4
पौलुसना सेवाता बारेमते
पेन मापोर्रो दया कीसि, दाना पोल्‍ले वेहाना इद सेवा माक हीता, अदुनहाटीं मोमोट दैरनेमते वेहांतोम. सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.
मना बेसता कबुरगिंटा मुस्‍कु वाटताप मनानय्ते, अद नासडेम आयानोराहाटींगे मंता. किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता. अदुनहाटीं येसु किरिस्‍तु सामि आंदुर, ओनाहेंदाले मोमोट मी सेवाकुल्‍कुम आंदुम इंचि प्रचार कींतोम, गानि मावा बारेमते मोमोट प्रचार कीकुन्‍नोम. बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.
मनालोप्‍पो मंदना इद वेल्‍गु पेद्‍दा दनमलेसीं*दनम इग्‍गे दनम इत्‍ते पेनदा तेल्वि. विस्वासुल्कुंक अप्पजेपता बेसता कबुर. मंता. गानि ई दनमतुन तोळिता अळकातसोंटा मना मेंदुल्कुने पेने इरता. इदुनहेंदाल ई वेहा परवच्‍चो ताकत मनद आयो गानि पेनदाहेंदाल मंता इंचि माकु तेळियंता. माकु नालुं मूलानाल आपत्‍तिं अय्ते वांतां, गानि आपत्‍तिते अर्सि होन्‍नोम, वेल्‍लेने मल्कां गाबर आंतोम, गानि आसे हिल्‍वाप मन्‍नोम. लोकुल्‍क तकलिप अय्ते कींतुर गानि पेन माकुन होळसो. पगातोर हिळु अरहंतुर गानि नासडेम आयोम. 10 येसुना पिस्वर मावा मेंदुल्ते दिस्‍सागोम इंचि येसुना हामुटुन बस्‍केळ्‍क मा मेंदुल्ते पीसि तिरियंतोम. 11 येसुना पिस्वर मावा हायाना मेंदुल्ते दिस्‍सागोम इंचि मोमोट पिस्सि मंचिगुडा बस्‍केळ्‍क येसुनाहाटीं हामुरता कय्‍दे मनंतोम. 12 अदुनहाटीं मावा लोप्पो हामुर, मीलोप्‍पो पिस्वर कबळ कींता.
13 दर्मसास्‍त्रमते, “नना विस्वासम कीतन, अदुनहाटीं वळ्‍कतन” इंचि रासि मत्‍ताप मोमोट विस्वासम कीतोम, अदे विस्वासमता आत्मा मावा लोप्पो मंता इंचि मोमोट वळ्‍कतोम. बारित्‍ते अदे विस्वासमता आत्मा मावा लोप्पो मंता. 14 बारित्‍ते, सामि येसुन जीवाते तेहता पेने मोमोट येसुना लोप्पो कलियसि मत्‍ताहाटीं माकुनगुडा जीवाते तेहंता आनि मीवातोनि माकुनगुडा दाना मुन्‍ने निप्‍संता इंचि माक एरपाटे मंता. 15 पेनदा कुर्पा वेल्‍लेटुर लोकुल्‍कुनगा एवसि, दाना महिमा कियालय एक्‍कोते-एक्‍को दन्यवादाल्‍क वेहाना पारतनां बेर्सगोम इंचि इवन्‍नि मीवाहाटीं मंतां.
16 अदुनहाटीं मोमोट दैरनेम होळसोम. मावा मेंदुल पलाताल जिग्‍गि हिलाकोंटा आसेके मंता, गानि लोप्पो मंदना आत्मा मात्रम रोज पूनगा आसेके मंता. 17 बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां. 18 अय्ते इंदके मोमोट दिस्‍साना वस्‍तुकुन पोर्रो आयो, गानि दिस्‍सुवा वस्‍तुकुन पोर्रो नदर वाटंतोम. दिस्‍सना वस्‍तुक गळसेम मनंतां, दिस्‍सुवा वस्‍तुक बारे बस्‍केळ्‍क मनंतां.

*4:7 दनम इग्‍गे दनम इत्‍ते पेनदा तेल्वि. विस्वासुल्कुंक अप्पजेपता बेसता कबुर.