1 Ciinganaciing taakiya mǝng nǝ lii ɓa gwaragwar makuurama, hulfa kwa maay ɓagav aandzu ma lii sǝrgai kǝ Daadamazhigǝl biya, mǝng nǝ daddakwa nadal uusa daddaan band uusaana. 2 Baz tǝɗa fǝɗaavǝgh kǝskuurama! mbats, kalkalanbi kǝskuuram un gda ǝrvǝdmahuɗa, am sǝdan kǝ daddakwa ɓa kwa nǝ iin ma kuuram biya? 3 Aandzu ba ǝn maay ǝmtaɗ dǝ kuuram ma ndzǝgana vǝghbiya, ǝn ba ǝmtaɗ dǝ kuuram ma shidkwa cacuwana cacuwana. Ghudanarda ghudǝg nai kǝ sharia kǝ dadda ɓa kwan kǝ dǝgita ma ɗaaga Tlǝkatǝg Yesu aandzu ban maay ǝmtaɗ dǝ kuuram biya. 4 Akwama dǝ dzahamvǝt dzahǝga ǝn ba ǝmtaɗ dǝ kuurama, ard ndzǝɗa Tlǝkatǝg Yes, 5 Am vǝlar kǝ shatanah kǝ uuda nǝ iina, aandzu ba badzada badzǝg nǝ shatanah kǝ vǝgha uuda nǝ iina, da katav nǝ shifǝgaan davala fachiya Tlǝkatǝga. 6 Tsa kushǝghǝn am ɓag nǝ uuramna dǝgit maraw biya, mbats am sǝrga biya, abi zǝr yist ba ǝnkyakwah wa fǝgara kuburǝg kǝ bruudiya? 7 Samdasǝg kǝmghura yista aa haipa kiyava nǝg kǝ daala bruudi, ba jirjira band kwaha. Aɗaba ɓagava ɓag nǝ kyulǝga Zǝra Mbakǝllaka kiyava hwaɗaga haara kǝssa ndzava hǝnyaha, iin nǝ Tlǝkatǝga. 8 Mbakyarvad kwaha ɓagiyamɓag kǝ hwaɗaga haara kǝssamiiyama, dǝ bruudi kwa dǝ ǝnghura yist ma vakai biya, kwa dǝga naiy kǝ uuda ard dǝga ɓa kǝladǝr biya, bamma dǝ bruudi kwal yista kwa iin ɓa jirjira ard haigant haiga. 9 Viindankura viindǝg ma wakitar taakiya haɗambi ghǝr dǝ lii ɓa gwaragwar biya, 10 Ən taa kǝ hulfa gwaragwara kwan kǝ duni biya, ma lii ɓa dlǝrmǝga, ma lii ɓa gǝlla, ma lii ɓagarnǝs kwatǝnahǝr ghǝllaha. Akwama bandkwaha barari am sagal ma tlǝra duniya. 11 Ən viindkur kwan nai taakiya haɗambi kǝ ghǝr aandzu kwar kǝ zǝraabi kwa gata Yesu ma ba ɓa gwaragwariya, aandzu dadda dlǝrmǝg biya, ma dadda ɓagar kwatǝnahǝr ghǝlla, ma daddakwa ɗavaɗava, ma dadda huɓa kya , ma dadda ɓa gǝlla, zambi kǝ kaf dǝ hulf kwan kǝ uudah biya. 12 Au lambar dǝ tǝtǝr shari kǝ lii ar dǝgamiiyambiyi? Am da tǝtǝr bak zaraabahamiyam lii gatǝg nǝ uuram kǝ shari biya? 13 Daadamazhigǝl wada tǝtǝr shari kǝ lii dǝgamiiyam biya, lagwamdalagw kǝ kǝlaadin makuurama.