1 Da sǝrkǝmnda ka ǝnkwan nǝ uud kǝm lii ɓatlǝra yaazhǝgǝla, kwavǝlatǝr nǝ Daadamazhigǝl kǝ langyi sǝrga jiirahan kwa shiɓashiɓanna, 2 Adabad kwaha baraari kǝ lii hǝkya langyi ar nal kǝ uudaha jirjiira 3 Dǝgit dyǝk bi vakar ma ba kuuram wam da fǝshakaiya, aandzu mada fǝshakai nǝ uud mat zharga ndzǝgana uud, kai bi wada fǝshaghǝrar biya. 4 Ən sǝrgabi nai mbatak ǝn mǝng dǝ haip biya, bakǝvakwaha nal bi taaki ǝn maay dǝ haip ba lǝngngi lǝng biya, yaazhǝgǝl wada fǝshakaiya. 5 Mbakyarvad kwaha ghudamarbi kǝ shari kǝ uud ma ɓagabi nǝ sart biya, pakamant pakǝga bamma sǝghawisǝg nǝ yaazhǝgǝla. Iin wada marda dǝgitahi shǝɓashǝɓan kwa ma gurtla, da tagdan dlaɓ kǝ dǝgiti tlatlǝg nǝ ǝrvǝdmahuɗuudaha, tǝhalakwah wada caug aandzu ma ba war kǝ kalkala dǝgshǝgaan vak Daadamazhigǝla. 6 Aici zaraabahara, ǝlbǝg tǝghǝr kwanahaana nandal kǝ garav tǝ ghǝrarra ard Afullusa mbakyarvad kǝ uurama, kiyava tsagan kǝskuuram kǝ ǝlbǝg taaga taakiya,“Dzǝvamabi kǝ dǝgiti viindaviivdan biya,” haik tsa kusgha kǝ palla ruwa dǝ kwa tsagu n iin tǝghǝr k uudana. 7 War wa tagaktag taaki juughujig kǝ kyalmahi? 8 Auwa agha dǝvakai nǝng kwa Daadamazhigǝl bi wa vǝlakakvǝlǝg biyi? Akwama bandkwah citsa,aujilbǝg agha naa ghǝr mandki aa vǝlǝk gyagyanbi nǝ uudti? 9 Adaba manzharg naiya, maradamarg nǝ Daadamazhigǝl bat ɓalaɓal taakiya kǝm lii ɓa tlǝra kǝm dǝga halla aandzu ma ƙǝ dǝgita, band lii ghudavtǝrdan sharia ǝmtsǝga, adaba namdalnǝg nǝg nǝmnd kǝ dǝgiti da fǝg nǝ duni kǝ gyi tǝvakai baɗǝm, baz zarha ɓǝlga Daadamazhǝgla ard uudaha. 10 Namdalnǝg kǝ ɗlag mbakyavad tlǝkatǝga, bakǝvakwaha am dǝ dabari nǝ uuram ma tlǝkatǝga! kǝm maay dǝ ndzǝɗ nǝmnd biya kuurama am dǝ ndzǝɗa! fa zhiruw nǝ uud tǝ kuurama, vǝlkǝmnd dlaɗ nǝ uuda! 11 Ndakwana njikǝmnd nǝ waiya ard andǝla, ǝm maay fahaa sǝɗav marawau biya, kalkǝmnd kalǝg nǝ uuda,dlaba kǝm maay dǝ hǝnyah biya. 12 Kǝm ɓa ba tlǝr dǝ ghǝramǝmnda, akwama ɗahakǝmvaɗahǝg nǝ uuda, kǝm fǝtǝra kǝ bark dlakulvana, akwama vǝlakǝmnd vǝlǝg nǝ uud kǝ dlaɗa, kǝm ba ɓǝsgaana. 13 Akwama tagaratag nǝ uudah kǝ dǝga bandza ɗaag tǝ kǝmnda, kǝm tagtǝrda kǝ ǝlbǝg bad ǝmtakǝra. Namndal nǝg nǝmnd band agagava,kwa naabi nǝ uudaha duni biya. 14 Viindankuura viindǝg nai kwana mbakyarvad ǝnfǝkuurdǝm dama zhiruw biya, viindan kuura mbakyavad ǝn ɓǝlkura kǝ magiya adaba am zarharr kwan waitǝr naiya. 15 Aandzu am bad lii tsaga dǝgit ma tlǝkatǝga kwa kǝdlǝvtǝrnabiya, am maay dǝ daadah dyak biya. Ba jijia nanalnǝg nai kǝ daad kǝskuuram ma tlǝkatǝga yesu tǝdvad lang kurda ǝlbǝg marawa. 16 Mbakyarvadkwaha, ǝn ghalaakuurama tsagamtsag dǝ kaiya. 17 Adabadkwaha ɓǝlanant ɓǝlǝg kǝ Timuti zǝrar da vakaruuwa kwan waig naiya, haiyananthaig nai dǝ iin ma yaazhǝgǝla, da dzamkurnǝs dzamǝg kǝ ɗuuli ǝn gatǝg naiy kǝ Tlǝkatǝg Yesu, ard ɗuuli ǝn tsagtǝr nai kǝ dlamakǝlaaa lii gatǝga. 18 Kǝsarantkǝsǝg nǝ kyalmaharu mandki ǝn da maay dagau davakaru biya, baz naa ghǝratǝr kǝ iitǝra. 19 Akwama haighant haig nǝ Yaazhǝgǝla ǝn da zǝlmabi kǝ dagau davakaru biya, ǝn da sǝran kǝ hulfa ndzǝɗi dǝ vakai nǝ lii naa ghǝraatǝrna, kwakyǝ ǝlbǝgahaatǝr biya. 20 Adaba tlǝkǝsa Daadamazhigǝla tǝvaghai biya, bamma tǝ ndzǝɗaana. 21 Aitsa, auwama kǝsgaka nǝ uurami,ǝn dagau davakaru dǝ kiiɓni, nii ǝn markurda kǝ wayakǝvǝrhi?