1 جٛونِ فُو کٛ مِنْ مبِعَتَ کَنْجُمْ وٛنِ، اٜنْ نغٛودِ مَوْطٛ مَوْٻٜ اَرْدِيٻٜ دِينَ؞ اٜ مٛ جٛوطِي اٜ جُنْغٛ ݧَامٛ جٛوطٛرْغَلْ جٛومُ مَنْغُ تٛنْ دٛوْ؞ 2 اٜ مٛ حُوَ ندٜرْ وِغٜىٰرٜ ٻُرْندٜ سٜنَاکِ، وَاتٛ ندٜرْ لُکُرُ غٛونغَجُمْ طُمْ جٛومِرَاوٛ تِغِّ تٛنْ دٛوْ، نَاع اٜ جُوطٜ يِمْٻٜ؞

3 کٛو مٛيٜ مَوْطٛ مَوْٻٜ اَرْدِيطٛ دِينَ اٛ سُٻَ نغَمْ اٛ حٛکَّ اَللَّه دٛکّٜ اٛ سَکَّنَمٛ مَرْلٜ؞ نٛنْ مَا مَوْطٛ مَوْٻٜ اَرْدِيٻٜ دِينَ مٜىٰطٜنْ دٛولٜ حٜٻَ کٛ سَکَّتَ؞ 4 تٛو، دَا اٜ مٛ دُونِيَارُ جٛونِ، دَا اٛ وَرْتَتَا اَرْدِيطٛ دِينَ کٛو سٜطَّ، نغَمْ اٜ وٛودِ اَرْدِيٻٜ دِينَ کٛکّٛوٻٜ اَللَّه دٛکّٜ نٛ اَتَّوْرَ وِعِ؞ 5 ٻٜنْ طٛنْ اَرْدِيٻٜ دِينَ اٜ ٻٜ کُوَ کُوغَلْ مَٻّٜ تٛ وِغٜىٰرٜ ٻُرْندٜ سٜنَاکِ نَنْدُندٜ اٜ وٛنْدٜ تٛنْ دٛوْ؞ نغَمْ کٛ مُوسَ فُطَّ تِغُّکِ لُکُرُ سٜنِيطُمْ؞ جٛومِرَاوٛ وِعِمٛ، ‏«‏تَبِّتِنْ اَ وَطِي کٛو طُمٜ نٛنْ نٛ طُمْ حٛلِّرْمَاطُمْ دٛوْ حٛشّٜىٰرٜ؞»‏ 6 اَمَّا جٛونِ يٜىٰسُ حٛکَّامَ کُوغَلْ اَرْدِيطٛ دِينَ ٻُرْنغَلْ وٛوطُکِ، نٛنْ نٛ اَلْکَوَلْ نغَلْ اٛ سِرْيِي حَکُّندٜ اَللَّه اٜ يِمْٻٜ نغَلْ ٻُرِي وٛوطُکِ؞ اَلْکَوَلْ نغَلْ طٛنْ نغَلْ ٻُرِي وٛوطُکِ نغَمْ نغَلْ وَطَامَ دٛوْ فِي طُمْ اَللَّه وِعِ وَطَنَيْعٜنْ ٻُرْطُمْ طُمْ ندٜنّٛ؞ 7 دَا اَلْکَوَلْ اَرَنْدٜوَلْ وَلَا غٛطُّمْ شَطُّمْ، دَا نَاع سٜيْ تٛ طُمْ حٜٻِي اَلْکَوَلْ طِطَٻَلْ؞ 8 اَمَّا اَللَّه يِعِي يِمْٻٜ مُوطُمْ نغٜوِي اَلْکَوَلْ اَرَنْدٜوَلْ نٛ اَايَارٜ وِعِ،