120
Nꞌgatabaaza Nahano, ananjuvya
1 Luli mu yimbwa na ábali mu zamuukira i Yerusaleemu.
Ikyanya nâli kizi libuuka, nꞌgatabaaza Nahano, ananjuvya.
2 E Nahano, buno kandi, abandu bagweti bagambeeshera, banali mu teberezania.
Aahago! Ungizagye, maashi!
3 E batebesi, kuti kwo Rurema agamùgira,
halinde muhanirizibwe lwoshi-lwoshi?
4 Si mugakizi tumitwa neꞌmyambi myugi-myugi,
munagendi singoolerwa mwiꞌbengesheeshe lyoꞌmuliro!
5 Yayewe imwani! Si nduuziragi mu banakuhambwa beꞌMesheki,
na mu maheema geꞌKedaari!
6 Balya bandu, bashombiri umutuula bweneene.
Na bwo keera nahisa isiku nyingi, ngoli batuuziri mwo,
ngoli luhiri bweneene.
7 Niehe nienyene, kundu ngweti ngalooza umutuula,
si boohe, bali mu looza naaho kwo bagendi gira izibo.