124
Nahano ali mu tutabaala
1 Izaburi ya Dahudi. Iri mu yimbwa na ábali mu zamuukira i Yerusaleemu.
Nahano átaki be ali uluhande lwitu.
(Yago magambo, Abahisiraheeri bakwaniini bashubi gadeta.)
2-3 Ku kyanya abagoma biitu bakaturakarira, banatuteera,
Nahano átaki baagage ali uluhande lwitu,
yabo bagoma bâli bagatumira, tunakiri bagumaana.
4 Balya bagoma, bâli riiri nga migezi.
Amiiji gaayo, gâli gagatuyifuka kwo, ganatubindikire.
5 Galya miiji gâli mingi,
ganâli gagatuhunguukana.
6 Tukizi huuza Nahano!
Mukuba yabo bagoma, atakabaleka kwo batujanganule.
7 Tuli nga kanyuni ákakafuuka mu mubashu gwoꞌmutezi.
Ee! Gulya mubashu gukavunika, twanafuuka.
8 Ubutabaazi bwitu, tuli mu bulongera kwiꞌziina lya Nahano,
ulya úkalema igulu neꞌkihugo.