ebu 2.6-8?»
6 Ma si yala, màa da maa tirige jɛnri ma wɛ mboro Yɛnŋɛlɛ ma yɛɛ na†8.6: Ŋga kì yo fɔ: Màa da maa tirige jɛnri ma wɛ mboro Yɛnŋɛlɛ ma yɛɛ na, ki mbe ya logo fun fɔ: Màa da maa tirige jɛnri ma wɛ mɛrɛgɛye pe na.;
mà gbɔgɔwɔ naa sɔnmɔ kan wi yeri paa wunluwɔ njala yɛn.
7 Màa tɛgɛ yaara nda mà da ti go na;
mà yaara ti ni fuun ti tirige mari tɛgɛ wi nɔgɔ†8.7: Zhenɛ 1.28; 1 Korɛn 15.27; Efɛ 1.22; Ebu 2.8:
8 simbaala naa sikaala konaa nɛrɛ ti ni,
ali yɛrɛ yan woŋgaala pe ni,
9 naa naayeri sannjɛrɛ to naa kɔgɔje ŋgbanra ti ni,
konaa yaara nda fuun ti maa yanri na toro wa tɔnmɔ ti ni.
10 Yawe Yɛnŋɛlɛ, we Fɔ,
ma mɛgɛ kì gbɔgɔ laga tara ti lagapyew ki ni.