1 ኢስቲ ጾሳ ታቦታ ኤሂዲ ዳዊቲ ታቦታ ዎꬃናስ ቶሊዳ ዱንካኔዛ ጊዶን ዎꬂዳ፤ ሂስቲዲ ጹጌቲዛ ያርሾኔ ኢሲፌቴꬃ ያርሾ ጾሳስ ያርሺዳ። 2 ዳዊቲ ጹጌቲዛ ያርሾዛኔ ኢሲፌቴꬃ ያርሾ ያርሺዳፔ ጉዬ ጎዳ ሱንꬃን ዴሬዛ ኣንጂዴስ። 3 ሄሳፌ ጉዬ ኢስራኤሌ ኣሳ ኡባስ፥ ማጫሳሲኔ ኣቱማሳስ፥ ሁኤን ሁኤን ኢሲ ኢሲ ጉꬃ ኡኬꬅ፥ ኢሲ ኢሲ ቃንጾ ኣሾኔ ኢሲ ኢሲ ዛቢቤ ኮምፓ *ኮምፓ ጌቴቲዛይሲ ኢሲ ኢሲ ባጋ ጋሞꬆ ቃላን ꬌቦ ዎይኮ ሊቻኮ ጌቴቴስ። ጊሺዴስ።

4 ጎዳ ታቦታ ሲንꬃን ኦꬃና ማላኔ ጎዳ ኢስራኤሌ ጾሳ ዎሳናስ፥ ሳባናሲኔ ጋላታናስ ዳዊቲ ሌዌ ቆሞታፔ ጉꬃታ ሱንꬂዴስ። 5 ሌዌታ ሃላቃይ ኣሳፌ፤ ኢዛፔ ጋርሳራ ዛካራሳ፤ ዛካራሳራ ዲዛይቲ ዪኢኤሌ፥ ሻሚራሞቴ፥ ዪሂኤሌ፥ ማቲቲያ፥ ኤልያቤ፥ ባናያኔ ኦቤድ-ኤዶሜኔ ዪኢኤሌ፤ ሄይቲ ማሲንቆኔ ዲꬅ ዲጻና ማላ ሱሚዳ፤ ኣሳፊ ጊዲኮ ዳላ ቃꬃናስ ሱሚዴስ። †ዳላ ጊዛይሲ ጺናጺሌ ጊዛይሳ ቤሴስ። 6 ቄሴ ባናያይኔ ያሃዚኤሌይ ጾሳ ታቦታ ሲንꬃን ኡባ ዎዴ ዛዬ ፑናና ማላ ሱሚዳ።

7 ሄ ጋላስ ዳዊቲ ካሴቲዲ ኣሳፌሲኔ ኢዛራ ኦꬂዛ ላጌታስ ጎዳ ጋላቲዛ ዬꬃ ኢሚዴስ።

ሄሳፌ ጉዬ ዴሬ ኡባይ፥ «ኣሚን» ጊዲ ጎዳ ጋላቲዴስ።

37 ጎዳ ታቦታ ሲንꬃን ሃች ሃች ጎይኖስ ኮሺዛዝ ኡባ ዎዴ ኢስቲ ኦꬃና ማላ ዳዊቲ ኣሳፌኔ ኢዛ ዳቦታ ዎꬂዴስ። 38 ቃሴካ ኦቤድ-ኤዶሜኔ ኢዛ ዳቦታ ኡሱፑን ታማኔ ኦስፑናታ ኢስታራ ኦꬃና ማላ ዎꬂዴስ፤ ኤዶታኔ ና ኦቤድ-ኤዶሜኔ ሆሳ ዲርሳ ፔንጌ ናጋና ማላ ዎꬂዴስ።

39 ቄሴ ሳዶቄኔ ኢዛራ ኦꬂዛ ቄሴቲ ጌባኦኔን ꬎቃሶሆን ዲዛ ጎዳ ዱንካኔዛ ሲንꬃን ኦꬃና ማላ ሄን ዎꬂዴስ። 40 ጋሶይካ ጎዳይ ኢስራኤሌስ ኢሚዳ ዎጋ ማላ ኢስቲ ኡባ ዎዴ ጹጌቲዛ ያርሾይ ያርሼቲዛሶን ማላዶኔ ኦማርስ ጹጌቲዛ ያርሾ ያርሻናሳ። 41 ኢዛ ማሮታይ ሜርናስ ጊዲዳ ጊሻስ ጎዳ ጋላታና ማላ ሄማኔ፥ ኤዶታኔኔ ዶሬቲዳ ሃራታ ዳዊቲ ኢስታራ ኢሲፌ ኤሲዴስ። 42 ሄማኔሲኔ ኤዶታኔስ ጹሩምባ ፑናናስ፥ ዳላ ጊሪሳናሲኔ ዬꬃ ዬጺሼ ጎኤቲዛ ሃራ ማሳራታ ቦላ ኣዋቴꬂ ኢስታስ ኢሜቲዴስ፤ ኤዶታኔ ናይቲ ዲርሳ ፔንጌ ናጋና ማላ ኣላፌቴꬂ ኢሜቲዴስ።

43 ሄሳፌ ጉዬ ኡባ ኣሳይ ባሶ ባሶ ቢዴስ፤ ዳዊቲካ ባሶ ኣሳ ኣንጃናስ ሶ ሲሚዴስ። 2ሳሜ 6፡19-20