70
Kuhuuna ubutabaazi
(Zaburi 40.13-17)
1 Izaburi ya Dahudi, imwoꞌmwimangizi waꞌbimbi.
2 E Rurema Nahamwitu, ungize duba, we kongwa!
Uvwarukage uyiji ndabaala.
3 Haliko ábaloziizi ukunyita boohe,
bakizi teezibwa ishoni, banateteerwe.
Bwo basiimiri kwo ngizi libuuka,
ubateeze ishoni, mu kubagalulira inyuma.
4 Ngiisi ábali mu nvuka akahoogo,
bateezibwe ishoni, banandwikirage kwo.
5 Haliko, ngiisi ábagweti bagakulooza,
bakizi shambaala, iri banashagaluka mu kati kaawe.
Ngiisi ábakuuziri ubukize bwawe,
bakizi deta: «Rurema akizi huuzibwa.»
6 Kundu kwokwo, niehe ngiri mukeni, na ngi goozirwi.
E Rurema Nahamwitu, uvwarukage maashi, uyiji ndabaala! We mu ndabaala, we na Lukiza wani.
Kwokwo, utaki tindage.