4
आराम दोर्कना जेगाते होळियमळ
आराम दोर्कना जेगाते होळियाना बारेमता पेन हीता पोल्‍ले, इदवेरदाकागुडा ताकसेके मंता. अद मना लोप्पोटाल बोनागटालन्‍ना तप्‍सोनामन्‍नि इंचि, मनम पेनदा वेर्रेते मंदकोम. बारित्‍ते, ई आराम दोर्कना जेगाता बारेमता बेसता कबुर इस्राएल लोकुल्‍कुंक एवताप मनकगुडा वेहमळ जर्गता. गानि ओर आ कबुरपोर्रो विस्वासम इर्रा हिल्‍लुर, अदुनहाटीं ओर्कु दानद बतले पायदा आयाहिल्‍ले. 3-4 विस्वासम कीतोरम मनम, आ आराम दोर्कना जेगाते तप्‍पाकोंटा होळियंतोम. बारित्‍ते एडोव रोजुना बारेमते इल्‍हा रासतद मंता:
“पेन अद कीता अन्‍नि कबाहकुनाल एडोव रोजुननाड आराम कीता,”
इंचि रासि मंता. अयना आ जेगातुन तयार कियाना कबळ, पेन दुनियातुन पुटिस्तस्केन पुरागा कीसि इर्ता. बारित्‍ते, विस्वासम इर्रुवोरा बारेमते पेन होंगुने इल्‍हा इत्‍ता:
“ओर्कुन आराम दोर्कना जेगाते बस्‍केने होळिया हिय्योन,
इंचि ओट्‍टु तिंचि वेहतन.”बजन संहिता 95:11 इल्‍हा इत्‍ता.
आनि मर्रा, “ओर्कुन आराम दोर्कना जेगाते
बस्‍केने होळिया हिय्योन,”
इंचि इंकुंदि मल्का इत्‍ता. दीनकन्‍ना मुन्‍ने मना पेद्‍दाल्क बेसता कबुर परकारम ताकुवाहेंका ओर आराम दोर्कना जेगाते होळिया पर्राहिल्‍लुर. अयना अद आराम दोर्कना जेगाते इच्‍चुर लोकुल्‍क इंदकेगुडा होळियाना मंता. अदुनहाटीं, पेन उंदि रोजु इंकुंदि रोज तयार कीसि इरता, अदुन “इय्याला” इंचि इंतुर. पेद्‍दाल्क हर्रि तप्‍ता वेल्‍लेन वर्सांक, बल्हा अय्ते मुन्‍ने वेहताप,
“मिमेट इय्याला पेनदा पोल्‍ले केंजानय्ते,
इय्याला पेन वेहतद मोमोट केंजोम इंचेके,
इस्राएल लोकुल्‍क बय्‍लि जेगातगा पेनदा पट्‍टु हूळालय बल्हा मुजोरिं कीतुरो,
अल्हा मिमेट मीवा मनसुकुने मुजोरिं कियमट,”इब्रि 3:7-8; बजन संहिता 95:7-8
इंचि दाविदना बजन संहिता पुस्तकमते पेन वेहता.
ओक्‍कला जोसुवाल ओर्कुन आराम कियाना जेगाते ओसि मत्‍ते इंकुंदि रोजुना बारेमते पेन मर्रा वळकाकोनवळ. अदुनहाटीं पेनदा लोकुल्‍क आराम कियाना रोजु इंका वायानदे मंता.उत्‍पत्‍ति 2:2-3 10 बल्हा अय्ते पेन दाना कबाह्‍कुन महाचि एडोव रोजु आराम कीता, अल्हेन दाना आराम कियाना जेगाते होळियानोरगुडा ओरा कबाह्‍कुन महाचि आराम कियानुर.उत्‍पत्‍ति 2:2 11 इस्राएल लोकुल्‍क पेनदा पोल्‍ले परकारम ताकुवाहेंका ओर नासडेम आतुर, गानि मनम ओरालेसीं आयाकोंटा, पेनदा पोल्‍ले परकारम ताकसेके अद जेगाते होळियाना इरगा कोसिस कियागोम.2 पत्रु 1:10-11 12 बारित्‍ते पेन वेहता ई पोल्‍ले, जीवा मत्‍तद आनि बलमगल्‍लद आंद, अद रोंडु बाजकुनाल करा-करा मनना कसेरकन्‍ना एक्‍को करा-करा मंता. अद बल्हा बोक्‍कानाल पूलगुन वेरे-वेरे कींता, अल्हेन आत्माताल जीवातुन वेरे कींता. इंका अद मनसुना विचाराल्कुन, अवुना उद्‍देसाल्कुना बारेमते बरोबर वेहा पर्रंता. 13 इद दुनियाते मनानव बतांगें पेनदा नदरताल मक्‍किसि हिल्‍लें. मनम मना बारेमते लेक्‍का अप्पजेप्पना पेनदा मुन्‍ने अन्‍निगुडा कुल्‍ला-कुल्‍ला मंतां.
येसु अंटोर्कन्‍ना पेद्‍दा पेर्मल
14 अंटोर्कन्‍ना पेद्‍दा पेर्मल, स्वर्गमते होत्‍ता पेनदा मर्रि येसु, मनातोनि मंतोर. अदुनहाटीं अंटोरा मुन्‍ने ओप्‍कुत्‍ता मना विस्वासमतुन मनम गट्‍टिगा पीसि मंदकोम. 15 मना पेद्‍दा पेर्मल येसुंकगुडा मनालेसीं पापम कियाना अन्‍नि परिक्‍सां वातां, गानि ओर बस्‍केने पापमते अर्रा हिल्‍लोर. अदुनहाटीं ओर मना कमजोरिन, दुक्‍काल्कुन तेल्‍पिचकुंतोर. 16 अय्ते वट! गट्‍टिगा दैरनेम कीसि मनम पेनदा दयाता राजगद्‍दे दग्गेर्क दाकोम. दीनहेंदाल मनाकु अव्‍सरम मत्‍तस्के, मना सहायमहाटीं ओना कुर्पा आनि दया दोर्कार.

4:3-4 बजन संहिता 95:11

4:7 इब्रि 3:7-8; बजन संहिता 95:7-8

4:9 उत्‍पत्‍ति 2:2-3

4:10 उत्‍पत्‍ति 2:2

4:11 2 पत्रु 1:10-11