1 ندٜرْ کَوْتَلْ تٛکُّٻٜ يٜىٰسُ وٛنْٻٜ غَرِيرِ اَنْتَاکِيَ اٜ وٛودِ اَنَّبٛعٜنْ اٜ اٜکِّتِنٛوٻٜ، کَمْٻٜ نغٛنِ بَرْنَبَ اٜ سَامِنُ بِعٜتٜىٰطٛ ٻَلٜىٰجٛ، اٜ لُوسِيُسْ سَايِرَنْکٜىٰجٛ، اٜ مَنَيٜنْ مَوْنُدُطٛ اٜ حِرُدُسْ لَامِيطٛ، اٜ شَاوُلُ؞ 2 وٛنْدٜ ݧَلْندٜ اٜ ٻٜ مَوْنِنَ جٛومِرَاوٛ اٜ ٻٜ شُومٛو، سٜيْ رُوحُ اَللَّه وِعِٻٜ، ‏«‏کَکِّتَنٜىٰيَمْ بَرْنَبَ اٜ شَاوُلُ نغَمْ کُوغَلْ نغَلْ نٛدُّمِٻٜ ٻٜ نغَطَ؞»‏

3 غَطَ ٻٜ شُومَکٜ ٻٜ نغَطِي دٛعَارٜ، ٻٜ نجٛوَنِ بَرْنَبَ اٜ شَاوُلُ جُوطٜ ٻٜ مبَرْکِطِنِٻٜ، ٻٜ طٛفْتِٻٜ ٻٜ ندِلِّ؞

4 غَطَ رُوحُ اَللَّه لِلِي بَرْنَبَ اٜ شَاوُلُ، ٻٜ نجَحِ غَرِيرِ سَلُوکِيَ، دَغَ تٛنْ ٻٜ نَتِّ کٛمِوَلْ ٻٜ نجَحِ لٜيْدِ سَيِيفُرُسْ نغٛنْدِ شَکَ ندِيَمْ؞ 5 ندٜ ٻٜ نجٛتِّي سَلَمِسْ، ٻٜ نغَعَجِنِ وٛلْدٜ اَللَّه طٛنْ ندٜرْ شُوطِ دٛعَارٜ يَحُودَنْکٛعٜنْ؞ يَحَيَ بِعٜتٜىٰطٛ مَرْکُسْ بٛو اٜ وٛنْدِ اٜ مَٻّٜ، اٜ مٛ وَلَّٻٜ؞

6 ٻٜ نغِيلِي ندٜرْ لٜيْدِ سَيِيفُرُسْ نغٛنْدِ شَکَ ندِيَمْ حَا ٻٜ نغَرِ غَرِيرِ بَافٛسْ؞ تٛنْ ٻٜ کَوْرِ اٜ غٛطّٛ يَحُودَنْکٜىٰجٛ دَرْنٛووٛ بِعٜتٜىٰطٛ بَر‑جٛوشُوَ؞ اٛ اَنَّبِيجٛ فٜوْرٜ، 7 غٛنْدُطٛ اٜ غٛمْنَاجٛ لٜيْدِ ندِنْ؞ اِنْدٜ غٛمْنَاجٛ اٛنْ سَرْجِيُسْ بُلُسْ، اٛ نٜطّٛ غٛودُطٛ فَامُ؞ اٛ نٛدِّ بَرْنَبَ اٜ شَاوُلُ نغَمْ اٜ مٛ يِطِ نَنُکِ وٛلْدٜ اَللَّه؞ 8 اَمَّا بَر‑جٛوشُوَ اٛنْ بِعٜتٜىٰطٛ اَلِمَسْ، اٛ جَٻَايِ لِلَاٻٜ ٻٜنْ؞ ﴿مَعَنَ اَلِمَسْ وٛنِ دَرْنٛووٛ نغَمْ اٛ دَرْنٛووٛ؞﴾اٜ مٛ يِطِ حَطُکِ غٛمْنَاجٛ اٛنْ جَٻَ وٛلْدٜ اَللَّه؞ 9 سٜيْ شَاوُلُ، بِعٜتٜىٰطٛ بُلُسْ، کٜىٰوُطٛ رُوحُ اَللَّه، سُتِيمٛ، 10 وِعِمٛ، ‏«‏اَنْ ٻِي شٜيْطَنْ، اَ غَݧٛ کٛو طُمٜ بٛطُّمْ، کٜىٰوُطٛ پٛيْرٜ کَلُّندٜ اٜ نغَݧَاندِ؞ اَ يِطِ وَيْلُتُکِ غٛونغَ جٛومِرَاوٛ کَ وَرْتَ فٜوْرٜ؟ 11 جٛونِ جٛومِرَاوٛ نٛ تٛرّٜتٜ، اَ وُمَيْ، اَ يِعَتَا نَانغٜ نَا طُمْ حٛشِّي شَرٜلْ؞»‏

طٛنْ اٜ طٛنْ وٛنْدٜ ݧِوْرٜ سُدِّ غِتٜ اَلِمَسْ اٛ وُمِ؞ اٛ وَطِ کَ مبُمْبُمْتُکِ، اٜ مٛ طَٻِّتَ جٛغَنْتٛوطٛمٛ جُنْغٛ؞ 12 ندٜ غٛمْنَاجٛ اٛنْ يِعِ کٛ وَطِ، اٛ جَٻِ يٜىٰسُ، نغَمْ اٛ حَيْطِنِي اٜ اٜکِّتِنٛلْ نغٛلْ دٛوْ جٛومِرَاوٛ؞

13 سٜيْ بُلُسْ اٜ ٻٜ اٛ يَادَتَ نَتِّ کٛمِوَلْ دَغَ غَرِيرِ بَافٛسْ، ٻٜ نجَحِ فٜرْغَ ندٜرْ لٜيْدِ بَمْفِيلِيَ؞ اَمَّا يَحَيَ مَرْکُسْ اَلِٻٜ سٛعِّي اُرُشَلِيمَ؞ 14 ٻٜ پَٻِّي فٜرْغَ، ٻٜ نجَحِ غَرِيرِ اَنْتَاکِيَ ندٜرْ لٜيْدِ بِسِيدِيَ؞ ݧَلْندٜ سِوْتَارٜ ٻٜ نَتِّ سُودُ دٛعَارٜ ٻٜ نجٛوطِي؞ 15 غَطَ طُمْ جَنْغِي اَتَّوْرَ اٜ دٜفْتٜ اَنَّبٛعٜنْ، سٜيْ اَرْدِيٻٜ سُودُ دٛعَارٜ ندُنْ لِلِ غٛطّٛ وِعَٻٜ، ‏«‏بَنْدِرَاٻٜ، تٛ اٛنْ نغٛودِ بٛلِيطٜ طٜ شٜمْبِطِنِرْتٛنْ يِمْٻٜ، مبِعٜىٰٻٜکَ؞»‏ 16 سٜيْ بُلُسْ اُمِّي، پٜفْتِ جُنْغٛ مُوطُمْ، وِعِ،

‏«‏اٛنٛنْ بَنْدِرَاٻٜ اَمْ اِسْرَاعِيلَنْکٛعٜنْ اٜ حٛرِيٻٜ کُلٛوٻٜ اَللَّه، نَنٜىٰ کٛ مبِعَيْمِعٛنْ؞ 17 اَللَّه مٛ اِسْرَاعِيلَنْکٛعٜنْ اٛ سُٻِي مَامَعٜنْ مٜىٰطٜنْ، اٛ مَوْنِنِي لٜݧٛلْ مَٻّٜ کٛ نغٛلْ وٛنّٛو لٜيْدِ مَسَرْ، کَدِمَا اٛ وُرْتِنِيٻٜ لٜيْدِ ندِنْ اٜ بَوْطٜ مَاکٛ؞ 18 اٛ مُݧَنِيٻٜ دُوٻِ 40 ندٜرْ لَدّٜ؞ 19 غَطَ اٛ حَلْکِي لٜپِّ جٛوٜىٰطِطِ جٛوطِنٛوطِ ندٜرْ لٜيْدِ کَنْعَانَ، اٛ حٛکِّٻٜ ندٛنُ لٜيْدِ ندِنْ؞ 20 فِي طُعُمْ فُو وَطِي ندٜرْ دُوٻِ 450؞ غَطَ مَاجُمْ، اٛ سُٻَنِٻٜ غَطٛوٻٜ کِيتَ حَا يَاکِ جَامَنُ اَنَّبِ سَمَاعِلَ؞

21 ‏«‏غَطَ طٛنْ ٻٜ تٛرِي اَللَّه حٛکَّٻٜ لَامِيطٛ؞ سٜيْ اَللَّه حٛکِّٻٜ شَاوُلُ، ٻِي کِسْ، پِوٛيْطٛ لٜݧٛلْ بِلِيَامِنُ؞ اٛ لَامِيٻٜ دُوٻِ 40؞ 22 ندٜ جٛومِرَاوٛ جِڤِّنِ شَاوُلُ دٛوْ لَامُ، اٛ لَمْنِ دَوْدَ؞ دٛوْ دَوْدَ اٛنْ بٛو اٛ وِعِ، ‏‹‏مِ يِعِي دَوْدَ ٻِي جٜىٰسِ، اٛ نٜطّٛ ڤُکَّنِيطٛيَمْ تٛ ٻٜرْندٜ، غَطَيْطٛ کٛ نغِطْمِ؞›‏ 23 دَغَ ندٜرْ لٜݧٛلْ دَوْدَ اٛنْ اَللَّه وُرْتِنِ يٜىٰسُ، کِسْنٛووٛ اِسْرَاعِيلَ نٛنْ نٛ اٛ وَارُنٛو اَلْکَوَلْ؞ 24 ندٜنْ کٛ يٜىٰسُ فُطَّ کُوغَلْ مُوطُمْ، يَحَيَ وَعَجِنَنِي لٜݧٛلْ اِسْرَاعِيلَ فُو ٻٜ تُوبَ، ٻٜ نغَطَنٜىٰ بَڤْتِسْمَ؞ 25 ندٜ يَحَيَ ٻَدِي حٜىٰݧُکِ کُوغَلْ مُوطُمْ، اٛ وِعِ، ‏‹‏مِنْ نَاع طُمْ اٛنْ طٛنْ مٛ کَمِّيطٛنْ؞ اَمَّا اٜ وٛودِ غَرَيْطٛ غَطَ اَمْ، مٛ مِ فٛتَايِ فِتُّکِ کٛو ٻٛغِّ ڤَطٜ مَاکٛ؞›‏

26 ‏«‏اٛنٛنْ بَنْدِرَاٻٜ اَمْ، لٜݧٛلْ اِبْرَاهِمْ، اٜ اٛنٛنْ کُلٛوٻٜ اَللَّه وٛنْٻٜ ندٜرْ مٜىٰطٜنْ!‏ اٜنٜنْ طُمْ وَدَّنِ حَبَرُ کِسْندَمْ؞ 27 وٛنْٻٜ اُرُشَلِيمَ اٜ مَوْٻٜ مَٻّٜ فُو اَنْدِتَايِ يٜىٰسُ اٛ مٛيٜ؞ ٻٜ ڤَامَايِ بٛلِيطٜ اَنَّبٛعٜنْ جَنْغٜتٜىٰطٜ ݧَلْندٜ سِوْتَارٜ فُو ندٜرْ شُوطِ دٛعَارٜ؞ اَمَّا فُو اٜ نٛنْ، ٻٜ کٜبِّنِ کٛ اَنَّبٛعٜنْ ٻٜنْ مبِعِ ندٜ ٻٜ مبَرِ يٜىٰسُ؞ 28 کٛو ندٜ ٻٜ کٜٻَايِ دَلِيلَ وَطَنْکِمٛ کِيتَ مَيْدٜ، فُو اٜ نٛنْ ٻٜ تٛرَکٜ بِلَاتُسْ وَرَمٛ؞ 29 ندٜنْ غَطَ ٻٜ کٜبِّنِي کٛ دٜفْتٜرٜ وِعِ دٛوْ مَاکٛ فُو، ٻٜ نجِڤِّنِ ٻَنْدُ مَاکٛ دَغَ دٛوْ غَافَانغَلْ، ٻٜ نغَطِندُ ندٜرْ يٜنَاندٜ؞ 30 اَمَّا اَللَّه اُمِّنِيمٛ دَغَ مَيْدٜ؞ 31 بَلْطٜ طُطّٜ اٜ مٛ وَنْغَنَ وٛنْدُنٛوٻٜ اٜ مَاکٛ، تٛکُّٻٜمٛ دَغَ لٜيْدِ غَلِيلِ يَاکِ اُرُشَلِيمَ؞ جٛونِ کَمْٻٜ ٻٜ نغَرْتِي اَنْدِنٛوٻٜمٛ يٜىٰسٛ يِمْٻٜ؞ 32 مِنْ نغَدَّنِيعٛنْ حَبَرُ بٜلْطُمْ طُمْ اَللَّه وَطَنّٛو مَامَعٜنْ مٜىٰطٜنْ اَلْکَوَلْ؞ 33 اَللَّه حٜبِّنَنِيعٜنْ اَلْکَوَلْ نغَلْ، اٜنٜنْ ٻِٻّٜ مَٻّٜ، ندٜ اٛ اُمِّنِ يٜىٰسُ دَغَ مَيْدٜ؞ کَدِمَا نٛنْ نٛ طُمْ وِنْدِرَا ندٜرْ دٜفْتٜرٜ جَبُورَ سُورَوٛلْ طِطَٻٛلْ وِعُکِ،

42 تٛو، بُلُسْ اٜ بَرْنَبَ اٜ مبُرْتٛو سُودُ دٛعَارٜ ندُنْ، سٜيْ يِمْٻٜ تٛرِيٻٜ ٻٜ شٛعّٛيٛو ݧَلْندٜ سِوْتَارٜ وَرَيْندٜ، ٻٜ ٻٜيْدَ مٜتَنْکِٻٜ حَالَ کَنْ؞ 43 غَطَ يِمْٻٜ ٻٜنْ شَنْکِتَکٜ، يَحُودَنْکٛعٜنْ طُطْٻٜ اٜ نَتُّٻٜ ندٜرْ دِينَ مَٻّٜ تٛکِّ بُلُسْ اٜ بَرْنَبَ؞ کَمْٻٜ بٛو ٻٜ مٜتَنِٻٜ، اٜ ٻٜ شٜمْبِطِنَٻٜ ٻٜ نغَطَ کَ تٛکُّکِ اَللَّه نغَمْ ندٜرْ يِدّٜ مَاکٛ اٛ وَلَّٻٜ ٻٜ نغَطَ کٛ اٛ يِطِ؞

44 ندٜ ݧَلْندٜ سِوْتَارٜ يَلْتِ، ٻُرْٻٜ طُوطُکِ ندٜرْ غَرِيرِ ندِنْ نغَرِ نغَمْ نَنُکِ وٛلْدٜ جٛومِرَاوٛ؞ 45 اَمَّا ندٜ يَحُودَنْکٛعٜنْ نغِعِ مٛٻْدٜ يِمْٻٜ طُطْٻٜ، ٻٜ نَنِ لَوْلِيرُ، ٻٜ نغَطِ کَ يٜدُّکِ کٛ بُلُسْ اٜکِّتِنْتَ، اٜ ٻٜ کُطَمٛ؞ 46 اَمَّا بُلُسْ اٜ بَرْنَبَ مٜتَنِٻٜ کُلٛلْ وَلَا مبِعِ، ‏«‏دٛولٜ مِنْ اَرْتَ وَعَجِنَنْکِعٛنْ وٛلْدٜ اَللَّه اٛنٛنْ يَحُودَنْکٛعٜنْ؞ اَمَّا نغَمْ اٛنْ شَلَکٜندٜ، اٛنْ کٛلِّي اٛنْ ڤٛتَايِ حٜٻُکِ يٛنْکِ کِ رٜعَتَا؞ نغَمْ نٛنْ مِنْ نجَحَيْ تٛ لٜپِّ طِ نَاع يَحُودَنْکٛعٜنْ؞ 47 نغَمْ کَنْجُمْ وٛنِ کٛ جٛومِرَاوٛ وِعِ مِنْ نغَطَ، ندٜ اٛ وِعِ،

48 ندٜ يِمْٻٜ نَاع يَحُودَنْکٛعٜنْ نَنِ نٛنْ، ٻٜ نَنِ بٜلْطُمْ، ٻٜ تٜدِّنِ وٛلْدٜ جٛومِرَاوٛ؞ ندٜنْ ٻٜنْ طٛنْ ٻٜ اَللَّه سِرْيَنِي حٜٻُکِ يٛنْکِ کِ رٜعَتَا تٛکِّ يٜىٰسُ؞

49 وٛلْدٜ جٛومِرَاوٛ بٛو سَنْکِتِي کٛو تٛيٜ ندٜرْ لٜيْدِ ندِنْ؞ 50 اَمَّا اَرْدِيٻٜ يَحُودَنْکٛعٜنْ نغَطِ رٜوْٻٜ کُلٛوٻٜ اَللَّه ٻٜ طُمْ مَوْنِنْتَ، اٜ اَرْدِيٻٜ غَرِيرِ ندِنْ نغَݧَ بُلُسْ اٜ بَرْنَبَ، سٜيْ ٻٜ نغَطِ طُمْ فُطِّ تٛرُّکِ بُلُسْ اٜ بَرْنَبَ، ٻٜ ندِيوِٻٜ دَغَ ندٜرْ غَرِيرِ مَٻّٜ؞ 51 نغَمْ نٛنْ بُلُسْ اٜ بَرْنَبَ ڤِطِّ سٛلَّارٜ ڤَطٜ مَٻّٜ نغَمْ حٛلُّکِ يِمْٻٜ ٻٜنْ نغَطِي حَکّٜ، ندٜنْ ٻٜ ندِلِّ غَرِيرِ اِکٛونِيَ؞ 52 اَمَّا تٛکُّٻٜ يٜىٰسُ وٛنْٻٜ اَنْتَاکِيَ نَنِ بٜلْطُمْ نَاع سٜطَّ، اٜ ٻٜ کٜىٰوِ رُوحُ اَللَّه؞