2
Epesusna Iesusna rɨtɨpaikta meikramtaɨrta tumbunmo taŋgatna kamb
1 KIEK 1.16, na 1.20Ainda moca an ramootta gainda mbopatna, “U Epesus auŋ aniacna Iesusna rɨtɨpaikta meikramtaɨrta tumbunna mbaiŋna aiŋa morena ŋeroŋmo, kamb ndeidmo tirnan. Na an kambca anna gaind, ‘Aku guiar par kabeapa mbut mbuniŋmo ndona par umbaia utiŋrenan, na aku tac wɨwɨra tɨkrena golna reik par kabeapa mbut mbuniŋna rɨkca taŋrenan. Na aku nenmo an kambca neaŋga makɨpek. 2 2 Ko 11.13, na 2 Pi 2.1, na 1 Io 4.1, na KIEK 2.9, na 2.13, na 2.19, na 3.1, na 3.8, na 3.15Na una morena tɨpemb kirarirapa, aiŋir anikapa, una gagraca wɨtɨkrena tɨpemb kirarira, aku malamŋiri. Na aku lamŋirena, u ramtaɨr ŋgorikmo mba toŋgorenan ŋgoin. An ramtaɨra umo gaindopatna, “Ai toco aia up aŋgɨrena ramtaɨr.” Na wanaiŋ, mina up aŋgɨrena ramtaɨra wanaiŋ. Na u mina kambmo ritririnan morinan, na u watta garacrena mina paparuna ramtaɨr tiŋgik. 3 Gal 6.9, na Ib 12.3-5Na meikramtaɨra watrenanna, u aukna imo aŋgɨra taŋrenan, ri, mina unmo tɨpemb kirarir ŋgorikca morena. Ainda mori tik, aku lamŋirinan, u gagaraca wɨtɨkca an makukarmo mbukrenan, na u an aiŋ aniacna moca u mba ŋaterenan.
4 “ ‘Na aku unmo makuk ianap, na anna gaind, an mɨnna u mandeba rɨpacatnanna, u laiplacarmo mamatŋi ŋgoinna matŋirena, na mandeaca wanaiŋ. 5 Mt 21.41-43, na KIEK 2.16, na 2.22, na 3.3, na 3.19Na ŋgaua u tɨpemb kirarir laiŋga morenan, na u an tɨpemb kirarirmo tɨkcarica u mairikat. Ainda moca u an ŋgaua morina tɨpemb kirarir laiŋta moca mac lamŋi te, u ndona iro inik ŋgetrikica u ŋgaua morina tɨpemb kirarira mo. Na u ainda mo ŋgocor te, aku un ndambuŋ nakɨpca una an tac wɨwɨra tɨkrena golna reacmo, mo kecarinandet. 6 Ŋap 139.21Na una tɨpna kirar laŋ ianna gaind. U Nikolasna wiwitna meikramtaɨrta tɨpemb kirarirmo, u mba toŋgorenan ŋgoin. Na auk toco, mina tɨpemb kirarira mba toŋgorenan ŋgoin.
7 RL 2.9, na Esi 28.13, na 31.8, na Mt 11.15, na KIEK 2.11, na 2.17, na 2.29, na 3.6, na 3.13, na 3.22, na 22.2, na 22.14, na 22.19“ ‘Ainda moca ramootta koarapnanna, ma an kambca Ŋeroŋ Ratta, Iesusna rɨtɨpaikta tumnambta meikramtaɨrmo wiwitirinanmo matau warac. Na ramootta runduŋa ruŋga mana puŋnaŋgepmo mo irik te, aku manmo watcarica ma an iarwarna eteacna watna ik loor aŋgɨca amnandet. Na an ikca Raraŋ Aetaniacna tamuŋna auŋna warɨŋ maeacreke.’ ”
Simerna Iesusna rɨtɨpaikta meikramtaɨrta tumbunmo taŋgatna kamb
8 Ais 44.6, na 48.12, na KIEK 1.17, na 22.13Ri, an ramootta gaind mac mbopatna, “U mbaiŋna aiŋa morena ŋeroŋa Simerna auŋ aniacna Iesusna rɨtɨpaikta meikramtaɨrta tumbunmo, kamb ndeidmo tirnan. Na an kambca anna gaind, ‘Aku an ramootta outmbai ŋgoinna eacrenan, na aku iŋmbai ŋgoinna eacrena ramoot. Na ŋgaua aku menacrinan, na mandeaca aku eteacna watap maeacreke. Na aku unmo gan kambca neaŋga makɨpek. 9 Ro 2.17, na 2 Ko 11.14-15, na 1 Ti 6.18, na Ie 2.5, na KIEK 3.9Na an makukarapa gɨgɨrara unmo larurinanna aku lamŋirena, na u reik kocorta ramoot ndaekpembta kirara aku malamŋireke. Na u reik wɨt koindap. Na meikramtaɨr ndeida unmo peperena kamb ŋgorik toprenanna, aku lamŋirenan. Na an ramtaɨra mina Iudanaŋgepta wiwitnan toprenan. Na mina Iudanaŋgepta wiwitnanna wanaiŋ. Mina Ramoot Mbɨkna wiwitnan tiŋgik. 10 Mt 10.22, na 10.28, na 24.13, na 2 Ti 4.8, na Ie 1.12, na KIEK 3.11Na iŋmbai motemma u gɨrgɨr aŋgɨnandet, na anna unmo mba mo nanambitndai. Na u warac. Paparuna Ramootta monande, nena rɨkna ramtaɨr ndeida mina kac ŋgoreaca tɨknandet, te, anna nemo towainan. Na rai parniŋ mbuŋa ne makukarmo mbuknandet, na gɨgɨrara aŋgɨnandet. Na u rɨtɨpacmo utiŋga taŋga una menacna ra laru te, aku unmo eteacna watmo, reac laŋna kirar toca neaŋnandet.
11 KIEK 13.9, na 20.14, na 21.8“ ‘Ainda moca ramootta koarapnanna, ma an kambca Ŋeroŋ Ratta Iesusna rɨtɨpaikta meikramtaɨrta tumbunmo, wiwitirinanmo matau warac. Na ramootta runduŋa ruŋga mana puŋnaŋgepmo mo irik te, na iŋmbaina memenac mbuniŋmo, mamo mba mo ŋgocraitndait. Wanaiŋ ŋgoin.’ ”
Pergamumna Iesusna rɨtɨpaikta meikramtaɨrta tumbunmo taŋgatna kamb
12 Ais 49.2, na KIEK 1.16Na an ramootta gaind mac mbopatna, “U Pergamum auŋ aniacna eacrena mbaiŋna aiŋa morena ŋeroŋa, Iesusna rɨtɨpaikta meikramtaɨrta tumbunmo kamb ndeidmo tirnan. Na an kamma anna gaind, ‘Aku bugrim wɨrwɨra up mbuniŋapnanna, utiŋga eacrenan. Na aku nemo an kambca neaŋga makɨpek. 13 KIEK 3.8Na u eacrena taupca aku matau ŋgoinna lamŋirenan. Na Ramoot Mbɨkna gagrirta ramoot paŋan mbiracna taupca an ndeacrenan. Na u aukna imo utiŋa gagaraca eacrenan, na u aukmo rɨpacrenan, na an rɨtɨpacmo u mba aŋgɨ iŋgoroca eacrenan. Na an ramoot Antipas, ŋgaua ma aukna kambca wiwitia mboprena ramoot, na ma nenap eacrinan. Na ma aukna kambmo matau ŋgoinna raŋgairenan, na mina manmo nena auŋa tɨkca mo menacrinan, na anna an auŋa Ramoot Mbɨkca eacrenan. Na an kɨdrɨk toco, u aukmo iŋa mba neaŋrinan.
14 Ndu 22.1—24.25, na 25.1-3, na 31.16, na TW 23.4, na Up 15.29, na 1 Ko 6.13, na 8.9, na 2 Pi 2.15, na Iu 1.11“ ‘Na aku umo makukar ndeidap. Na Pergamum auŋna ramtaɨrta ndeida unap eacrenan, mina Balamna riptimo utiŋga eacrenan. Na mana riptia ma gaind. Atua ma Balakmo paparuna riptia wandacrinan, ri, Israelnaŋgepmo moca mina tɨpemb kirarir ŋgorikta makukar puŋga irikrinan. Na Balaka minmo moca mina ŋgepca anna mɨrpembraraiŋmo, mina amta ŋgoaebmo gɨmbamba morinan. Na mina an mɨrpembraraiŋmo gɨmbamba morina ŋgoaebmo, mina an aŋgɨca ambrinan, na meacramootna kaŋtertaapna tɨp kirara morinan. 15 Na an tɨp kirar kabea ramtaɨr ndeida unap an ndeacrenan, mina Nikolasna wiwitna riptina kambca raŋgairenan. 16 Ais 11.4, na 2 Te 2.8, na KIEK 1.16, na 3.11, na 19.15, na 19.21, na 22.7, na 22.12, na 22.20Ainda moca u iro inik ŋgetriki, na wanaiŋ ecte, aku un ndambuŋmo tawi kɨpnandet. Te, aku an ramtaɨra Nikolasna riptia raŋgairenanmo, aku ndona upa eacrena bugrim mbuŋa minap ruŋnande.
17 NA 16.4, na 16.14-15, na 16.33-34, na Ais 62.2, na 65.15, na In 6.48-50, na KIEK 2.7, na 2.11, na 3.12, na 19.12“ ‘Ainda moca ramootta koarapnanna, ma an kambca Ŋeroŋ Ratta Iesusna rɨtɨpaikta meikramtaɨrta tumbunmo wiwitirinanmo matau warac. Na ramootta runduŋmo ruŋca mana puŋnaŋgepmo mo irik te, aku manmo iŋgoroca eacrena menaapa, waut gogok ianna manmo neaŋnandet. Na an waut mbuŋa aku i ŋgamma tirnandet, na ramoot ianna an imo mba lamŋirenan. Na ramootta an waut aŋgɨrenanna, ma ndo niŋgikca lamŋinandet.’ ”
Taiatairana Iesusna rɨtɨpaikta meikramtaɨrta tumbunmo taŋgatna kamb
18 KIEK 1.14-15Na an ramootta gaind mac mbopatna, “U Taiataira auŋ aniacna eacrena mbaiŋna aiŋa morena ŋeroŋa Iesusna rɨtɨpaikta meikramtaɨrta tumbunmo kamb ndeida tirnan. Na an kamma anna gaind, ‘Aku Raraŋ Aetaniacna Nuoc, na aukna lamnɨacniŋa, ma tac wɨwɨrna memetac nakirar. Na aukna orniŋa memetac ŋgoin, ma barasa mina matau ŋgoinna mataurina kirarna memetac toc. Na aku unmo gan kamma neaŋga makɨpek. 19 Na an tɨpemb kirarir muruŋa u morenanna, aku lamŋirinan. Na aku lamŋirena, u meikramtaɨrmo matau ŋgoinna matŋirenan, na u aukmo marɨpacat, na u ainta aiŋira moa, kabena meikramtaɨrmo otacrenan. Na aku lamŋirenan, an makukara muruŋa unmo larurenanna, u wɨtɨkca gagararenan. Na u ŋgaua morina tɨpemb kirarira aku lamŋirenan. Na mina laiŋ, na mandeaca an tɨpemb kirarir laiŋ unanna laiŋ koind malaruri.
20 1 GRP 16.31, na 2 GRP 9.7, na Up 15.20, na 15.29, na 1 Ko 10.19, na KIEK 2.14“ ‘Na aku unmo makuk ianap, na anna gaind. U an meac Iesebelmo wattacarica ma unap eacrenan. Na an meaca ma aindoprina, ma ramma morena meac, na wanaiŋ, ma aukna aiŋa morena ramtaɨrmo parurenan, na ma minmo meacramootna kaŋtertaapna tɨp kirara morenanna riptirenan, na an amta ŋgoaebca mina mɨrpembraraiŋmo gɨmbamba morenanna, minmo riptica mina an aŋgɨca ambrenan. 21 Ro 2.4, na KIEK 9.20Na aku toŋgorinanna ma ndona iro inikmo ŋgetriki, aintik aku manmo watcarica ma emtem pac eacnan. Na wanaiŋ. Ma ndona iro inik ŋgetrikica ndona meacramootna kaŋtertaapna tɨp kirarmo iŋ neaŋna karirinan. 22 Ainda moca u matau warac. Aku an meacmo moca ma gɨrgɨrapa, roumb aniac aŋgɨca bar niŋgik ndeacraŋnandet. Na an meikramtaɨra manap tɨpemb kirarir ŋgadudukara morinanna, mina iroar inkarmo ŋgetriki ŋgocor, na mana morena tɨpemb kirarirmo iŋ neaŋ ŋgocor te, aku minmo gɨgɨrar anikapa, makukar motocmo neaŋnandet. 23 Ŋap 7.9, na 62.12, na Ier 11.20, na 17.10, na Ro 8.27, na 2 Ko 5.10, na 2 Ti 4.14, na KIEK 20.12-13Na mana mombonik motocmo, aku mo menacnandet. Ainda moca Iesusna rɨtɨpaikta meikramtaɨrta tumbunna meikramtaɨra muruŋcamiŋa lamŋinandet, aku meikramtaɨr muruŋcamiŋna iroar inkar minanmo matau ŋgoinna ritrirena. Te, nena morena tɨpemb kirarirta mɨnna opoikca aku nenmo kabe, kabemo neaŋnandet.
24 “ ‘Na ne kabena meikramtaɨra Taiatairana Iesusna rɨtɨpaikta meikramtaɨrta tumbunna aku mandeaca nenmo mambopek. Te, ne an meacna riptiara kai warac teac, na an tɨp kirara mina gaind ŋgacrena, “Ramoot Mbɨkna iŋgorocna kamb.” Na aku nenmo gaindopnandet, aku nenmo kabena makuk ianna mba neaŋitndait. 25 KIEK 3.11Aintik reikca ne utiŋrenanna, anna ne utiŋi gagraca taŋi, aukna mac nda kɨkɨpna mɨn mbuŋ.
26 Mt 19.28, na In 6.29, na 1 Ko 6.3, na 1 Io 3.23, na KIEK 20.4 Ŋap 2.8-9“ ‘Na ramootta runduŋmo ruŋga mana puŋnaŋgepmo mo irik te, ma aukna tɨpemb kirarirmo raŋgaica taŋga an reikmo muruŋa mamaina mɨnna laru te, aku manmo gan tiacarpaikna pitrik waŋgorta meikramtaɨrta outta taŋna ramoot paŋanna i aniacapa gargar neaŋnandet. 27 Dan 7.22, na KIEK 12.5Te, ma minmo matau ŋgoinna gagraca bubuoca, minmo teker, tekera titacnandet, na an tɨpna kirara ramootta tiacarpaikna wɨnna ma mo wɨrɨprena kirar. Na an aiŋa aku manmo neaŋnandet, an kirara aukna Aetta aukmo neaŋrinan, anna aku meikramtaɨrmo bubuocnandet. 28 KIEK 22.16Na an auŋ rararuna guimo aku manmo an toco neaŋnandet.* Auŋ rararuna guia anna mina Iesusmo an imo tɨkrina. Anna mana i ian. 29 Ainda moca ramootta koarapnanna, ma an kambca Ŋeroŋ Ratta Iesusna rɨtɨpaikta meikramtaɨrta tumbunmo, wiwitirinanmo matau warac.’ ”
2:1 KIEK 1.16, na 1.20
2:2 2 Ko 11.13, na 2 Pi 2.1, na 1 Io 4.1, na KIEK 2.9, na 2.13, na 2.19, na 3.1, na 3.8, na 3.15
2:3 Gal 6.9, na Ib 12.3-5
2:5 Mt 21.41-43, na KIEK 2.16, na 2.22, na 3.3, na 3.19
2:6 Ŋap 139.21
2:7 RL 2.9, na Esi 28.13, na 31.8, na Mt 11.15, na KIEK 2.11, na 2.17, na 2.29, na 3.6, na 3.13, na 3.22, na 22.2, na 22.14, na 22.19
2:8 Ais 44.6, na 48.12, na KIEK 1.17, na 22.13
2:9 Ro 2.17, na 2 Ko 11.14-15, na 1 Ti 6.18, na Ie 2.5, na KIEK 3.9
2:10 Mt 10.22, na 10.28, na 24.13, na 2 Ti 4.8, na Ie 1.12, na KIEK 3.11
2:11 KIEK 13.9, na 20.14, na 21.8
2:12 Ais 49.2, na KIEK 1.16
2:13 KIEK 3.8
2:14 Ndu 22.1—24.25, na 25.1-3, na 31.16, na TW 23.4, na Up 15.29, na 1 Ko 6.13, na 8.9, na 2 Pi 2.15, na Iu 1.11
2:16 Ais 11.4, na 2 Te 2.8, na KIEK 1.16, na 3.11, na 19.15, na 19.21, na 22.7, na 22.12, na 22.20
2:17 NA 16.4, na 16.14-15, na 16.33-34, na Ais 62.2, na 65.15, na In 6.48-50, na KIEK 2.7, na 2.11, na 3.12, na 19.12
2:18 KIEK 1.14-15
2:20 1 GRP 16.31, na 2 GRP 9.7, na Up 15.20, na 15.29, na 1 Ko 10.19, na KIEK 2.14
2:21 Ro 2.4, na KIEK 9.20
2:23 Ŋap 7.9, na 62.12, na Ier 11.20, na 17.10, na Ro 8.27, na 2 Ko 5.10, na 2 Ti 4.14, na KIEK 20.12-13
2:25 KIEK 3.11
2:26 Mt 19.28, na In 6.29, na 1 Ko 6.3, na 1 Io 3.23, na KIEK 20.4
2:26 Ŋap 2.8-9
2:27 Dan 7.22, na KIEK 12.5
2:28 KIEK 22.16
*2:28 Auŋ rararuna guia anna mina Iesusmo an imo tɨkrina. Anna mana i ian.