1 ሳሎ ጉፋንꬆን ሃራ ኢታ ሚሽ ታኒ ቤኣዲስ፤ ሄሲካ ኣሳስ ኬሂ ዴጾ። 2 ኣሲ ባ ዎዚናን ኣሞቲዳ ሚሽ ዴማና ማላ ጾሲ ኣሳስ ኣቆታ፥ ዱሬቴꬂኔ ቦንቾ ኢሜስ፤ ጊዶ ኣቲን ኬꬃዋይ ኢስታን ኡፋዬታና ማላ ኩሜꬃ ማታ ኢዛስ ኢሜና፤ ኢዚ ዳቡሪ ዴሚዳይሳን ሃራይ ኡፋዬቴስ፤ ሄሲካ ሃዳኔ ኬሂ ኢታ ሚሻ።

3 ኢሲ ኣሲ ጼቱ ናይታ ጋካናስ ዬሊ ጪሚዲ ኣዱሳ ላይꬅ ዴኣናዉ ዳንዳዬስ፤ ጊዶ ኣቲን ኢዚ ባ ኣቆታን ኡፋዬቶንታ ኣጊኮኔ ሃይቂዲ ዎጋራ ሞጌቶንታ ኣጊኮ ኢዛፔ ኣዉጫያይ ኪያ። 4 ጋሶይካ ጮ ሃዳ ዪዲ ꬉማን ቤስ፤ ኢዛ ሱንꬂካ ꬉማን ካሜቲዴስ። 5 ኢዚ ኤሮንታኔ ፖኦ ቤኦንታ ኣጊኮካ ሄ ኣዴዛፔ ኢዛስ ኣꬎ ዎፓይ ዴስ። 6 ኡፋይሲ ባይንዳ ዲሺን ናምኡ ሺ ላይꬅ ዴኢኮካ ኢዛስ ኣዛ ጎኣይ ዲዜ? ዉርሴꬃን ናምኣይካ ኢሲ ሶሆ ባና ዴቴኔ?