3
Yariyanga tijɛrɛ wogo ŋga
Yɛnŋɛlɛ yɔn sɛnrɛ yofɔ wìla yan:
Saraga wɔfɛnnɛ to Zhozuwe wi kala
Yɛnŋɛlɛ yɔn sɛnrɛ yofɔ wìla yan:
Saraga wɔfɛnnɛ to Zhozuwe wi kala
1 Ko puŋgo na, a Yawe Yɛnŋɛlɛ lì si sagara wɔfɛnnɛ to Zhozuwe wi naga na na. Wìla pye ma yere Yawe Yɛnŋɛlɛ li mɛrɛgɛ wi yɛgɛ sɔgɔwɔ. Sɔtanla wìla pye ma yere wi kalige kɛɛ ki na, na baga wi na†3.1: Ɛsidi 3.2; Naga 12.10. 2 A Yawe Yɛnŋɛlɛ li mɛrɛgɛ wì si Sɔtanla wi pye fɔ: «Yawe Yɛnŋɛlɛ lɔɔn tifaga lɔɔn yɔn ki tɔn ma na Sɔtanla! Yawe Yɛnŋɛlɛ lɔɔn yɔn ki tɔn ma na†3.2: Zhude 9, lo na lì Zheruzalɛmu ca ki wɔ we. Naga yɛn ma, Zhozuwe wi woro paa kasɔn sumboyugo yɛn, ŋga pè tile ma wɔ kasɔn ni wi le†3.2: Ŋga kì yo fɔ: Naga yɛn ma, Zhozuwe wi woro paa kasɔn sumboyugo yɛn, ŋga pè tile ma wɔ kasɔn ni wi le, ko yɛn naga nari ma yo Zhozuwe wìla pinlɛ ma yiri wa kulowo pi ni leele koŋgbanmbala mbele pàa yiri wa Babilɔni tara ma sɔngɔrɔ wa Zheruzalɛmu ca pe ni. ?»
3 Ma si yala, Zhozuwe wìla pye ma yere le mɛrɛgɛ wi yɛgɛ sɔgɔwɔ wi yaripɔrɔ ti ni fyɔngɔ ni wi na. 4 A mɛrɛgɛ wì si mbele pàa pye ma yere le wi yɛgɛ sɔgɔwɔ pe pye fɔ: «Wi yaripɔrɔ nda ti yɛn fyɔngɔ ni wi na, yeri wɔ wi na.» Ko puŋgo na, a wì si Zhozuwe wi pye fɔ: «Wele, mɔ̀ɔ kapere ti laga ma na, mbe fɛti yaripɔrɔ le ma kan.»
5 Kona, a mì sho fɔ: «Ye gbɔgɔwɔ njala na li yɛn ma laga la jiile wi kan.» A pè si gbɔgɔwɔ njala na li yɛn ma laga la jiile wi kan, mɛɛ yaripɔrɔ tiyɔnrɔ le wi kan. Yawe Yɛnŋɛlɛ li mɛrɛgɛ wìla pye ma yere le.
6 Ko puŋgo na, a Yawe Yɛnŋɛlɛ li mɛrɛgɛ wì sigi sɛnrɛ nda ti yo Zhozuwe wi kan, ma yo fɔ: 7 «Yawe Yɛnŋɛlɛ na yawa pi ni fuun fɔ, pa lì yo yɛɛn fɔ:
‹Na ma kaa tanri na koŋgolo ke na,
mbanla sɛnrɛ ti lɛ,
mboro ma yaa cɛn na shɛrigo gbɔgɔ ki go na,
mbaa na londo ti kɔrɔsi.
Mbele pe yɛn na tunŋgo ki na laga,
mi yaa cɛnsaga kan ma yeri wa pe sɔgɔwɔ.› »
Yɛnŋɛlɛ li yaa
li tunmbyee wi torogo wi pan
li tunmbyee wi torogo wi pan
8 «Ki kala na, mboro saraga wɔfɛnnɛ to Zhozuwe,
nuŋgbolo jan ma logo,
mboro naa ma pinlɛyɛɛnlɛ saraga wɔfɛnnɛ mbele pe yɛn ma cɛn na ma yɛgɛ sɔgɔwɔ pe ni;
katugu yoro ye yɛn kacɛn ŋa wi yɛn naga nari ma yo shɔwɔ pi yaa pan.
Mi yaa na tunmbyee wi pye wi pan, wo ŋa pe yinri Vile†3.8: Vile mɛgɛ ki yɛn na para Shɔfɔ ŋa wìla daga mbe pan wo sɛnrɛ na, wo ŋa wi yɛn Davidi wi setirige pyɔ; Zhere 23.5; 33.15; Zaka 6.12..
9 Ye wele, mi yɛn na sinndɛlɛgɛ teri wa Zhozuwe wi yɛgɛ sɔgɔwɔ.
Ki sinndɛlɛgɛ nuŋgba pe ye, yɛngɛlɛ kɔlɔshyɛn†3.9: Pele naga jate ma yo sinndɛlɛgɛ ŋga ki sɛnrɛ ti yo, ko ki yɛn shɛrigo gbɔgɔ ye. Yɛngɛlɛ kɔlɔshyɛn koro yɛn ma taanla Yɛnŋɛlɛ lo ni, lo na li yɛn nali woolo pe go singi we. yɛn ki na.
Mi jate mi yaa sɛnrɛ nda ti daga mbe keregi keregi wa ki na ti keregi keregi ki na.
Yawe Yɛnŋɛlɛ na yawa pi ni fuun fɔ, lo lì yo ma.
Mi yaa ki tara nda ti kapege ki kɔ mbege laga ti na pilige nuŋgba ni.
10 Ko pilige ko ni, ye yaa kaa ye yɛɛ yinri wa ye ɛrɛzɛn tiire ti nɔgɔ,
mbaa ye yɛɛ yinri wa ye figiye tire ti nɔgɔ yɛyinŋge na.
Yawe Yɛnŋɛlɛ na yawa pi ni fuun fɔ lo lì yo ma.»
†3:1 3.1: Ɛsidi 3.2; Naga 12.10
†3:2 3.2: Zhude 9
†3:2 3.2: Ŋga kì yo fɔ: Naga yɛn ma, Zhozuwe wi woro paa kasɔn sumboyugo yɛn, ŋga pè tile ma wɔ kasɔn ni wi le, ko yɛn naga nari ma yo Zhozuwe wìla pinlɛ ma yiri wa kulowo pi ni leele koŋgbanmbala mbele pàa yiri wa Babilɔni tara ma sɔngɔrɔ wa Zheruzalɛmu ca pe ni.
†3:8 3.8: Vile mɛgɛ ki yɛn na para Shɔfɔ ŋa wìla daga mbe pan wo sɛnrɛ na, wo ŋa wi yɛn Davidi wi setirige pyɔ; Zhere 23.5; 33.15; Zaka 6.12.
†3:9 3.9: Pele naga jate ma yo sinndɛlɛgɛ ŋga ki sɛnrɛ ti yo, ko ki yɛn shɛrigo gbɔgɔ ye. Yɛngɛlɛ kɔlɔshyɛn koro yɛn ma taanla Yɛnŋɛlɛ lo ni, lo na li yɛn nali woolo pe go singi we.