1 ላፑንꬆ ኣጊናን ኢስራኤሌቲ ባንታ ካታማን ካታማን ዲዛሶፔ ኢሲ ቆፋን ጊዲዲ ዬሩሳላሜን ሺቂዳ። 2 ሄሳፌ ጉዬ ኢዮሳዶቄ ና ኢያሶይኔ ኢዛራ ኦꬂዛ ቄሴቲ ቃሴካ ሳላቲያሌ ና ዜሩባቤሌይኔ ኢዛ ዳቦቲ ኢዛራ ኢሲፌ ጾሳ ኣስ ጊዲዳ ሙሴ ዎጋ ማጻፋን ካሴ ጻፌቲዳ ማላ ጹጌቲዛ ያርሾ ሺሻናስ ኢስራኤሌ ጾሳስ ያርሺዛሶን ያርሾ ያርሻናስ ዳንዳይዳ። ኬሳ 27፡1 3 ዲኤቴꬃፌ ሲሚ ዪዳ ኣሳይ ሄ ቢታን ዲዛ ኣሳ ኤቄቴꬃፌ ዴንዲዳይሳን ባቢኮካ ካሴ ያርሾ ያርሺዛሶዛ ዛሪ ጊግሲዳ፤ ሄሳፌ ጉዬ ማላዶኔ ኦማርስ ኡባ ዎዴ ፓጬይ ባይንዳ ጾሳስ ያርሾ ያርሺዳ። ታይ 28፡1-8 4 ሄሳፌ ጉዬ ዎጋይ ኣዛዚዛ ማላ ዳሴ ባኣሌ ቦንቺዳ። ኢሲ ኢሲ ጋላሳስ ቤሲዛ ያርሾካ ሺሺዳ። ታይ 29፡12-38 5 ቃሴ ኡባ ጋላስ ጹጌቲዛ ያርሾ፥ ኣጊናን ኣጊናን ያርሺዛ ያርሾኔ ጎዳስ ጌሻ ባኣሌታን ያርሼቲዛ ያርሾ ኡባ ያርሺዳ፤ ቃሴካ ኣሳይ ባ ዶሳን ጾሳስ ኢሚዛ ኢሞታ ኡባ ሺሺዳ። ታይ 28፡11—29፡39 6 ላፑንꬆ ኣጊናይ ጌሊዳ ማላ ኮይሮ ጋላሳን ጾሳስ ጹጌቲዛ ያርሾ ሺሾ ዶሚዳ፤ ጊዶ ኣቲን ጾሳ ኬꬃ ኦሶይ ዶሜቲቤና።

7 ሄሳፌ ጉዬ ዴሬይ ሹቻን ኬጺዛይታሲኔ ኣናጼታስ ጪጌቲዛ ሚሽ ኢሚዴስ፤ ቃሴ ሊባኖሴፔ ዚጋ ሚꬅ ቃንጺዲ ዮጴ ኣባ ፒንꬂዲ ዬዳና ማላኔ ካꬅ፥ ኡሺኔ ዎጋራ ዛይቴ ጺሮሴኒኔ ሲዶናን ዲዛ ኣሳታስ ዬዲዳ፤ ሄሲ ኡባይ ፓሪሴ ካዎ ቂሮሲ ፒቃዴ ኢሚዳ ማላ ሃኒዴስ። 8 ዬሩሳላሜን ዲዛ ጾሳ ኬꬃይ ካሴ ዲዛሶ ኣሳይ ጋኪዳፔ ናምኣንꬆ ላይꬃን፥ ናምኣንꬆ ኣጊናን፥ ሳላቲያሌ ና ዜሩባቤሌኔ ኢዮሳዶቄ ና ኢያሶራ ሃራ ኣቲዳ ኢሻቲ ሄይቲካ ቄሴታ፥ ሌዌታኔ ኢስታራ ኢሲፌ ዲኤቴꬃፌ ሃ ዬሩሳላሜ ሲሚ ዪዳ ኣሳይ ኡባይ ኢሲ ቦላ ኦሶ ዶሚዳ፤ 20 ላይꬅ ጋኪዳይቲኔ ሄሳፌ ቦላ ጊዲዳ ሌዌቲ ዉሪ ጾሳ ኬꬃ ኦሶ ኣዋቴꬃን ኦሲሳና ማላ ዶሬቲዳ። 9 ሌዌ ኢያሶ፥ ኢዛ ናይቲኔ ዳቦቲ፥ ቃዲምኤሌይኔ ዩሁዳሄ ዜሬꬃ ባጋ ጊዲዳ ኣቱማ ናይቲ ዉሪ ኢሲፌ ጊጌቲዲ ጾሳ ኬꬃ ናምኣንꬆ ኬጻና ኣዋቴꬅ ኤኪዳ፤ ሄናዳዴ ዜሬꬃፌ ጊዲዳ ሌዌቲኔ ኢስታ ኢሻቲ ኢስታ ማዲዳ።

10 ኦሳንቻቲ ጾሳ ኬꬃ ዮች ዬጊዳ ዎዴ ቄሴቲ ባ ቄሴቴꬃ ማይኦ ማይኢዲኔ ዲንኬ ማላ ዬꬃ ሚሽ ኦይኪዲ ቃሴ ኣሳፌ ዜሬꬃፌ ጊዲዳ ሌዌቲ ዳላ ኦይኪዲ ኢስራኤሌ ካዎ ዳዊቴ ዎዴሶፔ ዎጋ ጊዲዲ ዪዳ ማላ ጾስ ዚሬን ኤቂዲ ጋላቲዳ። 1ታሪ 25፡1 11 ኣሳይካ ዉሪ፥