1 ታ ኢሻቶ! ታ ኢንቴኮ ጾሳ ጹራ ቆንጪሳና ቢዳይ ታስ ዶና ቃራቴꬂ ዎይኮ ኤራ ዳሮይ ዲዛ ጊሻስ ጊዴና። 2 ታ ኢንቴ ጊዶን ዲዛ ዎዴ ካቄቲዳ ዬሱስ ኪርስቶሳፔ ኣቲን ሃራ ኤሮንታ ማላ ታ ባጋራ ሙርታዲስ። 3 ታ ኢንቴኮ ዳሮ ዳቡራን፥ ያሻቴꬃኒኔ ዳሮ ኮኮራሼ ባዲስ። 4 ታ ቃላይኔ ሳባኮይካ ኣያና ዎልቃ ቆንጪሴꬃንፔ ኣቲን ጪሞኒኔ ኤራ ዳሮን ጊዴና። 5 ሄሲካ ኢንቴ ኣማኖይ ጾሳ ዎልቃንፔ ኣቲን ኣሳ ጪንጫቴꬃ ቦላ ጻጶንታ ማላ ሃኒዴስ።

6 ኑ ካሃ ኩንꬂዳ ኣሳታ ኣቻን ኤራ ሃሳያ ሃሳዮስ፤ ጊዶ ኣቲን ሃይሳ ሃ ኣላሜዛ ኤራቴꬅ ጊዴና፤ ዎይኮ ꬋያና ዲዛ ሃ ኣላሜዛ ሃሪዛይታ ኤራቴꬅ ጊዴና። 7 ጊዶ ኣቲን ኑ ሃሳይዛይ ካሴ ቆቴቲ ዲዛ ጾሳ ጹራ ኤራቴꬃ፤ ሄ ኤራቴꬃይ ጾሲ ዳሮ ዎዴፔ ካሴ ኑና ቦንቾስ ካሴቲዲ ጊግሲ ዎꬂዳይሳ። 8 ሃ ኣላሜዛ ሃሪዛይታፔ ኦኒካ ሃ ኤራቴꬃ ኤሪቤና፤ ኤሪዳኮ ኢስቲ ቦንቾ ጎዳ ካቄቴና። 9 ጊዶ ኣቲን ጌሻ ማጻፋን፥

13 ኑ ዮቲዛይ ሃይሳ፤ ኑኒ ኣሳፔ ታማርዳ ቃላ ጊዶንታ ኣያናፔ ታማርዳ ቃላ ሃሳዮስ፤ ኣያና ቱማቴꬃካ ኑ ቆንጪሲዛይ ኣያና ቃላና። 14 ጾሳ ኣያናይ ኢዛን ባይንዳ ኣሲ ጾሳ ኣያናፔ ጊዲዳዝ ኤካናስ ዳንዳዬና፤ ጋሶይካ ሄሳ ማላ ዮኦይ ኢዛስ ኤያቴꬃ፤ ኢዚ ባስ ኣያናን ፓጬቲዛዴ ጊዲዳ ጊሻስ ኢዚ ኤራናስ ዳንዳዬና። 15 ጾሳ ኣያናይ ኢዛን ዲዛዴይ ቃሴ ኡባካ ፓጬስ ኣቲን ባስ ኦናንካ ፓጬቴና። 16 ሄሲካ፥