1 Ikyanya mwami Dahudi âli ki riiri i Heburooni, akabuta yaba bagala: Ifula yage, ye Hamunooni. Nyina ye wâli Ahinwamu, wa mu kaaya keꞌYezereheri. Noꞌwa kabiri, ye Danyeri. Nyina ye wâli Habigahiri, wa mu kaaya keꞌKarimeeri. 2 Noꞌwa kashatu, ye Habusalumu. Nyina ye wâli Maka munyere mwami Talimaayi weꞌGeshuuri. Noꞌwa kana, ye Hadoniya. Nyina ye wâli Hagiti. 3 Noꞌwa kataanu, ye Shefatiya. Nyina ye wâli Habitaari. Noꞌwa kalindatu, ye Hitiraamu. Nyina ye wâli Hegila. 4 Yabo booshi, kwo bali balindatu, bakabutirwa i Heburooni, imunda Dahudi akatwala ku myaka irinda neꞌkitolo.

Ha nyuma, Dahudi anahisa imyaka makumi gashatu niꞌshatu, atwaziri i Yerusaleemu.* 3.4 2 Samweri 5.4-5; 1 Baami 2.11; 1 Kutondobola 29.27. 5 Neꞌkyanya âli tuuziri iyo munda, anabuta yaba bandi baana: Mukaage Beeti-Sheeba munyere Hamyeri, anamúbutira abagala bana: Shimeya, na Shobaabu, na Natani, na Sulumaani.† 3.5 2 Samweri 11.3. 6 Dahudi akabuta abandi bagala mwenda. Hâli Hibuhaari, na Herishuwa, na Heripereeti, 7 na Nooga, na Nefegi, na Yafya, 8 na Herishama, na Heryada, na Herifereeti.

9 Yabo booshi, bâli bagala Dahudi. Na kwakundi, akabuta abandi batabana ku bakaage beꞌmbuga. Dahudi akabuta noꞌmunyere, iziina lyage ye Tamaari.

10 Ulya Sulumaani akabuta Rehobwamu. Rehobwamu naye, anabuta Habiya. Habiya naye, anabuta Hasa. Hasa naye, anabuta Yehoshafaati. 11 Yehoshafaati naye, anabuta Yoramu. Yoramu naye, anabuta Ahaziya. Ahaziya naye, anabuta Yohaashi. 12 Yohaashi naye, anabuta Hamaziya. Hamaziya naye, anabuta Hazariya. Hazariya naye, anabuta Yotamu. 13 Yotamu naye, anabuta Ahaazi. Ahaazi naye, anabuta Hezekiya. Hezekiya naye, anabuta Manaasi. 14 Manaasi naye, anabuta Hamooni. Hamooni naye, anabuta Yosiya. 15 Yosiya naye, ifula yage ye wâli Yohanani. Na úgamúshukirwa i mugongo, ye wâli Yoyakimu. Noꞌwa kashatu, ye Zedekiya. Noꞌwa kana ye Salumu. 16 Ulya Yoyakimu, ábakayima inyuma lyage, bali bagala baage Yekoniya na Zedekiya.

17 Ulya Yekoniya akatwalwa imbohe naꞌBababeeri. Âli busiri Shalityeri, 18 na Malikiraamu, na Pedaya, na Senazaari, na Yekamiya, na Hoshama, na Nedabiya. 19 Uyo Pedaya naye, anabuta Zurubaberi, na Shimeyi. Zurubaberi naye, anabuta Meshulamu, na Hananiya. Âli busiri noꞌmunyere muguma, iziina lyage Selomiti. 20 Zurubaberi akabuta naꞌbandi bagala bataanu, Hashuba, na Oheeri, na Berekiya, na Hasadiya, na Yushabu-Heseedi.

21 Ulya Hananiya anabuta Pelatiya, na Yeshaya. Yeshaya naye, anabuta Refaya. Refaya naye, anabuta Harinaani. Harinaani naye, anabuta Hobadiya. Hobadiya naye, anabuta Sekaniya. 22 Sekaniya naye, anabuta Shemaya. Uyo Shemaya akabuta Hatushi, na Higaari, na Bariya, na Nyariya, na Safaati. Booshi kuguma, bâli balindatu. 23 Bagala Nyariya, bâli bashatu: Heryonaayi, na Hezekiya, na Hazirikamu. 24 Uyo Heryonaayi akabuta abagala balinda: Hodavya, na Heryashibu, na Pelaya, na Hakubu, na Yohanani, na Delaya, na Hanani.