1 ታኒ ታ ዎዚናን፥ «ኣኔ ታስ ጊታ ኡፋይስ ኢሚዛይ ኣዛኮ፥ ቃሴ ሎኦ ሚሺ ኣዛኮ ኤራናስ ኮያይስ» ጋ ቆፓዲስ፤ ጊዶ ኣቲን ሄሲ ሃዳ። 2 ቃሴካ፥ «ሚቺ ኤያቴꬃ፤ ኢሻሎሲኔ ኡፋይሳስ ኣይ ጎኣይ ዲዜ?» ጋዲስ። 3 ሄሲ ዉሪ ሃኒንካ ኣꬎ ኤራቴꬅ ዴማናስ ታ ዎዚናን ኣሞታዳ ታና ዎይኔ ኡሻን ኡፋይሳናሲኔ ኤያቴꬅ ኦይካናስ ባጼታዲስ፤ ቃሴ ኣሳይ ሳኣ ቦላ ዲዛ ቃንꬃ ላይꬃን ሳሎ ጉፋንꬆን ዲዛ ሚሽ ኡባ ቦላ ኦꬂዳኮ ኢስታ ጎኢዛዚ ኣዛኮ ታ ኤራና ኮያዲስ።

4 ሄሳ ጊሻስ ሃራ ኢሲ ጊታ ሚሻታ ኦꬃዲስ፤ ታስ ኬꬃታካ ኬጻዲስ፤ ዎይኔ ቱራካ ቶካዲስ። 1ካዎ 10፡23-27፤ 2ታሪ 9፡22-27 5 ዱማ ዱማ ኣታኪልቴታ፥ ዱማ ዱማ ኣይፌ ኣይፊዛ ሚꬃታ ቶካዲስ፤ ዩዪ ኡፋዬቲዛሶ ጊጊሳዲስ። 6 ሄ ዲጪዛ ሚꬃታ ኡሻናስ ሃꬅ ኤሊሲዛሶ ዜራ ጊጊሳዲስ። 7 ኣቱማኔ ማጫ ኣይሌታ ሻማዲስ፤ ታስ ሶን ዬሌቲዳ ሃራ ኣይሌቲካ ዴቴስ፤ ታፔ ካሴ ዬሩሳላሜን ዴኢዳ ኦናፔካ ቦላራ ዳሮ ሜሄ፥ ዴይሺኔ ዶርሳ ዉዴ ሃራዲስ። 1ካዎ 4፡23 8 ታኒ ዱማ ዱማ ቢታታፔ ጊታ ኣሳታፔኔ ካዎታፔ ኣቆታ፥ ዎርቃኔ ቢራ ታስ ዳጋሳዲስ። ቃሴ ኣዴኔ ማጫ ዬꬃንቻታ ሺሻዲስ፤ ጉጃዳካ ኣሳ ኡፋይሳናስ ዳሮ ማጫ ናይታ ኤሃዲስ። 1ካዎ 10፡10፤ 14፡22

9 ሄሳ ጊሻስ ታኒ ታፔ ካሴ ዬሩሳላሜን ዴኢዳ ኦፔኔ ኣꬊዳ ጊታ ኣስ ጊዳዲስ፤ ታ ኣꬎ ኤራቴꬃይካ ታናራ ዴኢዴስ። 1ታሪ 29፡25

17 ሳሎ ጉፋንꬆን ሃኒዛ ሚሺ ኡባይ ኢቲዛ ጊሻስ ሃ ሳኣ ዱሳይ ታና ኢቴስ፤ ሄሲ ኡባይካ ሃዳ፤ ጫርኮ ኦይካናስ ዬዴꬂዛ ማላ። 18 ሳሎ ጉፋንꬆን ታኒ ኬሃ ዳቡራ ዴሚዳ ኡባ ታፔ ጉዬን ዪዛ ዬሌታስ ዬጋዳ ቢዛ ጊሻስ ታኒ ዳቡራ ዴሚዳ ኡባይ ታና ኢቴስ። 19 ታፔ ጉዬራ ያናይሲ ኢዚ ኣꬎ ኤራንቻ ጊዲን ዎይኮ ኤያ ጊዲን ኦኔ ኤሪዛይ? ኢዚ ኦና ጊዲኮካ ታኒ ኬሃ ዳቡርዳይሳኔ ታ ኣꬎ ኤራቴꬃን ታኒ ዴሚዳ ኡባ ቦላ ጎዳ ጊዳና፤ ሄሲካ ሃዳ።

20 ሄሳ ጊሻስ ሳሎ ጉፋንꬆን ሃይሳ ኬና ኣይስ ዳቡራዲና ጋዳ ታ ዎዚናን ሂዶታ ቃንጾ ዶማዲስ። 21 ጋሶይካ ኣሲ ባ ኡባ ኣꬎ ኤራቴꬃን፥ ኤራኒኔ ሂላን ዳቡርዲ ዴሚዳ ኡባ ኣይኮካ ዳቡሮንታ ኣሳስ ኣጊ ቤስ፤ ሄሲካ ሃዳኔ ጊታ ቆሆ። 22 ሄሳ ጊሻስ ሳሎ ጉፋንꬆን ኣሲ ኬሂ ዳፌቲኮኔ ዳቡርኮ ኢዛስ ኣይ ዎꬌይ ዲዜ? 23 ኢዚ ባ ዴኦ ላይꬃን ዳቡርዛ ዳቡራይ ኡባይ ዋዬኔ ሜቶ ጻላ፤ ኦማርሲካ ኢዛ ጉጌይ ሼምፖ ዴሜና፤ ሄሲ ኡባይካ ሃዳ። ኢዮ 5፡7፤ 14፡1

24 ኣሳስ ሙሳፌኔ ኡሻፌ ቃሴ ባ ኦꬂዳ ኦሶን ኡፋዬቴꬃፌ ሃራ ሎኢዛ ሚሺ ዴና፤ ሄሲካ ጾሳ ኩሼፔ ኢሜቲዛይሳ ታ ቤያዲስ። ኤራ 3፡13፤ 5፡18፤ 9፡7፤ ሉቃ 12፡19፤ 1ቆሮ 15፡32 25 ኢዛ ኣቻፌ ኢሜቶንታ ኣጊኮ ኦኒ ማናሲኔ ኡፋዬታናስ ዳንዳይዜ? 26 ጾሲ ባና ኡፋይሲዛ ኣሳስ ኣꬎ ኤራቴꬅ፥ ኤራቴꬂኔ ኡፋይስ ኢሜስ፤ ጊዶ ኣቲን ናጋራንቻይ ጾሳ ኡፋይሲዛይታስ ዬጊ ባና ማላ ኣቆታ ዳጋሳናሲኔ ኦꬃናስ ዎልቃ ኢሜስ፤ ሄሲካ ሃዳኔ ጫርኮ ኦይካናስ ዬዴꬂዛ ማላ። ኢዮ 32፡8፤ ሌሚ 2፡6