Karaisa Iŋgoroca Eacrena Kambmo Ion Mbuŋa Moa Larurina
Outna kam
Gan timbigta kapca mina tirrinanna, an mɨnna mina Iesusa rɨpacrena laiplacarmo, mo ŋgocrairena, na anna mɨnɨŋa gaind, an Iesusa rɨpacrena laiplacara mina gainda rɨpacrena, Iesus Karaisa ma mina Kacoot. Na gan timbigta kapca ma Iesusa rɨpacrena laiplacarta rɨtɨpaikca mo gagaranande, te, makukar anikmo mba wattacarica, ma minmo mba mo irikitndai.
Na gan timbigta kapca ma ŋgagatracna kamb rourta reik wɨtta iŋmbaia lataruna kambap. Na an kɨdrɨkca Iesusa rɨpacrena laiplacara mina an ŋgagatracna kamb rourmo mina garacrena, na rɨtɨpac ŋgocorta meikramtaɨra wanaiŋ. Na an ŋgagatracna kam roora gaind, Iesus Karaisa ma Kacoot, na mana par mbuŋa Raraŋ Aetaniaca puŋnaŋgeparmo muruŋcamiŋapa, Ramoot Mbɨk, tocmo mo iriknande. Na an mɨnna Iesusa ndona aiŋa moi mai te, Raraŋ Aetaniaca ma an meikramtaɨra mina gagaraca eacrinanapa, ndorita rɨtɨpaca mba tɨkcarirenanmo, ma minmo opoik anikmo neaŋnandet. Na mina Raraŋ Aetaniacap eac te, mina makukar anikca mba mac aŋgɨitndai, anna Raraŋ Aetaniaca ma reikmo muruŋa moi ŋgaib tarunandet.
Iesus Karaisa ma parmbaiapa mbut mbuniŋna Iesusna rɨtɨpaikta meikramtaɨrta tumbunmo, kambca neaŋga taŋrina
1
(1—3)
1 Dan 2.28-29, na In 3.32, na 12.49, na KIEK 1.19, na 4.1, na 22.6, na 22.16Na atua an kambca iŋgoroca eacrina, na Iesus Karaisa moa larurinan. Na Raraŋ Aetaniaca Iesusmo an kambmo neaŋrinan, te, ma ndona aiŋa mona ramtaɨrmo, an tawi lataruna reikmo minmo wandacna. Ainda moca Iesusa ndona mbaiŋna aiŋa morena ŋeroŋmo mandaca, ma kɨpca auk Ionmo, mana aiŋa mona ramootmo, an kamb neaŋrinan. 2 1 Ko 1.6, na 1 Io 1.1, na KIEK 6.9Na aku Ion, aku an reikmo watrinan, ainda moca aku Raraŋ Aetaniacna kambapa, Iesus Karaisna wiwitiatna kambca aku wiwitirina.
3 Lk 11.28, na Ie 5.8, na 1 Pi 4.7, na KIEK 22.7, na 22.10Na an kambca anna rambca morena ramtaɨrta kambca Raraŋ Aetaniac ndambuŋ ndiŋa kɨprinan, na ramootta an kambmo lamnɨac mbuŋa watca kabena meikramtaɨrmo mbop te, ma toŋtoŋ ŋgoin. Na Raraŋ Aetaniacna kambca aku tirrinan, na meikramtaɨra an kammo waracrinanapa, meikramtaɨra an kammo raŋgairenan, mitoco toŋgonandet. Na anna gaind, an reik laruna kɨdrɨkca kɨpca marambuŋairi, na an reikca Raraŋ Aetaniaca mo ndoprinanna, ma monandet.
Ionna Iesusna rɨtɨpaikta meikramtaɨrta tumnamb parmbaiapa mbut mbuniŋmo kambca tirrina
4 NA 3.14-15, na Sek 3.9, na In 1.1, na KIEK 1.8, na 3.1, na 4.5, na 4.8, na 5.6, na 11.17, na 16.5Na aku Ion, aku gan kambmo tirrina, anna ne Esiana pitrikca eacrena parmbaiapa mbut mbuniŋna Iesusna rɨtɨpaikta meikramtaɨrta tumnambtan. Na Raraŋ Aetaniac, ma mandeaca eacrenan, na atu ŋgoinna eacrenan, na iŋmbaia ma kɨpnandet, ma nenmo kadmaica nena iroar inkarmo moi wewettaca laŋ ndeacnandet. Na an ŋerŋgaur parmbaiapa mbut mbuniŋa, mina Raraŋ Aetaniacna mbibiracna taupmo outta eacrena, mitoco nenmo kadmaica nenmo iroar inkara moi laiŋ teacna. 5 Ŋap 89.27, na Ais 55.4, na In 15.9, na 18.37, na Epe 1.20, na Kol 1.18, na 1 Ti 6.13, na Ib 9.14, na 1 Io 1.7, na 4.10, na KIEK 3.14, na 17.14Na Iesus Karaisa ma Raraŋ Aetaniacna kambmo muruŋa wandoŋa wiwitirina ramoot. Na ma mukmo, out ŋgoinna mac nda ŋgeprina ramoot, na ma gan tiacarpaikna gagrirta ramtaɨr paŋaindta ramoot paŋan. Ma toco, nenmo kadmaica nena iroara inkar moi laŋan ndeacna.
Na ma aimo mamatŋi ŋgoin, aintik mana racaindpaik mbuŋa, ma ndo aina tɨpemb ŋgorikta makukara aimo leaca eacrenanmo, pɨarca muruŋa moa kecariatna. 6 NA 19.6, na 1 Ti 6.16, na Ib 13.21, na 1 Pi 2.5, na 2.9, na KIEK 5.10, na 20.6Na ma aimo larapaca, aia gagrirta ramoot paŋanna taup ndamtaɨrta wiwitta larurina, na Iesusna Aet Raraŋ Aetaniac, aia mana taup ndamootna wiwitnan. Na memetmbaca iarwara Iesus Karaisa ma i aniac ŋgoinap, na ma reikmo bubuocna gargarap. Na anna gidik.
7 Dan 7.13, na Sek 12.10, na Mt 24.30, na Mk 13.26, na Lk 21.27, na In 19.34, na 19.37, na Up 1.11, na 1 Te 4.17Na ne wat! Ma ande dimirpaikna rɨkca eaca kɨpnande, te, meikramtaɨra muruŋa ndorita lamnik puŋga manmo watnandet. Na meikramtaɨra muruŋa manmo rɨŋrinan toco, mina manmo watnande. Te, gan tiacarpaikna wiwitna meikramtaɨra muruŋa mana ndamŋiraŋnande, te, mina kakadmaina nananaea moraŋnandet. Na an reaca ma larunandet. Na anna gidik.
8 NA 3.14, na KIEK 1.4, na 1.17, na 4.8, na 11.17, na 15.3, na 21.6, na 22.13Na Raraŋ Aetaniac Kacoot, ma Raraŋ Aetaniac, ma gaindoprina, “Aku ndo out ŋgoinna eacrenan, na iŋmbai ŋgoin toco, aku eacrenan. Na aku Raraŋ Aetaniac niŋgik, na mandeaca aku eacrenan, na atua aku eacrinan, na iŋmbaia aku kɨpnandet, na aku Gargar Muruŋapnan.”
Ionna Karaismo watrina
9 Pil 1.7, na 2 Ti 1.8, na 2.12, na KIEK 6.9Na aku Ion, nena kaka. Na aukapa nenap, aia Iesusna wiwitnan ndeacrenan. Na aku nenap mɨkca gɨgɨrarapa, makukar aŋgɨrinan, na aku mana bubuoca nenap eacrenan. Na aia muruŋa gagaraca wɨtɨkca tumbunna makukara mbukca eacrenan. Na aku Raraŋ Aetaniacna kambmo wiwitirinan, na aku gainda wiwitiatna, aku mana rɨpacrena. Ainda moca mina aukmo kac ŋgoreaca tɨkca aŋgɨca an muta mina gainda ŋgacrena, Patmos, mina aukmo anna tɨkrina.*Meikramtaɨra Romnaŋgepmo makukar neaŋ te. Na mina an meikramtaɨrmo kac ŋgoreaca tɨkna mo te, mina, minmo aŋgɨca taŋca mutura tɨkrenan. Na Patmos muta ma an muturta kac ŋgoreacna ian. 10 In 20.26, na Up 10.10, na 2 Ko 12.2, na KIEK 4.1-2Na Kacootna ra, Ŋeroŋ Ratta aukmo mbukca gagaraca aoca ŋgepri, na aukna iŋmbaia aku waracrina kam ianna ma taurna mɨtmɨt aniacna kirar toc. 11 Na ma aindoprinan, “An reikca u muruŋcamiŋa watnandet, anmo u timbiŋ rapara tɨkca u mon Iesusna rɨtɨpaikta meikramtaɨrta tumnambta par kabeapa, mbut mbuniŋna an auŋemb anik, Epesusapa, Simernaapa, Pergamumapa, Taiatairaapa, Sardisapa, Piladelpiaapa, Laodisiapmo neaŋ taŋ.”
12 NA 25.37, na Sek 4.2, na KIEK 1.20Ainda moca aku uriraca an kamma aukmo kamb neaŋrinanna watna, na aku mori, aku tac wɨwɨra tɨkca eacrena reikta par kabeap mbut mbuniŋ golnan, eacrinan mawatri. 13 Esi 1.26, na Dan 7.13, na 10.5, na KIEK 15.6Ainda moca aku watrinanna, ramoot ianna an tac wɨwɨra tɨkca eacrena reikta rɨkca eacrenan. Na ma Ramootna Nuocna kirar toc. Na ma tik ŋgapaoc rocotta aocrinanna, mana orniŋmo wɨŋga kɨtacrinan, na mana mapdɨŋa ma golna weaond mbuŋa kariaŋa aoca eacrenan. 14 Dan 7.9, na KIEK 2.18, na 14.2, na 19.12Dan 10.6Na mana paŋanapa lakoara gogok ŋgoin, na anna ma sipsipna lakoarapa, dimirpaik gogokna kirar toc. Na mana lamnɨacniŋa ma tac wɨwɨrna memetac nakirar. 15 Esi 1.24, na 43.2, na KIEK 14.2Na mana orniŋa memetac ŋgoin, an kirara mina barasa tac aniac mbuŋa rotacrinan toc. Na aku mana logotna kamma waracrinanna, anna ma macait aniacna mɨtmɨtna kirar. 16 Epe 6.17, na Ib 4.12, na KIEK 1.20, na 2.1, na 2.12, na 2.16, na 3.1, na 19.15, na 19.21Na ma guiar par kabeapa mbut mbuniŋmo ndona par umbaia utiŋga eacri. Na mana up ndiŋa bugrimma up mbuniŋapnanna, wɨrwɨr ŋgoinna larurinan. Na mana inpaŋanna memetac ŋgoin, anna rana memetac nakirar toc.
17 Ais 41.4, na 44.6, na 48.12, na Esi 1.28, na Dan 8.18, na 10.10, na KIEK 2.8, na 22.13Ainda moca aku mana watca mana orniŋna kɨtɨm mairikat, na aku menacrina ramoot toco eacri. Na ma ndona par umbaia aukmo tɨkca ma gaindopatna, “U kai nanambi teac. Aku an ramootta ma outmbai ŋgoinna eacrenan, na ma iŋmbai ŋgoinna eacrena ramoot. 18 Ŋap 68.20, na Ro 6.9, na KIEK 4.9, na 5.14Na aku eteacna watap eacrena ramoot. Na ŋgaua aku menacrinan, na u wat, mandeaca aku memetmbaca iarwara eacrenan. Na aku menacrina meikramtaɨrta taupapa, memenacna taupna tɨŋ gootna reacniŋa aku utiŋa eacrena. 19 KIEK 1.1, na 1.11, na 2.1, na 4.1Ainda moca an reikca u watrinanna, u timbiŋ rapara tirca tɨk, na anna an reikca mandeaca eacrenan, na iŋmbaia larunandet. 20 Sek 4.2, na Pil 2.15, na KIEK 1.12, na 1.16, na 2.1, na 3.1Na u an guiar par kabeapa mbut mbuniŋa aukna par umbaia eacrinanapa, na an parmbaiapa mbut mbuniŋna gol mbuŋa morina tac wɨwɨra tɨkca eacrena kendelca u mawatat. Na anna ma iŋgoroca tamaia eacrena kam roor, na mana mɨnɨŋa gaind. An guiar parmbaiapa mbut mbuniŋa, anna ma mbaiŋna aiŋa morena ŋerŋgaur parmbaiapa mbut mbuniŋna Iesusna rɨtɨpaikta meikramtaɨrta tumnambtan. Na an golna tac wɨwɨra tɨkca eacrena kendel parmbaiapa mbut mbuniŋ, anna ma Iesusna rɨtɨpaikta meikramtaɨrta tumnamb parmbaiapa mbut mbuniŋnan ŋgoin.”
1:1 Dan 2.28-29, na In 3.32, na 12.49, na KIEK 1.19, na 4.1, na 22.6, na 22.16
1:2 1 Ko 1.6, na 1 Io 1.1, na KIEK 6.9
1:3 Lk 11.28, na Ie 5.8, na 1 Pi 4.7, na KIEK 22.7, na 22.10
1:4 NA 3.14-15, na Sek 3.9, na In 1.1, na KIEK 1.8, na 3.1, na 4.5, na 4.8, na 5.6, na 11.17, na 16.5
1:5 Ŋap 89.27, na Ais 55.4, na In 15.9, na 18.37, na Epe 1.20, na Kol 1.18, na 1 Ti 6.13, na Ib 9.14, na 1 Io 1.7, na 4.10, na KIEK 3.14, na 17.14
1:6 NA 19.6, na 1 Ti 6.16, na Ib 13.21, na 1 Pi 2.5, na 2.9, na KIEK 5.10, na 20.6
1:7 Dan 7.13, na Sek 12.10, na Mt 24.30, na Mk 13.26, na Lk 21.27, na In 19.34, na 19.37, na Up 1.11, na 1 Te 4.17
1:8 NA 3.14, na KIEK 1.4, na 1.17, na 4.8, na 11.17, na 15.3, na 21.6, na 22.13
1:9 Pil 1.7, na 2 Ti 1.8, na 2.12, na KIEK 6.9
*1:9 Meikramtaɨra Romnaŋgepmo makukar neaŋ te. Na mina an meikramtaɨrmo kac ŋgoreaca tɨkna mo te, mina, minmo aŋgɨca taŋca mutura tɨkrenan. Na Patmos muta ma an muturta kac ŋgoreacna ian.
1:10 In 20.26, na Up 10.10, na 2 Ko 12.2, na KIEK 4.1-2
1:12 NA 25.37, na Sek 4.2, na KIEK 1.20
1:13 Esi 1.26, na Dan 7.13, na 10.5, na KIEK 15.6
1:14 Dan 7.9, na KIEK 2.18, na 14.2, na 19.12
1:14 Dan 10.6
1:15 Esi 1.24, na 43.2, na KIEK 14.2
1:16 Epe 6.17, na Ib 4.12, na KIEK 1.20, na 2.1, na 2.12, na 2.16, na 3.1, na 19.15, na 19.21
1:17 Ais 41.4, na 44.6, na 48.12, na Esi 1.28, na Dan 8.18, na 10.10, na KIEK 2.8, na 22.13
1:18 Ŋap 68.20, na Ro 6.9, na KIEK 4.9, na 5.14
1:19 KIEK 1.1, na 1.11, na 2.1, na 4.1
1:20 Sek 4.2, na Pil 2.15, na KIEK 1.12, na 1.16, na 2.1, na 3.1