125
Nahano asokaniini abandu baage
1 Luli mu yimbwa na ábali mu zamuukira i Yerusaleemu.
Ngiisi ábabiisiri Nahano kwoꞌmulangaaliro,
bali mu ba ngoꞌmugazi Sayuni.
Yugwo mugazi, gutâye shagale.
Si gugayama guli ho, halinde imyaka neꞌmyakuula.
2 Nga kweꞌmigazi isokaniini akaaya keꞌYerusaleemu,
kwo na kwokwo Nahano asokaniini abandu baage,
ukulyokera buno, halinde imyaka neꞌmyakuula.
3 Banangora-mabi batagakizi twala hiꞌgulu lyaꞌbandu biija.
Báki be babatwaziri, hali ikyanya yabo biija
bangakengeera bakoleesa ubushobozi bwabo mu kugira amabi.
4 E Nahano, balya bandu biija, imitima yabo igolosiri.
Aaho! Ukizi bagirira amiija.
5 Si ábali mu sookeraga mu njira zoꞌkunyoka-nyoka boohe,
Nahano agabayimula kuguma na banangora-mabi.
Abahisiraheeri bakizi longa umutuula.