11
विस्वासमते पिसतोरा बारेमते कोन्नि पोल्लें
1 विस्वासम इत्ते बतल? मनम आसे पळसि मत्तव पोल्लें मनाकु तप्पाकोंटा दोर्कानूं आनि मना कळ्कुंक दिस्साकोन्नागानि अव मंतां इत्ता गेरांटिए, विस्वासम आंद. 2 मना एनकटा पेद्दाल्कुनगा इसोंटा विस्वासम मत्ता, अदुनहाटींगे पेन ओर्कुन मेच्कुत्ता.
3 विस्वासमहेंदाले, पेन इद दुनियातुन दाना पोल्लेतोने पुटिस्ता इत्ता पोल्ले, मनम तेल्पिचकुना पर्रंतोम. दीना अर्तम बतल इत्ते, मनाकु इंदके दिस्सानव अन्नि पोल्लें, दिसुवा पोल्लेनाहेंदाल पेन कीता,✡उत्पत्ति 1:1; योहान 1:3; बजन संहिता 33:6; 33:9 इंचि मनाकु तेळियता.
4 विस्वासमहेंदाले आदामना मर्रि आबेल, ओना दादाल काइनुंकन्ना बच्चोनो बेसता मोक्कु पेनदुक हीतोर. काइन बतल अय्ते हीतोर अदुन पेन मेच्कुना हिल्ले गानि, आबेलना मोक्कुन पेन मेच्कुंचि ओन नीतिमंतुड इंचि गवाइ हीता. आबेल अय्ते हातोर, गानि ओना विस्वासमहेंदाल मनम इदवेरदाकागुडा करियसेक मंतोम.✡उत्पत्ति 4:3-5; 4:10
5 विस्वासमहेंदाले हानोकुंक हामुर वायाका मुन्नेन, उंदि रोज ओर गायप आतोर. बारित्ते पेन ओन तेहाकुंचि ओता. अदुनहाटीं ओना जाळा बोनके दोर्काहिल्ले. पेन ओन स्वर्गमते ओयाका मुन्ने ओर पेनदुन कूस कीतोर इंचि ओना बारेमते दर्मसास्त्रमते रासतद मंता.✡उत्पत्ति 5:22-24 6 विस्वासम हिल्वद पेनदुन बोरे कूस किया पर्रुर. पेनदागा वायाना हरेक मनकल, पेन निजमते मंता आनि दान हट्टु पीसि पहकानोंक अद बेसता इनाम हींता इंचि विस्वासम किया पींता.
7 विस्वासमहेंदाले नोहाल, कम्मुड वायाना मंता इंचि पेन ओन्क वेर्रे वेहतस्के ओर कम्मुडतुन बस्केने हूळा हिल्लोर गानि, पेनदा पोल्लेक कदर हीसि, कम्मुड वायाका मुन्नेन ओना कुटुंबतोर्कुन कापाळनाहाटीं पेद्दा डोंगा तयार कीतोर. इल्हा ओर दुनियातोर अंटोर तप्तुर इंचि ओना विस्वासमहेंदाल पेन दुनियातोर्कुन दोसिल्क इंचि वेहता. ओना इदे विस्वासमहेंदाल ओर, पेनदा मुन्ने नीतिमंतुल्क आतोरा लोप्पो कलियतोर.✡उत्पत्ति 6:13-22; 7:1
8 विस्वासमहेंदाले पेन अब्राहामुन, “नना नीकु हुप्साना देसेमते होन, अगाटा पूरा जेगा नीकु हीकन” इंचि इत्तस्के, बेके होनना इंचि तेळियाकोन्ना गानि तेळियवा जेगाहेके होनालय पेय्सतोर.
9 विस्वासमहेंदाले अब्राहाम, पेन ओन्क हींतन इंचि पोल्ले हीता देसेमते होंचि, पराइ देसेमतोनलेसीं डेरा वाट्सि पिस्सेक मत्तोर. ओनतोनि ओना मर्रि इसाक आनि इसाकुना मर्रि याकोब, ईरगुडा अद देसेमता वारसदार्के. ओरगुडा अगा डेरां वाट्सि पराइ देसेमतोरलेसीं पिस्सेक मत्तुर. 10 बारित्ते, कुद्दु पेने सारे पीसि, पुनादि दोह्चि, बस्केळ्ताहाटीं निल्हाता सहरते मनालय ओर विस्वासमते एदुर हूळसेक मत्तुर.
11 विस्वासमहेंदाले अब्राहामुंक ओना मुत्तो सारानतोनि कलियसि, मातिरतनमतेगुडा मर्रिन कनाना बलम दोर्कता. बारित्ते, ओन्क संतानम हींतन इंचि बद पेन अय्ते पोल्ले हीतानो, अद पोल्ले तप्पो इंचि ओर दानपोर्रो विस्वासम इरतोर.*विस्वासमहेंदाले अब्राहामुना मुत्तो साराल, मातिरतनमतेगुडा नेला तप्सि मर्रिन कंता. बारित्ते, दान्क संतानम हींतन इंचि बद पेन अय्ते पोल्ले हीतानो, अद पोल्ले तप्पो इंचि अद विस्वासम कीता. इल्हा कोन्नि पडाना पांडु लिपिने रासि मंता.✡उत्पत्ति 17:19; उत्पत्ति 21:1-2 12 अदुनहाटीं डुग-डुग मातरल आसि हासोत्तोनलेह्का मत्ता वरोरे अब्राहामुंक पेन, मब्बुने मनना सुक्कनच्चोन आनि समुद्रम ओड्डुंक मनना उस्केतच्चोन, लेक्का परुवच्चो संतानमतुन हीता.✡उत्पत्ति 15:5; उत्पत्ति 22:17; उत्पत्ति 32:12
13 पेनदापोर्रो विस्वासम इरतोर अंटोरगुडा दानपोर्रो विस्वासम इरसे हासोत्तुर. पेन हींतन इंचि पोल्ले हीतद ओर्कु दोर्काहिल्ले. गानि पेन हींतन इत्तादुन लक्कुटाले हूळताप हूळसि कूस आतुर. पजा मनम इद बूमिपोर्रो पय्नेम कीसेके वाता पराइतोरम इंचि ओप्कुत्तुर. 14 इसोंटा पोल्लें बोर अय्ते वळ्कंतुरो, ओर ओरा सतता देसेमतुन पहकसंतुर इंचि मनाकु अर्तम आंता. 15 ओक्कला, ओर होळसि वाता देसेमता बारेमते विचारम कीसि मत्ते, ओर्क ओरा होळसि वाता देसेम मल्सि होनना मोका दोर्किसि मनवळ. गानि ओर होळसि वाता देसेमता विचारमते मना हिल्लुर.†अब्राहाम बेबिलोन देसेमता ऊर इनना नाटे पुट्तोर. (उत्पत्ति 11:28) गानि कनान देसेमते वाता पज्जो, ओर ओना पुट्ता देसेम बस्केने तिरियसि होना हिल्लोर. इसाक, याकोब अद देसेमताल पोरिह्कुन तत्तुर गानि अद देसेम होंचि अगा जेगा पिय्या हिल्लुर. 16 दाना बदुलते ओर, होळसि वाता देसेमकन्ना एक्को बेसता देसेम, इत्ते ओराहाटीं पेन स्वर्गमते तयार कीसि इरता देसेमते होनना विचारमते मत्तुर. अदुनहाटीं पेन, ‘नना ओरा पेनदुन’ इंचि इनालय सिग्गु अर्रो.
17 विस्वासमहेंदाले, पेन अब्राहामुना पट्टु हूळतस्के, ओर ओना वरोरे मर्रि इसाकुन मोक्कु हियालय तयार आतोर. पेन हींतन इंचि मत्ता पोल्लेतुन ओर विस्वासम कीसि मत्तोर. 18 अयना, “इसाकुनाहेंदाल नीकु दोर्काना वंसंम नावा लोकुल्क आयानुर,” इंचि पेन अब्राहामुंक मुन्नेन पोल्ले हीसि मत्ता. आयनागानि ई इसाकुने अब्राहाम, पेनदुक मोक्कु हियालय तयार आसि मत्तोर. 19 बारित्ते, पेन हासोत्तोर्कुंकगुडा जीवा अरहा पर्रंता, इंचि ओर विस्वासम कीतोर. हातोन जीवाते तेहाचि हीतापे, पेन अब्राहामुंक ओना मर्रिन हीतागुडा.✡उत्पत्ति 22:1-18
20 विस्वासमहेंदाले इसाक, ओना याकोब, एसाव इनना इव्वुर मर्कुंक, वायाना कालमते ओर्कु बल्हा जर्गार इंचि आसिर्वाद हीतोर.✡उत्पत्ति 27:27-40
21 विस्वासमहेंदाले याकोब, जीवा होळसका मुन्ने, योसेपुना इव्वुर मर्कुन वरो-वरोन केय्सि, आसिर्वाद हीतोर आनि दुड्डुना पोर्रो ऊनसि पेनदुन आरादना कीतोर.✡उत्पत्ति 48:8-20
22 विस्वासमहेंदाले योसेप, इस्राएल लोकुल्क इजिप्त देसेमताल पेय्सि होनानुर इंचि जीवा होळसका मुन्नेन वेहा परतोर. अचोने आयाका, अद देसेमताल पेय्सि होनंनेके ओना बोक्कनगुडा पीसि पेय्सना इंचि आदेस हीतोर.‡नीवा वंसंमतोर नालुं नुह्कुना वर्सनदाका पगातोरा कय्दा हिळु मंदानुर इंचि पेन अब्राहामुंक वेहचि मत्ता. गानि ओर्कुन तिप्पल्क कियानोर्क सिक्सा हीसि नावा लोकुल्कुन अगटाल पेचाह्चि तरकन इंचि पेन वेहचि मत्ता (उत्पत्ति 15:13-14). पेनदा इदे पोल्लेतुन योसेप विस्वासम कीसि इल्हा इत्तोर (उत्पत्ति 50:24-25).
23 विस्वासमहेंदाले, मूसाल पुट्तस्के ओना तल्लुर-बाबो ओन मूड नेल्क मक्किच्चि इरतुर. “मावा पेडल सक्कगा मंतोर” इंचि तल्लुर-बाबो तेल्पिचकुत्तुर. अदुनहाटीं “इब्रितोर्क पुटता अंटोर मांड्सा पिलाल्कुन हव्कट” इंचि राजाल हीता आदेसुंक ओर वेरियाकोंटा मत्तुर.✡निर्गमन 1:22; 2:1-2
24 विस्वासमहेंदाले मूसाल पेद्दा बेर्सतस्के, पिरोन राजाना मिय्यटा मर्रिन इंचि वेहकुनालय ओप्कुना हिल्लोर. 25 दान्क बदुलते, पापमहेंदाल दोर्कना जेर्रासेपाटा सुकमते पिस्सनदानकन्ना, पेनदा लोकुल्कुनतोनि कलियसि तिप्पल्क बोगांच्मळे बेस इन्कुत्तोर. 26 पेनदाहेंदाल दोर्कना इनामुनाहाटीं ओर उंदितीर एदुर हूळसेक मत्तोर. अदुनहाटीं ओर इजिप्त देसेमता दनम-संपत्तिकन्ना, किरिस्तुनाहाटीं अपमानम सहन कियमळतुने पेद्दा दनम इन्कुत्तोर.
27 विस्वासमहेंदाले, इजिप्त देसेमता राजाल होंगुंक वायिनागानि, वेरियाकोंटा मूसाल इजिप्त देसेम होळसीतोर. बोर्के दिसुवा पेन ओन्क दिसताप, ओर गट्टि दैरनेमते मत्तोर. 28 इजिप्त लोकुल्कुना तोल्सूर मर्कुन हव्कालय पेन लोहता दूता, इस्राएलतोरा मर्कुन इट्टानायो इंचि, विस्वासम कीताहाटींगे मूसाल, गोर्रेता नेत्तुरतुन लोता दारसाकक होकालय वेहचि, दाटसि होनना पंडुगुन सुरुव कीतोर.
29 विस्वासमहेंदाले, इस्राएल लोकुल्क, वत्तुता बूमिपोर्रो ताकताप, एर्रा समुद्रमते ताकसेके होनना दैरनेम कीतुर. ओरालेह्केन इजिप्त लोकुल्क कियालय हूळतुर अय्ते, अव्टेन मुळ्गिसि हातुर.✡निर्गमन 14:21-31
30 विस्वासमहेंदाले, इस्राएल लोकुल्क यरिहो सहरता गूरे सुट्टु एडुं रोजकु तिरियतुर, अस्के आ गूरे कूलसि अरता.✡यहोसू 6:12-23
31 विस्वासमहेंदाले, यरिहो सहरता रहाब इनना वेस्या, तेळियाकोंटा जाळा कियालय वाता इस्राएलतोर्कुन दाना लोते केय्सि सांतिते सहायम कीता, अदुनहाटीं पेनदा पोल्ले केंजवा लोकुल्कुनतोनि दाना नासडेम पेन किया हिल्ले.✡यहोसू 2:8-14
32 इंका नना बोरा-बोरा बारेमते वेहासेक मंदकन? गिदोन, बाराक, समसोन, इपताल, दाविद राजाल, सामवेलनसोंटा पेनदा कबुरतोर. ईरा बारेमते वेहालय नाकु पुरसत हिल्ले. 33 विस्वासमहेंदाले इरव्टेटाल इच्चुर लोकुल्क राज्येल्क गेल्सतुर, इच्चुर लोकुल्क सत्तेम कबाह्क कीतुर, इच्चुर लोकुल्क, पेन हींतन इंचि पोल्ले हीतदुन दोर्किच्कुत्तुर, इच्चुर लोकुल्क सिंहाना कतराताल पलाते अरतुर. 34 इंकिच्चुर लोकुल्क पोत्तना तडमितुन पिरहातुर, इच्चुर लोकुल्क तलवारकुना अय्दरताल तपिच्कुना परतुर, इंकिच्चुर बारे बलम हिल्वस्केगुडा बलमगल्लोर्क आतुर, लडाइने वीरूल्क आतुर आनि पराइ देसेमता सिपाइल्कुन गेद्मिसीतुर. 35 विस्वासमहेंदाले कोन्नि मुरताह्कुंक, अवुना हासोत्ता जीवातोर्क, मर्रा जीवा अर्सि वापस दोर्कतुर.
गानि इंकिच्चुर मात्रम पेनदापोर्रो विस्वासम इरताहाटीं देब्बां तिंचि-तिंचि हासोत्तुर. हासि मर्रा जीवाते तेदतस्के, पेन माकु बेसता पिस्वर हिय्यार इत्ता आसेते, इगेटा पिस्वरतुन दक्किच्कुनालय पेनदुन होळसा हिल्लुर. 36 इंकिच्चुर्कुन बारे कारेड्डाल्क कीसेके पोट्टेने तंतुर, इंका गोल्सुकुने दोह्चि जेलने वाटतुर. 37 सगोमतोर्कुन अय्ते बंडाने तंतुर, आरेने कोय्सि तुकडां कीतुर, ओरा पट्टु हूळतुर,§इद वचनम कोन्नि पांडु लिपिने हिल्ले. तलवारकुने कोह्किसि हव्कतुर. गरिब-कंगाल आसि दुक्कमते, एटिं-गोर्रेना तोल्कु मुच्कुंचि बेके-बेकेनो तिरियसेके मत्तुर. लोकुल्क ओर्कुन बागेने तकलिप कीतुर. 38 दुनियाता लोकुल्क, पेनदापोर्रो विस्वासम इरतोरालायक मना हिल्लुर. अदुनहाटीं ओर उस्के बूमिने, गुट्टानपोर्रो, पडाने, बंडा सोर्रेने मंचेके तिरियुंदुर.
39 ईरा अंटोरा विस्वासमतुन हूळसि पेन अय्ते ओर्कुन मेच्कुत्ता. गानि पेन ओर्कु बद आसिर्वाद अय्ते हींतन इंचि पोल्ले हीसि मत्तानो, अद आसिर्वाद मात्रम ओर्कु दोर्काहिल्ले. 40 बारित्ते अन्निटकन्ना बेसतद उंदि पोल्ले पेन मनाहाटीं मुन्नेटाले तयार कीसि इरता. अद पोल्लेतुन मनाकु, ओर्कु उंदे मल्का दोर्काना इंचि पेन अल्हा कीता.
✡11:3 उत्पत्ति 1:1; योहान 1:3; बजन संहिता 33:6; 33:9
✡11:4 उत्पत्ति 4:3-5; 4:10
✡11:5 उत्पत्ति 5:22-24
✡11:7 उत्पत्ति 6:13-22; 7:1
*11:11 विस्वासमहेंदाले अब्राहामुना मुत्तो साराल, मातिरतनमतेगुडा नेला तप्सि मर्रिन कंता. बारित्ते, दान्क संतानम हींतन इंचि बद पेन अय्ते पोल्ले हीतानो, अद पोल्ले तप्पो इंचि अद विस्वासम कीता. इल्हा कोन्नि पडाना पांडु लिपिने रासि मंता.
✡11:11 उत्पत्ति 17:19; उत्पत्ति 21:1-2
✡11:12 उत्पत्ति 15:5; उत्पत्ति 22:17; उत्पत्ति 32:12
†11:15 अब्राहाम बेबिलोन देसेमता ऊर इनना नाटे पुट्तोर. (उत्पत्ति 11:28) गानि कनान देसेमते वाता पज्जो, ओर ओना पुट्ता देसेम बस्केने तिरियसि होना हिल्लोर. इसाक, याकोब अद देसेमताल पोरिह्कुन तत्तुर गानि अद देसेम होंचि अगा जेगा पिय्या हिल्लुर.
✡11:19 उत्पत्ति 22:1-18
✡11:20 उत्पत्ति 27:27-40
✡11:21 उत्पत्ति 48:8-20
‡11:22 नीवा वंसंमतोर नालुं नुह्कुना वर्सनदाका पगातोरा कय्दा हिळु मंदानुर इंचि पेन अब्राहामुंक वेहचि मत्ता. गानि ओर्कुन तिप्पल्क कियानोर्क सिक्सा हीसि नावा लोकुल्कुन अगटाल पेचाह्चि तरकन इंचि पेन वेहचि मत्ता (उत्पत्ति 15:13-14). पेनदा इदे पोल्लेतुन योसेप विस्वासम कीसि इल्हा इत्तोर (उत्पत्ति 50:24-25).
✡11:23 निर्गमन 1:22; 2:1-2
✡11:29 निर्गमन 14:21-31
✡11:30 यहोसू 6:12-23
✡11:31 यहोसू 2:8-14
§11:37 इद वचनम कोन्नि पांडु लिपिने हिल्ले.