10
Amagambo goꞌkusiguusa ga Moredekaayi
Mwami Serikisi, anarambuliisa abandu booshi ba mu poroveesi zooshi, halinde ukuhisa ku tulira tweꞌmahanga. Imikolezi yoshi ya kahebuuza yo akagira ku bushobozi, kuguma naꞌmagambo goꞌkuyerekana ngiisi kwo Moredekaayi akahaabwa ubukulu, byoshi biyandisirwi mu kitaabo kyoꞌbukengeeze bwo íbikakoleka mu bwami bweꞌMediya na bweꞌPerisiya. Moredekaayi Umuyahudi, ye wâli kyegeera kya mwami Serikisi. Mu yubwo butwali, âli kuuzirwi bweneene. Kiri naꞌBayahudi, banakizi músimbaha. Mukuba, âli kizi bakolera, anâli kizi baloogeza umutuula.