15
Nyandi úwangatuula ku mugazi gwa Nahano
1 Izaburi ya Dahudi.
E Nahano, nyandi úwangatuula ku mugazi gwawe,
anakizi yingira mu nyumba yawe?
2 Uyo mundu akwiriiri akizi gira íbikwaniini, buzira kuhuba,
anakizi deta ukuli ku mutima gwage gwoshi.
3 Anabe atali mu gambana,
atanali mu shokoora abaabo,
ndaanabyo byo angahubira kwoꞌmutuulani wage.
4 Banangora-mabi boohe, uyo mundu ababwini buligo bweneene.
Si ngiisi ábasimbahiri Nahano, ali mu kizi bagingika.
Ngiisi byo ali mu biikira kweꞌndahiro, ali mu bikoleesa,
kundu byangaba bya kumúhombeesa.
5 Ali mu kaabana, buzira kutona kwo agayungulwa.
Neꞌkyanya bali mu múshonga ikitulire,
mbu lyo ahana umuzira buhube, ali mu kilahira.
Yago miija gooshi, ngiisi úli mu kizi gagira, yehe atâye kakazibwe.