Iudna tiratna timbiŋ rapar
Outna kam
Gan timbiŋ raparna kamma, ma 2 Pitana timbiŋ raparna kamna kirar motem toc. Na ma Raraŋ Aetaniacna meikramtaɨrmo mbopca, mina kam wembaŋ laŋmo nda mboprena ramtaɨrta kamma kai warac teac. Na timbiŋ raparna kamma gaindopatna, “Raraŋ Aetaniaca aimo an rɨtɨpacna kirar kabea, aimo mana meikramtaɨr ratta neaŋrina. Te, meacramoot ianna aina rɨpacrena kambmo mba ŋgetrikitndait.”
Na ne ndorita rɨtɨpacna ŋginaŋmo matau moa kam wembaŋ laŋmo matau raupŋi
1
1 Mt 13.55, na Mk 6.3, na In 17.11-12, na 1 Pi 1.5Aku Iud aku Iesus Karaisna aiŋna ramoot, na aku Iemisna kaka. Na aku nemo Raraŋ Aetaniaca acrina meikramtaɨrmo gan timbiŋ rapara tirrina. Na Raraŋ Aetaniac Aetta nemo matŋirenan ŋgoin, na Iesus Karaisa ndo ŋgoinna nenmo raupŋirena. 2 1 Pi 1.2, na 2 Pi 1.2Na Raraŋ Aetaniaca ndona ndiarna kakadmaina opotacapa, iro inik wetwetna tɨpna kirarapa, kabena meikramtaɨrmo matŋina tɨpna kirara nena eteacna watmo, ma mo gagraca eacnandet.
Kam wembaŋ laŋna puŋndamootta kɨpca Iesusna rɨtɨpaikta meikramtaɨrta tumnambta inikca mbukrinan
(2 Pita 2.1-18)
3 Pil 1.27, na 1 Ti 1.18, na 6.12, na 2 Ti 1.13, na Ta 1.4Na aukna aikndamtaɨr koind, out ŋgoinna aku toŋtoŋ aniacap, na aku nemo timbiŋ rapara tirca nemo Raraŋ Aetaniaca aimo muruŋcamiŋa mac nda aŋgɨna morina aiŋirta kamb topatna. Na mandeaca aku gaind mac lamŋirina, aku nemo kabena kam tɨp ianna an nambatta mac tirca gaindopnandet, ne gagraca ndorita rɨtɨpacna runduŋmo matau mo te, ramootta kam wembaŋ laŋna kammo nda mbop te, ne mina kambmo nda rutinandet. Na Raraŋ Aetaniaca aimo an rɨtɨpacna kirar kabea aimo mana meikramtaɨra neaŋrina. Te, meacramoot ianna aina rɨpacrena kambmo mba ŋgetrikitndait. 4 Gal 2.4, na Ta 1.16, na Ib 12.15, na 2 Pi 2.1, na 1 Io 2.22Na ramtaɨr ndeida iŋgoroca kɨpca Iesusna rɨtɨpaikta meikramtaɨrta tumnambta inikca mbukrinan. Na atu ŋgoinna Raraŋ Aetaniaca gaindopatna, ainta ramtaɨra mina mana ritri waparac ndarunandet, na mina taprekenandet. Na mina Raraŋ Aetaniacmo iŋ neaŋrenan. Na mina Raraŋ Aetaniacna kakadmaina kammo ŋgetrikica, anmo moa ma meacramootna tɨp ŋgadudukca morena tɨp kirarna kamb toc ndarurina. Na ainta ramtaɨra an ramoot paŋan kabemo iŋ neaŋrena, ma aina Kacoot Iesus Karais.
5 NA 12.51, na Ndu 14.29-30, na Ŋap 106.26, na 1 Ko 10.5, na 10.9, na Ib 3.17-19, na 2 Pi 1.12Na ne Kacootmo lamŋirenan, atua ma Israelnaŋgepmo mac nda aŋgɨca minmo warkica mina Isipna pitrik tɨkcarica mina mataŋgat. Na iŋmbaia an meikramtaɨra manmo rɨpac ŋgocortanna, ma minmo moa maŋgocraiat. Na ne lamŋirena mandeaca aku nena landamŋia mac moa ŋgepca, nemo an reik tamŋina moca. 6 In 8.44, na 2 Pi 2.4, na 2.9, na KIEK 20.10Na an mbaiŋna aiŋa morena ŋerŋgaurmo ne lamŋirena, Raraŋ Aetaniaca mina neaŋrina aiŋmo mina anna mo narica karirina, ainda moca mina ndorita auŋ tɨkcaririna. Ri, Kacootta minmo iarwar ndeacrena lawirta ŋgatɨk mbuŋa leaca minmo an neaupdiriŋ ŋgoinna kac ŋgoreaca tɨkca mina an ndeacrina. Te, mina Raraŋ Aetaniacna ritri waparacna Ra aniacna ndamŋiraŋnandet. 7 RL 19.1-24, na 2 Pi 2.6, na 2.10Na atua Sodomapa, Gomoraapa, an auŋembca maniŋna roumb ndeacrenanna, mina an tɨpemb kirarira an mbaiŋna aiŋa morena ŋerŋgaura morinanmo, anna raŋgairina. Ainda moca mina tɨpemb kirarir ŋgorikca raŋgairi, na mina meacramootna kaŋtertaapna tɨpemb kirarir ŋgadudukar koinda morinan. Aintik Raraŋ Aetaniaca minmo iarwar ndeacrena tac mbuŋa mo ŋgocrainandet.
Na an reiki, mina atuna ndarurina, na aia mina ndamŋi te, aia an wiwitna tɨpemb kirarir ŋgorikmo kai raŋgai teac. 8 NA 22.28, na 2 Pi 2.10Na an ramtaɨra mina nena iroarmo, moi paurina moca, na mina an tɨpemb kirarirmo raŋgairenan. Ri, mina ainta tamrammara watca mina iroara mo ŋgepca mina reik ŋgadudukara ndorita tikembca morena. Aintik mina aina Kacootmo garururenan, na tamuŋna auŋna mbaiŋna aiŋa morena ŋerŋgaurmo peperena kamb ŋgorik toprena. 9 TW 34.6, na Dan 10.13, na 10.21, na 12.1, na Sek 3.2, na 2 Pi 2.11-12Na an kɨdrɨkca outta taŋrena mbaiŋna aiŋa morena ŋeroŋ paŋan Maikela, Paparuna Ramootap ipuŋgatna, mandaia ndo Mosesna waɨr aŋgɨit, na ma manmo peperena kam ŋgoreac ianna mba mbopatke. Na ma mba nikkatke, na peperena kam ŋgoreaca mba mbopatke, wanaiŋ. Na ma gaindopatna, “Kacootta ndo unmo kaega mo te, una upmo kɨracnandet.” 10 2 Pi 2.12Na an ramtaɨra mina peperena kamb ŋgorik toprenanna, an reikta mɨnɨŋa mina lamŋi ŋgocor, aintik mina peperena kamb ŋgorik toprena. Na mina an iroar kocorta amta ŋgoaebta kirar, aintik mina ndorita tikembta toŋtoŋgara raŋgairenan. Na an tɨpna kirar minanna, minmo kocnaia moa ŋgocrairenan. 11 RL 4.3-8, na Ndu 16.1-35, na 22.1-35, na 2 Pi 2.15, na 1 Io 3.12Aintik minpembta kadmai! Na mina Keinna tɨpna kirara raŋgai taŋrenan. Na reikca mina mo te, mina anna opoikca mina an aŋgɨna toŋtoŋap, an tɨpna kirara Balamma moatna. Aintik kaina taupca mina kituknduk aŋgɨna, mina anna ŋgorerenan. Na Kora Raraŋ Aetaniacmo garuruca morina kirara mitoco ainda morina, an tɨpna kirara mina topnandet.*Gan ramtaɨr mbonkac, Keinapa, Balamapa Kora mina nininia timbigta kap bagarna inik ndeacrena.
Na Kein ma tɨp ŋgoreaca moatna. Ma ndona lap Abelmo ma pia menacatna. Anmo u Reikca Muruŋa Laruatna timbigta kapna inikna sapta 4 wes 3 taŋca wes 8na mɨnna wat.
Na Balam ma toco, ainta tɨp kirar ŋgoreac kabe mamoat. Na ma paparuna ramma morina ramoot ian, na ma ndomo Moabna gagrirta ramoot paŋanna kituknduk aŋgɨna moca mawiwitiri, te mina moi ŋgocraina moca. Anmo u Israelnaŋgepta Ndunduna Nininina timbigta kapna inikna sapta 22, taŋca sapta 24na inikca wat.
Na Kora ma toco, an tɨp kirar ŋgoreac kabea moatna. Ma Mosesna kambca waraca raŋgai narica ŋateatna. Na ma ndomo Aronna kirara taup ndamoot paŋan ndaruna morenan. Ainda moca 150na mɨnna meikramtaɨra mana kamma waraca mina manmo raŋgaiatna. Aintik Raraŋ Aetaniaca manapa mana raŋgairena meikramtaɨrmo mo ŋgocrairenan. Ainda moca tiacarpaikca gootatke, Koraapa man raŋgairena 150na mɨnna meikramtaɨra mina muruŋa an titacrina tiacarpaikna inikca irikca ma mac mɨkri, mina muruŋcamiŋa mamenacat. Na u Israelnaŋgepta Ndunduna Nininina timbigta kapna inikna sapta 16 wes 1na tɨkca wati taŋca wes 35na mɨnna an nininimo watnandet.
12 Esi 34.8, na Mt 15.13, na 1 Ko 11.21, na Epe 4.14, na 2 Pi 2.13, na 2.17, na KIEK 2.11, na 20.14Na memetmbaca ne tumbunna tɨkca ne an gagamma moca ne anmo ainda wandacna, ne nikinik iro kabe ndeacrena, na ne Raraŋ Aetaniacna meikramtaɨrmo matŋirena. Aintik an ramtaɨra mina kɨpca Raraŋ Aetaniacna lamnɨac ŋgoutmo tɨpemb kirarir ŋgadudukar wandacrena. Na mina an gagam aniacna inik ndeacrenanna, mina anna numbira mba morenan, mina ndori koindta tamŋirenan. Na mina dimira puk aŋgɨ kɨp ŋgocorta kirar, na watta mamo rapaca tamtamma taŋ kɨp tɨkrena kirar toc. Na mina an ikca mana errena mɨnna laru ŋgocora tɨkrena kirar toc. Na an ik gurgurca ramtaɨra mana kacrirmo tarkirina kirar toc. Ainda moca mina kɨdrɨk mbuniŋa menacrina ramtaɨrta kirar toc. 13 Ais 57.20, na Pil 3.19, na 2 Pi 2.17Na mina makukara morena ramtaɨra, an macait aniac rɨmbɨtrena kirar toc. Na mina an tɨpemb kirarir ŋgorikca momoa mina numbira mba morenan, anna ma macaitna topera puk nambatta utirena kirar toca laruca raekca eacrena kirar toc. Na guiara riac tamuŋ ndeacrenan, na mina ndorita taupa raŋgai ŋgocor, na an ramtaɨra an kirar toc ndeacrena. Ainda moca Raraŋ Aetaniaca mina iarwarna eteacna neaupdiriŋ aniacna taupa kocrorina.
14 RL 5.18-24, na TW 33.2, na Dan 7.10, na Sek 14.5, na Mt 25.31, na 2 Te 1.7, na KIEK 1.7Na Enoka ma mbut mbuniŋna wiwit ndiŋ nakɨpatna ramoot, na ma Adamna ŋgamaɨr, na an ramtaɨr ŋgorikmo laruna reikca ma anna ramma moca mambopat. Na ma gaindopatna, “Aku watrinanna Kacootta ma ndona mbaiŋna aiŋa morena 1,000mo kundrina ŋerŋgaur ratarap kɨprinan. 15 Ŋap 31.18, na 94.4, na Mal 3.13Na ma meikramtaɨrmo muruŋcamiŋa ritri waparaca moca, minmo gɨgɨrarca neaŋnandet. Na ma an meikramtaɨra manmo raŋgai ŋgocortanmo, moca mina ndorita tɨpemb kirarirta makukara mina morinanna wat garacna. Na tɨpemb kirarir ŋgorikta makukara morena ramtaɨr ndeida, mina Raraŋ Aetaniacmo iŋ neaŋrenan ŋgoin. Ainda moca Raraŋ Aetaniaca minmo moca mina ndorita mboprina kamb ŋgorikta makukara mina manmo morina gɨrgɨr mbuknandet.” 16 ML 28.21, na Ie 2.1, na 2.9, na 2 Pi 2.10, na 2.18Na an ramtaɨra reikca minmo muruŋ ndarurenanmo, mina iroar inkara ŋgocrairena, na mina memetmbaca kekelamun kerena. Aintik mina ndorita nikinikna iroarta toŋtoŋgara raŋgairenan, na mina ndorita up kamb puŋga mina ndorita irembmo aŋgɨra ŋgeprenan. Na mina kabena ramtaɨrmo wai aoca mina minmo raŋgairena.
Ne rɨtɨpacmo watcarica ma nena nikinik iroarmo moi gagrana
17 2 Pi 3.2Na ne aukna aikndamtaɨr koind, ŋgaua aina Kacoot Iesus Karaisna up aŋgɨrena ramtaɨra mbopatna kambca ne lamŋirenan. 18 1 Ti 4.1, na 2 Ti 3.1, na 2 Pi 2.1, na 3.3Na mina nemo gaindopatna, “Iŋmbai mbuŋa kambmo pepereca mboprena ramtaɨra larunandet. Te, mina Raraŋ Aetaniacmo iŋ neaŋga, mina ndorita iroar inkar ŋgorikca raŋgairaŋnandet.” 19 Osi 4.14, na 1 Ko 2.14-15, na Ib 10.25, na Ie 3.15Na an ramtaɨra mina Iesusna rɨtɨpaikta meikramtaɨrta tumbunmo titacrenan, na mina gan tiacarpaikna ramtaɨrta iroar landamŋiarmo raŋgairenan, na Ŋeroŋ Ratta minap mba eacreke.
20 Ro 8.26, na Epe 6.18, na Kol 2.7, na 1 Te 5.11, na 1 Ti 1.4Na ne aukna aikndamtaɨr koind, memetmbaca ne ndorita rɨtɨpaikmo watcarica ma nena nikinik iroarmo moi gagrana, na ma rɨtɨpac rat ndaruna. Te, ne memetmbaca Ŋeroŋ Ratna gargar mbuŋa mbendeiraŋnandet. 21 Ta 2.13, na 2 Pi 3.12Na Raraŋ Aetaniaca nenmo matŋirenan ŋgoin, na ne memetmbaca manmo rambuŋ ndeacraŋ, na manmo watcarica ma nenmo memetmbaca toŋgoca matŋiraŋna. Na memetmbaca ne aina Kacoot Iesus Karaisna ndabiraŋ, te, ma ndona kakadmaina opotacmo raekca wandacnandet, te, ne iarwarna eteacna watmo, gidik naaŋgɨca eacraŋnandet. 22 Na an rɨtɨpaik gagrar kocorta meikramtaɨrmo, ne minmo kakadmaina opotacna tɨpemb kirarira moraŋ. 23 Emo 4.11, na Sek 3.2-5, na Ro 11.14, na 1 Ko 3.15, na KIEK 3.4Na mina ndeida mina tac inik ndeacrena kirar toc, aintik ne minmo tawi ŋgoinna mac nda aŋgɨ. Na mina ndeida, ne minmo kakadmaina opotacna ndiarirta tɨp kirara mo te, ne rugdara moraŋ, na ne ndoritake matau wat. Na mina an ŋgauna nikinik iroar bagrarmo matau ŋgoinna raŋgairenan, na mina ratta mba laruitndait, na mina tikemb ŋgapoik toco ratta mba laruitndait. Na Raraŋ Aetaniacna lamnɨacmo, an reikca muruŋa rat ŋgocor ndeacnandet, aintik ne minmo iukaica ne tawan ŋgoin ndeacraŋ.
Aia Raraŋ Aetaniacna imo aŋgɨ ŋgepraŋ
24 Ro 16.25, na Epe 3.20, na Pil 1.10, na Kol 1.22, na 2 Pi 3.14Na Raraŋ Aetaniaca ma mɨn ŋgoin, na ma nenmo matau raupŋia ne mba irikitndai. Na ma nenmo ndona memetacna tac aniac naaŋgɨ taŋca an ndeacna mɨn, te, ne makukar kocor, na ne toŋtoŋ aniac ŋgoinap eacnandet. 25 Ro 16.27, na 1 Ti 1.17, na 2.3, na 2 Pi 3.18Na an Raraŋ Aetaniaca ma ndo kabe ndeacrenan, na aina Kacoot Iesus Karaisna aiŋ mbuŋa ma aimo mac nda aŋgɨatna, na aia mana i aniacmo aŋgɨ ŋgepraŋ. Na ma gagrirta ramoot paŋan ndaruca eacraŋnandet, na ma gargar aniacap, na ma reikmo muruŋa ramoot paŋan ndeacraŋnandet. Aintik atuna mɨnna ma memetmbaca aind ndeacrinan, na mandeac toco, ma aind ndeacraŋnandet. Na iŋmbaia ma iarwar ndeacraŋnandet. Na anna gidik.

1:1 Mt 13.55, na Mk 6.3, na In 17.11-12, na 1 Pi 1.5

1:2 1 Pi 1.2, na 2 Pi 1.2

1:3 Pil 1.27, na 1 Ti 1.18, na 6.12, na 2 Ti 1.13, na Ta 1.4

1:4 Gal 2.4, na Ta 1.16, na Ib 12.15, na 2 Pi 2.1, na 1 Io 2.22

1:5 NA 12.51, na Ndu 14.29-30, na Ŋap 106.26, na 1 Ko 10.5, na 10.9, na Ib 3.17-19, na 2 Pi 1.12

1:6 In 8.44, na 2 Pi 2.4, na 2.9, na KIEK 20.10

1:7 RL 19.1-24, na 2 Pi 2.6, na 2.10

1:8 NA 22.28, na 2 Pi 2.10

1:9 TW 34.6, na Dan 10.13, na 10.21, na 12.1, na Sek 3.2, na 2 Pi 2.11-12

1:10 2 Pi 2.12

1:11 RL 4.3-8, na Ndu 16.1-35, na 22.1-35, na 2 Pi 2.15, na 1 Io 3.12

*1:11 Gan ramtaɨr mbonkac, Keinapa, Balamapa Kora mina nininia timbigta kap bagarna inik ndeacrena. Na Kein ma tɨp ŋgoreaca moatna. Ma ndona lap Abelmo ma pia menacatna. Anmo u Reikca Muruŋa Laruatna timbigta kapna inikna sapta 4 wes 3 taŋca wes 8na mɨnna wat. Na Balam ma toco, ainta tɨp kirar ŋgoreac kabe mamoat. Na ma paparuna ramma morina ramoot ian, na ma ndomo Moabna gagrirta ramoot paŋanna kituknduk aŋgɨna moca mawiwitiri, te mina moi ŋgocraina moca. Anmo u Israelnaŋgepta Ndunduna Nininina timbigta kapna inikna sapta 22, taŋca sapta 24na inikca wat. Na Kora ma toco, an tɨp kirar ŋgoreac kabea moatna. Ma Mosesna kambca waraca raŋgai narica ŋateatna. Na ma ndomo Aronna kirara taup ndamoot paŋan ndaruna morenan. Ainda moca 150na mɨnna meikramtaɨra mana kamma waraca mina manmo raŋgaiatna. Aintik Raraŋ Aetaniaca manapa mana raŋgairena meikramtaɨrmo mo ŋgocrairenan. Ainda moca tiacarpaikca gootatke, Koraapa man raŋgairena 150na mɨnna meikramtaɨra mina muruŋa an titacrina tiacarpaikna inikca irikca ma mac mɨkri, mina muruŋcamiŋa mamenacat. Na u Israelnaŋgepta Ndunduna Nininina timbigta kapna inikna sapta 16 wes 1na tɨkca wati taŋca wes 35na mɨnna an nininimo watnandet.

1:12 Esi 34.8, na Mt 15.13, na 1 Ko 11.21, na Epe 4.14, na 2 Pi 2.13, na 2.17, na KIEK 2.11, na 20.14

1:13 Ais 57.20, na Pil 3.19, na 2 Pi 2.17

1:14 RL 5.18-24, na TW 33.2, na Dan 7.10, na Sek 14.5, na Mt 25.31, na 2 Te 1.7, na KIEK 1.7

1:15 Ŋap 31.18, na 94.4, na Mal 3.13

1:16 ML 28.21, na Ie 2.1, na 2.9, na 2 Pi 2.10, na 2.18

1:17 2 Pi 3.2

1:18 1 Ti 4.1, na 2 Ti 3.1, na 2 Pi 2.1, na 3.3

1:19 Osi 4.14, na 1 Ko 2.14-15, na Ib 10.25, na Ie 3.15

1:20 Ro 8.26, na Epe 6.18, na Kol 2.7, na 1 Te 5.11, na 1 Ti 1.4

1:21 Ta 2.13, na 2 Pi 3.12

1:23 Emo 4.11, na Sek 3.2-5, na Ro 11.14, na 1 Ko 3.15, na KIEK 3.4

1:24 Ro 16.25, na Epe 3.20, na Pil 1.10, na Kol 1.22, na 2 Pi 3.14

1:25 Ro 16.27, na 1 Ti 1.17, na 2.3, na 2 Pi 3.18

© 2016 PBT