23
Nahano ye mungere wani
1 Izaburi ya Dahudi.
Nahano ye mungere wani,
ndaakyo kindu nganiihirwa kwo.
2 Ali mu mbwataza mu ndaraara yoꞌbwasi úbudohiri,
anali mu ndongoora halinde ha lwiji úlutuziizi.
3 Agweti agangania umutima,
anali mu ndongoora, ngizi genda mu bikwaniini.
Yibyo byoshi, biri hiꞌgulu liꞌziina lyage.
4 Na kundu nangalenga mu kabanda ákayidisiri mweꞌkimbehwa kyoꞌlufu, ndagayoboha.
E nahamwitu, tuyamiinwi!
Ubuhiri bwawe, neꞌngoni yawe, bigweti bigakizi ndanga, halinde na mboleere.
5 Ugweti ugakizi njiiga amavuta mwiꞌtwe,
ubuli mbiikira ibyokulya biija mu masu gaꞌbagoma baani.
Urusoozo lwani, lukoli yijuliiri.
6 E Nahamwitu, ku kasiisa, ngakizi vwagarara mu miija, na mu rukundo isiku zaani zooshi,
tuganayamanwa mu nyumba yawe, halinde imyaka neꞌmyakuula.