1 اٛعٛ مَلْکِسَدِکْ، اٛ لَامِيطٛ سَلٜمْ، اٛ اَرْدِيطٛ دِينَ مٛ اَللَّه جٛومُ مَنْغُ؞ اٛ حَوْرِي اٜ اِبْرَاهِمْ شَرٜلْ کٛ وَرْتٛيْتَ دَغَ کٛنُ طُمْ حٜٻِ جَالٛرْغَلْ دٛوْ وٛٻّٜ لَامِيٻٜ، اٛ بَرْکِطِنِ اِبْرَاهِمْ؞ 2 اِبْرَاهِمْ حٛکِّمٛ جَکَّ ندٜرْ فُو کٛ حٜٻِ تٛ کٛنُ؞ مَعَنَ اَرَنْدٜجُمْ طُمْ اِنْدٜ مَلْکِسَدِکْ وٛنِ ‏«‏لَامِيطٛ اَادِلَاکُ»‏؛ ندٜنْ کَدِنْ کَنْکٛ وٛنِ لَامِيطٛ سَلٜمْ، وَاتٛ ‏«‏لَامِيطٛ جَمْ؞»‏ 3 طُمْ وِنْدَايِ کٛو اٜ مٛ وٛودِ ݧَاکٛ، کٛو مَدُوجٛ، کٛو لٜݧٛلْ؞ طُمْ وِنْدَايِ دٛوْ ݧَلْندٜ دَݧْنغٛلْ مَاکٛ، کٛو ݧَلْندٜ مَيْدٜ مَاکٛ؞ اٜ مٛ نَنْدِ اٜ ٻِطّٛ اَللَّه، اٛ اَرْدِيطٛ دِينَ حَا اَبَدَا؞

4 ندَارٜىٰ اِرِ مَنْغُ طُمْ اٛ وٛودِ، حَا اِبْرَاهِمْ مَامَ مَامَعٜنْ مٜىٰطٜنْ حٛکِّيمٛ جَکَّ ندٜرْ فُو کٛ حٜٻِ تٛ کٛنُ؞ 5 ندٜنْ ٻٜنْ طٛنْ ٻِٻّٜ ٻِٻّٜىٰجِ لٜىٰوِ اَرْدِيٻٜ دِينَ، اَتَّوْرَ وِعِي ٻٜ نجَٻَ جَکَّ ندٜرْ فُو کٛ اِسْرَاعِيلَنْکٛعٜنْ نغٛودِ، وَاتٛ دَغَ تٛ بَنْدِرَاٻٜ مَٻّٜ، کٛو ندٜ کَمْٻٜ مَا ٻٜ ٻِٻّٜ ٻِٻّٜىٰجِ اِبْرَاهِمْ؞ 6 مَلْکِسَدِکْ نَاع دَغَ لٜݧٛلْ لٜىٰوِ پِوٛيِ، اَمَّا اٛ جَٻِي جَکَّ تٛ اِبْرَاهِمْ، اٛ بَرْکِطِنِ اِبْرَاهِمْ مٛ اَللَّه وَطَنِ اَلْکَوَلْ؞ 7 وَلَا سٜکٛ بَرْکِطِنْطٛ ٻُرِي مٛ اٛ بَرْکِطِنِ مَنْغُ؞ 8 اَرْدِيٻٜ دِينَ نغٛنِ ٻٜ طُمْ حٛکَّتَ جَکَّ، اَمَّا ٻٜ مَايٛوٻٜ؞ مَلْکِسَدِکْ بٛو، اَايَارٜ وِعِي اٜ مٛ وٛودِ يٛنْکِ؞ 9 طٛنْمَا لٜىٰوِ اٜ لٜݧٛلْ مُوطُمْ وٛنِ جَٻٛوٻٜ جَکَّ؞ اَمَّا طُمْ وَاوَيْ وِيکِ، لٜىٰوِ اٜ حٛورٜ مُوطُمْ حٛکِّي جَکَّ لَاوٛلْ اِبْرَاهِمْ؞ 10 نغَمْ شَرٜلْ کٛ اِبْرَاهِمْ حَوْرِ اٜ مَلْکِسَدِکْ، لٜىٰوِ دَݧَاکَ تَوْ، اَمَّا اٜ مٛ ندٜرْ ٻَنْدُ اِبْرَاهِمْ؞

11 اٜنْ اَنْدِ شَرٜلْ کٛ اَللَّه حٛکِّ اِسْرَاعِيلَنْکٛعٜنْ اَتَّوْرَ، اٛ سُٻِي لٜىٰوِيَنْکٛعٜنْ نغَرْتَ اَرْدِيٻٜ دِينَ؞ تٛو، دَا کُوغَلْ لٜىٰوِيَنْکٛعٜنْ ٻٜنْ وَاوَيْ وَرْتِرْکِ يِمْٻٜ کٜىٰوُٻٜ، دَا حَالَ حٜٻُکِ اَرْدِيطٛ دِينَ فٜىٰرٜ اُمّٛيَاکِ؞ دَا مٛيٜ وِعَتَ طُمْ حٜٻَ اَرْدِيطٛ دِينَ بٛ مَلْکِسَدِکْ، نَاع اَرْدِيطٛ دِينَ بٛ هَرُونَ؟ 12 نغَمْ تٛ طُمْ وَيْلِتِي کُوغَلْ اَرْدِيٻٜ دِينَ، نٛنْ مَا دٛولٜ طُمْ وَيْلِتَ دٛوکَ؞ 13 مٛ طُمْ مٜتَتَ دٛوْ مُوطُمْ، وَاتٛ يٜىٰسُ، اٛ پِوٛيِي دَغَ وٛنْغٛلْ لٜݧٛلْ؞ ندٜرْ لٜݧٛلْ نغٛلْ بٛو وَلَا مٜىٰطُطٛ حُوَ کُوغَلْ اَرْدِيطٛ دِينَ؞ 14 طُمْ تَبُّتُطُمْ اٛ پِوٛيِي دَغَ لٜݧٛلْ يَحُودَ، ندٜنْ مُوسَ مٜتَايِ دٛوْ لٜݧٛلْ نغٛعٛلْ ندٜ مٜتِ دٛوْ اَرْدِيٻٜ دِينَ؞

15 کَنْ طٛنْ حَالَ ٻٜيْدِي وُرْتَاکِ اٜ نجَيْرِ ندٜ غٛطّٛ اَرْدِيطٛ دِينَ بٛ مَلْکِسَدِکْ وُرْتٛيِي؞ 16 اٛ وَرْتِرَاکَ اَرْدِيطٛ دِينَ نغَمْ لٜݧٛلْ مَاکٛ، اَمَّا اٛ وَرْتِرَا اَرْدِيطٛ دِينَ بَرْکَ بَوْطٜ يٛنْکِ کِ رٜعَتَا؞ 17 نغَمْ اَايَارٜ وِعِي، ‏«‏اَنْ اَ اَرْدِيطٛ دِينَ حَا اَبَدَا بٛ مَلْکِسَدِکْ؞»‏ 18 طُمْ رٜسِي دٛوکَ کِيطُمْ وُتُّدُ، نغَمْ طُمْ سٜمْبِطَا طُمْ نَفَتَا؞ 19 نغَمْ اَتَّوْرَ وَطَتَا کٛو طُمٜ وَرْتَ کٜوْطُمْ؞ اَمَّا جٛونِ طُمْ حٛکِّيعٜنْ کٛ ٻُرِ وٛوطُکِ طُمْ نغَطٜتٜنْ کَمُّندٜ دٛوْ مَاجُمْ؞ لَاوٛلْ مَاجُمْ ٻَدّٛتٛوطٜنْ حَادٜ اَللَّه؞

20 طٛنْمَا اَللَّه حُنَکٜ وِيکِ يٜىٰسُ وَرْتَيْ اَرْدِيطٛ دِينَ حَا اَبَدَا، اَمَّا اٛ مٜىٰطَايِ وِيکِ غٛطّٛ اَرْدِيطٛ دِينَ نٛنْ؞ 21 يٜىٰسُ تَنْ اٛ وِعِ،

23 اَرْدِيٻٜ دِينَ ٻٜ ندٜنّٛ ٻٜ طُطْٻٜ، نغَمْ تٛ غٛطّٛ مَايِ، سٜيْ غٛطّٛ ݧَمْرَ يٜىٰسٛ اٜ کُوغَلْ نغَلْ؞ 24 اَمَّا کُوغَلْ يٜىٰسُ نغَلْ اَرْدِيطٛ دِينَ اٜ طٛنْ حَا اَبَدَا نغَمْ کَنْکٛ مَا اٜ مٛ طٛنْ حَا اَبَدَا؞ 25 نغَمْ نٛنْ، حَنْدٜ اٜ کٛو ندٜيٜ اٜ مٛ وٛودِ بَوْطٜ اٛ حِسْنَ ٻَدّٛتٛوٻٜ اَللَّه لَاوٛلْ مَاکٛ؞ اٜ مٛ وَاوِ حِسْنُکِٻٜ نغَمْ اٜ مٛ وٛودِ يٛنْکِ حَا اَبَدَا، ندٜنْ اٜ مٛ تٛرٛو اَللَّه نغَمْ مَٻّٜ؞

26 اِرِ اٛعٛ مَوْطٛ مَوْٻٜ اَرْدِيٻٜ دِينَ حَانَنِعٜنْ؞ اٛ شٜنِيطٛ، اٛ وَلَا غٛطُّمْ کَلُّطُمْ، اٛ وَلَا حَکّٜ، اٛ وُرْتِنَامَ ندٜرْ غَطٛوٻٜ حَکّٜ اٛ مَوْنِنَا دٛوْ کٛو طُمٜ تٛنْ دٛوْ؞ 27 کَنْکٛ نَاع بٛ ٻٜنْ تٛنْ مَوْٻٜ مَوْٻٜ اَرْدِيٻٜ دِينَ حٛرِيٻٜ؞ کَمْٻٜ سٜيْ تٛ ٻٜ شَکَّنِي اَللَّه کٛو ندٜيٜ ݧَلْندٜ، اَرَنْدٜ نغَمْ حَکّٜ مَٻّٜ، ندٜنْ نغَمْ حَکّٜ يِمْٻٜ؞ اَمَّا يٜىٰسُ نَاع نٛنْ؞ اٛ سَکَّنِي اَللَّه ندٜ غٛعٛ، جٛتِّنْطُمْ کٛو طُمٜ، ندٜ اٛ سَکَّنِ اَللَّه حٛورٜ مَاکٛ؞ 28 ندٜنْ اَتَّوْرَ اٜ سُٻَ يِمْٻٜ تَمْڤُٻٜ نغَرْتَ مَوْٻٜ مَوْٻٜ اَرْدِيٻٜ دِينَ؞ اَمَّا حُنَيٜىٰرٜ اَللَّه وَرِي غَطَ اَتَّوْرَ؞ کَيْرٜ سُٻِ ٻِطّٛ مَاکٛ غَرْتِرَاطٛ کٜوْطٛ حَا اَبَدَا؞