9
Yɛnŋɛlɛ lo li yɛn fyɔnwɔ fɛnnɛ
naa mbele pe yɛn yuŋgbɔgɔrɔ ni
pe shɔfɔ
naa mbele pe yɛn yuŋgbɔgɔrɔ ni
pe shɔfɔ
1 Yurukɔɔlɔ to wi sɛwɛ yurugo. Pe maa ki koo yurugo ŋga kɔlɔmɔ na, pe maa ki yinri pinambyɔ kunwɔ. Davidi Yɛnŋɛlɛ gbɔgɔyurugo.
2 Yawe Yɛnŋɛlɛ, mi yaa lɔɔn sɔnni na kotogo ki ni fuun ki ni,
mi yaa lɔɔn kafɔnŋgɔlɔ ke ni fuun ke sɛnrɛ yuun†9.2: Ki yurugo ŋga ki vɛrise nuŋgba nuŋgba pyew wì lɛ Eburuye sɛnrɛ ti sɛnpiile mbele pe ma tɛgɛ nari yɔnlɔgi wo wa ni, maga lɛ wi sɛnpyɔ koŋgbanŋa wi na, wo ŋa pe yinri alɛfu fɔ ma saa gbɔn wi puŋgo woo wi na, wo ŋa pe yinri tavu, mbege lɛ go 9 ki na sa gbɔn go 10 ki na..
3 Yɛnŋɛlɛ, mboro ŋa yaara ti ni fuun ti go na, mi yaa yin nayinmɛ ni mbaa yɔgɔri ma kala na,
mi yaa lɔɔn mɛgɛ ki sɔnni yuuro ni.
4 Na na juguye paga puŋgo kanŋga mbaa fee,
pe ma kurugo ma toori ma ku ma yɛgɛ sɔgɔwɔ.
5 Mà tanga ki kan na yeri, ma yere na ni;
ma yɛn ma cɛn wa ma wunluwɔ jɔngɔ ki na, mboro ŋa ma yɛn kiti kɔnfɔ sinŋɛ.
6 Ma ma cɛngɛlɛ sanŋgala ke jɔlɔ, mbe lepeele pe tɔngɔ;
ma ma pe mɛgɛ ki kɔ mbege wɔ wa sanga pyew fɔ tetete.
7 Juguye pè kɔ ma wɔ wa,
pè tɔngɔ ma kɔ pew fɔ sanga pyew.
Pe cara nda mà tɔngɔ, lere se ka nawa to ti na naa.
8 Yawe Yɛnŋɛlɛ li yɛn wunluwɔ fɔ sanga pyew;
lìli wunluwɔ jɔngɔ ki gbegele maga tɛgɛ mbe kiti kɔn.
9 Lo li yɛn na dunruya woolo pe yɛgɛ sinni kasinŋge ni,
na kiti kɔɔn cɛngɛlɛ ke na kaselege ni.
10 Yawe Yɛnŋɛlɛ li yɛn larasaga lere ŋa wi yɛn tege na wi kan,
li yɛn larasaga jɔlɔgɔ sanga ni.
11 Ki kala na, mbele pɔ̀ɔn jɛn, pè pe jigi wi taga ma na,
katugu mbele paa ma lagajaa Yawe Yɛnŋɛlɛ, ma se pe wa.
12 Yaa sɔnmɔ yuuro koo Yawe Yɛnŋɛlɛ li kan,
lo na li yɛn ma cɛn wa Siyɔn ca ki ni we!
Yaa li kagbɔgɔlɔ ke yari wa cɛngɛlɛ ke sɔgɔwɔ!
13 Katugu li yaa legboleele pe yewe pe yɔn sɛnrɛ ni, pe legbogo ki wogo na,
li maa jatere piin piile mbele pè gbo pe na,
li se fɛgɛ jɔlɔgɔ fɛnnɛ pe gbelege ki na.
14 Yawe Yɛnŋɛlɛ, na yinriwɛ ta,
na panrafɛnnɛ pè jɔlɔgɔ ŋga wa na na, ki wele!
Na shɔ kunwɔ pi ni,
15 jaŋgo mbaa ma sɔnni, mbaa ma sɔnmɔ pi sɛnrɛ yuun leele pe kan wa Siyɔn ca mbogo yeyɔnrɔ ti na†9.15: Wa Izirayɛli tara, kìla pye pe cagbɔgɔ pyew, pe ma mbogo kan maga maga, maga fili, jaŋgo mbe ta mbaa ca ki go singi pe juguye pe na. Kìla pye, ki mbogo ki ma liri ma yagara. Pa lelɛɛlɛ pàa pye na cɛɛn wa ca ki mbogo yeyɔngɔ ki na, na kagala ke yɛgɛ woo; Zhenɛ 19.1..
Mi yaa kaa yɔgɔri, naa màla shɔ ki kala na.
16 Cɛngɛlɛ sangala kè titɛgɛ ŋga wɔ, kè toori wa ki ni,
mɛrɛ nda pè jan wa larawa, tì pe yigi pe tɔɔrɔ ti na!
17 Yawe Yɛnŋɛlɛ lìli yɛɛ naga, li yɛn na kasinŋge piin;
lepee wi yɛɛra pɛnɛ lì sɔngɔrɔ maa yigi.
Wɔnmatigiwɛn laga.
18 Lepeele pe sɔngɔrɔ paa kee wa kuulo tara,
ki cɛngɛlɛ ŋgele fuun ke ma fɛgɛ Yɛnŋɛlɛ li na we!
19 Ɛɛn fɔ Yɛnŋɛlɛ li se fɛgɛ fyɔnwɔ fɛnnɛ pe na tatata,
mbele pe yɛn tege na, pe jigi tagasaga ki se kɔ fɔ sanga pyew.
20 Yiri Yawe Yɛnŋɛlɛ, maga ka ti sɛnwee pyɔ mbe cew ta ma na!
Ki yaga kiti mbe kɔn cɛngɛlɛ sanŋgala ke na ma yɛgɛ sɔgɔwɔ!
21 Yawe Yɛnŋɛlɛ, fyɛrɛ gbɔrɔ wa ke na!
Ki yaga cɛngɛlɛ sanŋgala kɔɔn jɛn fɔ ke yɛn sɛnwee piile ko cɛ!
†9:2 9.2: Ki yurugo ŋga ki vɛrise nuŋgba nuŋgba pyew wì lɛ Eburuye sɛnrɛ ti sɛnpiile mbele pe ma tɛgɛ nari yɔnlɔgi wo wa ni, maga lɛ wi sɛnpyɔ koŋgbanŋa wi na, wo ŋa pe yinri alɛfu fɔ ma saa gbɔn wi puŋgo woo wi na, wo ŋa pe yinri tavu, mbege lɛ go 9 ki na sa gbɔn go 10 ki na.
†9:15 9.15: Wa Izirayɛli tara, kìla pye pe cagbɔgɔ pyew, pe ma mbogo kan maga maga, maga fili, jaŋgo mbe ta mbaa ca ki go singi pe juguye pe na. Kìla pye, ki mbogo ki ma liri ma yagara. Pa lelɛɛlɛ pàa pye na cɛɛn wa ca ki mbogo yeyɔngɔ ki na, na kagala ke yɛgɛ woo; Zhenɛ 19.1.