2
Elrede ni Kraist rede elne, a agbal enye
Eji ń kpo rehke atemtem go mbang nyi Kraist, elkoro ene fere jo kak-n eltim, n fere jo jen a Etingi Etohko, fere bel elkoro, a ndon, gohren lim, eji atahng lꞌsahb yeb-m yebe. Belen elkohn ntir atahng nyꞌnehm na anyehng, a elkoro nꞌnehm, a eltim na anehng, wahn fere jol ntir ntir nya anyehng.*2:2 Ef 4:3-6 Kana jo ra etul, fere jo geere mbol mbol. Ga nob re, wahn jo rede elnahne, fere jo rod ane bako bum ana ane ba ga nob sehnge wahn.2:3 Rom 12:10 Nong, nne awohng awohng kꞌjo tiiri elne wo wo, á tob jo tiiri ane bako fvfo.2:4 1 Kor 10:24,33
Belen ntir atahng ana nyio nyi Kraist Jisos,
ye ji jolo go ellub ni Esowo.§2:6 Jon 1:2; 17:5
Á rodem eljolo ni á ma jol jang jang a Esowo bum ana ejum ji bahke jolo ka yefono antahng.
Á yake ajehng ajehng kpee bum, fere taame, jol nlokeltum, fere ba jol go elfoongo ni nne.*2:7 2 Kor 8:9
Eji á jolo nne, á kpe rede elne, fere jo wuk nde tete rehng go elkv, esabsab elkv ni á kpo go ekros.2:8 Hib 5:8; 12:2
Owo fvfo, Esowo kehm-e sahb mꞌmehl wahre, fere ka-e mbing nyi gbale sehnge mbing anyehng anyehng,2:9 Luk 14:7-11
10 eji nne awohng awohng no li ejahbetul Esowo, a njini, a atahng ndi lꞌjamme alahng enye, fere jo kak mbing nyi Jisos,
11 fere jo bung go ege a nnyo re, Jisos Kraist wo li Ntul, fere jo ka Esowo Nsoo ellub.§2:11 Ell 5:13
Jo yaan ana atꞌrekahng go njini
12 Akpondahme enyame, ana ń jo wuk-m ngare anyehng anyehng eji n jolo a nahne, anv, eji n ki kpe li a nahne wo ga nob re, wahn jo ga-m wuk. Noken go elfahle, a akahb akahme, eji ń lꞌgohro bel eltahre enahne.*2:12 1 Pit 1:17 13 Tibre Esowo kpi nlimi nlimi eltum go egahne atahng, eji mbang enye lꞌjo kor-n, ń fere jo wuk-e, fere jo lim ji á kpꞌsebe re wahn lim.2:13 Jon 15:5; 2 Kor 3:5
14 Ejum ajehng ajehng ji ń lꞌjo lim, kana jo lim go elmemme, a nfaabe alimi, 15 eji ń lꞌjol saang, nnene ki-n ka ebi, wahn fere jol abon Esowo ba ki kpi elem ajehng ajehng eji ń lene go njini nyi ma bvvrv, fere gbal abꞌbi abꞌbi. Jo yaan ana atꞌrekahng go njini nyia,2:15 Mat 5:14; Ef 5:8 16 wahn fere jabbe alum nya elkpin tꞌtahne, eji n lꞌjo geere efung bio bi Kraist, ana nne no ki be abahl mbol mbol, fere bade, jo lim eltum mbol mbol.§2:16 1 Tes 3:5 17 Lꞌfere jol re bo bahk-m rodo, yaange ana alahb njom wohng go ejum njom,*2:17 2 Tim 4:6 ji li elloko ni ń kpꞌloko Esowo bi ḿ ma taame tv-e, n kpꞌgeere, fere bel eyebatahng a nahne. 18 Ano wo fvfo ḿ bahke tob bel eyebatahng, fere tob-m elgeere.
Timoti abola Epafroditus
19 N kpꞌbumu Ntul a Jisos go etingitingi re m bahke gulu eltumu Timoti tv-n, eji n lꞌwuk bade ana ń li no, fere rede av.
20 Nnene n kpeem kpi ana ye, no kpo sahb tiir-n tiiri. 21 Ane bako kpee kpo ga kunu ekpu go bo a nsol. Bo kpehme ga kunu ekpu go nsol nyi Jisos Kraist.2:21 2 Tim 4:16 22 Wo Timoti, ń kp-e kahne re, á kpꞌtibi eljini ni nno. Ń kpꞌkahne ana á ma jol ana mmon ewame no bo jo kod abo ano abola nde, jo loko Esowo eji e jo tiingi nnoobo etib.2:22 1 Tim 1:2 23 N kpꞌbumu re me n tum-e, n lꞌsoro kꞌkahn ji bahke jolo a name.
24 N kpꞌbumu Jehova go etingitingi re, mefono bahke tob gulu elbake.§2:24 Fil 1:25 25 N tiri re, nꞌnob re me n tum mmonanne Epafroditus tv-n, ye ji e kpꞌlimi eltum a ne ano. Á tob li nne a nsoja no Kraist ana me. Ye wo li nne no ń tum-e re, á ba kak-m ebo.*2:25 Fil 4:18 26 Á kpꞌsahb sꞌseb re á nyehn-n wahn ane kpee. Ndon gbal-e go eltim sehng tib eji ń wuku re, á jo yꞌyam. 27 Etingitingi, á yame sehng, jol kehn á kpo. Á fili Esowo ndon, jol ye ye sang, me fvfo, eji n lꞌkꞌjo jol ndon ndon.
28 Owo wahnge sahb li-m li re me n tum-e, eji ń lꞌkpe-e nyehn, fere bel eyebatahng, kꞌkpe ga jol ndon ndon. 29 Koon ye go eyebatahng ana nne no Jehova tumu no. Jo kaken elkohn ane ana bao. 30 Tibre sa ntiil á kpo, tib go eltum ni Kraist. Á taame elkv, eji á lꞌgohr-m loko eltum ni ń kil-m elkpe ma loko, tib eji ń li fee.2:30 Fai 13

*2:2 2:2 Ef 4:3-6

2:3 2:3 Rom 12:10

2:4 2:4 1 Kor 10:24,33

§2:6 2:6 Jon 1:2; 17:5

*2:7 2:7 2 Kor 8:9

2:8 2:8 Hib 5:8; 12:2

2:9 2:9 Luk 14:7-11

§2:11 2:11 Ell 5:13

*2:12 2:12 1 Pit 1:17

2:13 2:13 Jon 15:5; 2 Kor 3:5

2:15 2:15 Mat 5:14; Ef 5:8

§2:16 2:16 1 Tes 3:5

*2:17 2:17 2 Tim 4:6

2:21 2:21 2 Tim 4:16

2:22 2:22 1 Tim 1:2

§2:24 2:24 Fil 1:25

*2:25 2:25 Fil 4:18

2:30 2:30 Fai 13