1 مِ وَرَيْ تٛ مٛوطٛنْ جٛونِ غَرٛلْ تَتَٻٛلْ؞ اَايَارٜ وِعِي، ‏«‏دٛولٜ طُمْ حٜٻَ شٜيْدُعٜنْ طِطٛ کٛو تَتٛ کٛ طُمْ تَبِّتِنَ حَالَ؞»‏ 2 مِ يَادَکٜ مِ وَغِّنِي ٻٜنْ طٛنْ ݧَمْرُٻٜ يٜىٰسٛ اٜ وَطُکِ حَکّٜ کٛ نغَرْمِ تٛ مٛوطٛنْ طِطَٻُمْ؞ جٛونِ ندٜ مِ وٛنْدَا اٜ مٛوطٛنْ، اٜ مِ ٻٜيْدَ وَغِّنْکِٻٜ اٜ فُو حٛرِيٻٜ کُوٛوٻٜ طٜنْ طٛنْ کُوطٜ؞ تٛ مِ سٛعّٛيَکٜ تٛ مٛوطٛنْ، مِ تَوِي اٜ ٻٜ ندٜرْ حَکّٜ حَا جٛونِ، مِ مُݧَنْتَاٻٜ؞ 3 ندٜ اٛنْ نغِطِ يِيکِ کٛ تَبِّتِنَنْتَعٛنْ اَلْمَسِيحُ اٜ مٜتِرَ لَاوٛلْ اَمْ، مِ حٛلَّيْعٛنْ طُمْ؞ اَلْمَسِيحُ دُلَّايِ سٜمْبٜ ندٜرْ مٛوطٛنْ، اَمَّا اٜ مٛ حُوَ ندٜرْ مٛوطٛنْ اٜ سٜمْبٜ؞ 4 کٛو ندٜ اٛ وَرَامَ دٛوْ غَافَانغَلْ ندٜرْ شِيَ سٜمْبٜ، فُو اٜ نٛنْ جٛونِ اٜ مٛ فٛوفَ لَاوٛلْ بَوْطٜ اَللَّه؞ مِنٛنْ مَا نٛنْ نٛ اٛ وٛنْتِندِرْنٛو، مِنْ نغَلَا سٜمْبٜ؞ نٛنْ نٛ اَلْمَسِيحُ جٛوطٛرِي جٛونِ ندٜرْ بَوْطٜ اَللَّه، مِنٛنْ مَا مِنْ نجٛوطٛدٛتٛ اٜ بَوْطٜ اَللَّه ندٜرْ مٛوطٛنْ؞ 5 پَمٜىٰ کٛعٜ مٛوطٛنْ نغِعٛنْ کٛو اٛنْ تٛکُّٻٜ يٜىٰسُ اٜ غٛونغَ؞ ڤٛوندٜىٰ کٛعٜ مٛوطٛنْ؞ اٛنْ اَنْدَا اَلْمَسِيحُ اٜ جٛوطِ ندٜرْ ٻٜرْطٜ مٛوطٛنْ؟ غٛونغَ اٜ مٛ جٛوطٛو ندٜرْ ٻٜرْطٜ مٛوطٛنْ، سٜيْ نِ تٛ اٛنْ تٛکَّايِمٛ اٜ غٛونغَ؞ 6 مِ تَبِّتِنِي اٛنْ اَنْدَيْ مِنٛنْ اٜ مِنْ تٛکَّمٛ اٜ غٛونغَ؞ 7 اَمَّا اٜ مِنْ تٛرٛو اَللَّه تٛع نغَطٛنْ غٛطُّمْ کٛ وٛوطَا؞ نَاع نغَمْ يِمْٻٜ نغِعَ بٛ اٜ مِنْ نغَطَ کٛ وٛوطِ، اَمَّا نغَمْ نغَطٛنْ کٛ حَانِ، کٛو ندٜ طُمْ يِعَيْمِنْ بٛ مِنْ نغَطَايِ کُوغَلْ اَمِنْ بٛطُّمْ؞ 8 نغَمْ مِنْ مبَاوَتَا مِنْ کَطَ غٛونغَ ݧَمْرُکِ يٜىٰسٛ، سٜيْ نِ مِنْ نغَطَ کٛ وَطَتَ غٛونغَ ݧَمْرَ يٜىٰسٛ؞ 9 مِنْ نَنَيْ بٜلْطُمْ تٛ مِنْ ندُلِّي سٜمْبٜ، تٛ نِ اٛنٛنْ اٛنْ نغَرْتِي شٜمْبِطْٻٜ؞ اٜ مِنْ تٛرٛو اَللَّه نغَرْتٛنْ کٜىٰوُٻٜ ندٜرْ تٛکُّکِ يٜىٰسُ؞ 10 کَنْجُمْ وَطِ مبِنْدَنْمِعٛنْ فِي طُعُمْ شَرٜلْ نغٜلْ مِ وٛنْدَا اٜ مٛوطٛنْ؞ نغَمْ تٛ مِ وَرٛيِي تٛ مٛوطٛنْ، تٛع طُمْ وَرْتَنَيَمْ دٛولٜ نَاع مِ حُوتِرِي سٜمْبٜ لَامُ طُمْ جٛومِرَاوٛ حٛکِّيَمْ؞ اٛ حٛکَّمْ لَامُ طُمْ نغَمْ مِ سٜمْبِطِنَعٛنْ، نَاع نغَمْ مِ لَلِّنَعٛنْ؞

11 تٛو، بَنْدِرَاٻٜ اَمْ، سٜيْ ݧَلْندٜ غٛعٛ؞ مٛعِّنٜىٰ جٛنْدٜ مٛوطٛنْ، نغَطٜىٰ کٛ تٛرِيمِعٛنْ نغَطٛنْ، نغَرْتٜىٰ ٻٜ ݧُمٛ غٛعٛ، نجٛوطٛدٜىٰ جَمْ؞ اَللَّه جٛومُ يِدّٜ اٜ جَمْ وٛنْدَ اٜ مٛوطٛنْ؞

12 کٛوْنِندِرٜىٰ کٛوْنٛلْ حِغَاکُ؞ فُو يِمْٻٜ اَللَّه اٜ کٛوْنَعٛنْ؞ 13‏-14 بَرْکَ طُمْ يٜىٰسُ اَلْمَسِيحُ جٛومِرَاوٛ، اٜ يِدّٜ اَللَّه، اٜ سُمْڤٛوتِرْکِ اٜ رُوحُ اَللَّه وٛنْدَ اٜ مٛوطٛنْ اٛنْ ڤُو؞