2
Umwami ye Nahano ataluula
1 Kituma kiki ibinyamahanga bigweti bigaraakara?
Kundu biyamiri biri mu gira igambi libi, haliko liri lya busha.
2 Abaami beꞌkihugo kuguma naꞌbatwali baabo,
keera bayibiika kuguma,
banakoli yiteganwiri, gira balahire Nahano,
balahire na Masiya wage ye akatoola.
3 Kinatume bagaadeta: «E balya, kundu batushweka neꞌminyororo, tugitwise.
Noꞌtubangira twabo, tutukabulire hala.»
4 Kundu badesiri kwokwo,
haliko Nahano aki bwatiiri mwiꞌgulu, ku kitumbi kyage.
Ali mu bashekeereza, iri anabanegura.
5 Anagweti agabakanukira ku buraakari bwage,
halinde banakizi huumirwa.
6 Nahano adetaga kwokuno:
«Keera nꞌgataluula umugazi gwani Sayuni,
ho nanayimika umwami wani gira akizi twala.»
7 Nahano keera akambwira:
«Wehe we mwana wani. Zeene, lyo naaba yisho.* 2.7 Mikolezi 13.33; Baheburaniya 1.5; 5.5.
Go na gaago magambo, go ngakizi deta ku bweranyange imbere lyaꞌbandu.
8 Aaho! Umbuunage, gira uhaabwe ibinyamahanga.
Ee! Ngakuheereza byo, bube buhyane bwawe,
halinde ngiisi haꞌmahanga gahekiiri, hakizi ba ha mwawe.
9 Birya binyamahanga, ugakizi birongoora neꞌngoni yeꞌkyuma,
unakizi binyanyaga haashi, halinde binajajaguke nga nyungu ziꞌbumba.† 2.9 Bwigule 2.27; 19.15.»
10 E baami, mukizi yitonda.
Kundu mwe mutwaziragi ikihugo, si mukizi ba makengwa.
11 Mukizi kolera Nahano, iri munamúsimbaha.
Kiri neꞌkyanya mugakizi shambaala, mukizi yibomba-bomba imbere lyage.
12 Ulya muluzi wage, mukizi múfukamira, gira atayagalwe.
Mukuba, hali ikyanya uburaakari bwage, bwangayami yaka,
munayiji kengeera mwashereezibwa, munakiri mu njira.
Bahiriirwi, ngiisi ábagatibitira Nahano,
gira akizi balanga.