1 ባቢሎኔ ካዎ ናቡካዳናጾሬይ ባቢሎኔ ዴሬ ዲኢ ኤፊዳይታፔ ዩሁዳኔ ዬሩሳላሜ ካታማታ ሲሚዳ ኣሳቲ ሃይሳፌ ካሊ ዲዛይታ፤ 2 ዲኤቴꬃፌ ሲሚ ዪዳ ኣሳታስ ዳና ጊዲ ዪዳይቲ ዜሩባቤሌ ኢያሶ፥ ናሂሚያ፥ ሳራያ፥ ማርዲኪዮሳ፥ ባልሻኔ፥ ሚሲፋሬ፥ ቢጉዋዬ፥ ኤሬሁሜኔ ባኣና ጌቴቲዛይታ። ባ ዴሬ ሲሚዳ ኢስራኤሌ ኣሳ ቆዳይ ሃይሳፌ ካሊ ዲዛይሳ፤

3 ፓሮሴ ዜሬꬃቲ 2,172፥ 4 ሻፋጺያ ዜሬꬃቲ 372፥ 5 ኣራሄ ዜሬꬃቲ 775፥ 6 ኢያሶፔኔ ኢዮኣቤ ናይታፔ ፓሃቴ-ሞኣቤ ዜሬꬃቲ 2,812፥ 7 ኤላሜ ዜሬꬃቲ 1,254፥ 8 ዛቶ ዜሬꬃቲ 945፥ 9 ዛካዬ ዜሬꬃቲ 760፥ 10 ባኔ ዜሬꬃቲ 642፥ 11 ቤባዬ ዜሬꬃቲ 623፥ 12 ኣዝጋዴ ዜሬꬃቲ 1,222፥ 13 ኣዶንቃሜ ዜሬꬃቲ 666፥ 14 ቢጉዋዬ ዜሬꬃቲ 2,056፥ 15 ኣዲኔ ዜሬꬃቲ 454፥ 16 ሂዝቂያሳ ና ኣጻሬ ዜሬꬃቲ 98፥ 17 ቤሳዬ ዜሬꬃቲ 323፥ 18 ዮራ ዜሬꬃቲ 112፥ 19 ሃሹሜ ዜሬꬃቲ 223፥ 20 ጋቤሬ ዜሬꬃቲ 95፥

21 ዲኤቴꬃፌ ሲሚዳ ኣሳታ ጊዶፌ ካሴ ኢስታ ኣዋቲ ዲዛ ካታማቲኔ ሄ ካታማታን ዲዛ ኣሳ ቆዳይ ሃይሳፌ ካሊ ዲዛይሳ፤ ቤቴሊሄሜ ካታማ ኣሳቲ 123፥ 22 ናጾፌ ካታማ ኣሳቲ 56፥ 23 ኣናቶቴ ካታማ ኣሳቲ 128፥ 24 ኣዚሞቴ ካታማ ኣሳቲ 42፥ 25 ቂሪያቴ-ዪኣሪሜ፥ ካፊሬኔ ቢኤሮቴ ኣሳቲ 743፥ 26 ኤራማኔ ጌባ ኣሳቲ 621፥ 27 ማኪማሴ ካታማ ኣሳቲ 122፥ 28 ቤቴሌኔ ኣዬ ካታማ ኣሳቲ 223፥ 29 ኔቦ ካታማ ኣሳቲ 52፥ 30 ሜጌቢሴ ካታማ ኣሳቲ 156፥ 31 ሃራ ኤላሜ ካታማ ኣሳቲ 1,254፥ 32 ሃሪሜ ካታማ ኣሳቲ 320፥ 33 ሎዳ፥ ሃዲዴኔ ኦኖ ካታማ ኣሳቲ 725፥ 34 ኢያርኮ ካታማ ኣሳቲ 345፥ 35 ሳናኣ ካታማ ኣሳቲ 3,630፥

36 ዲኤቴꬃፌ ሲሚዳ ቄሴ ዜሬꬃቲ ሃይሳፌ ካሊ ዲዛይታ፤ ኢያሶ ዜሬꬃታፔ ያዳያ ዜሬꬃቲ 973፥ 37 ኢሜሬ ዜሬꬃቲ 1,052፥ 38 ፓሽኩሬ ዜሬꬃቲ 1,247፥ 39 ሃሪሜ ዜሬꬃቲ 1,017፥

40 ዲኤቴꬃፌ ሲሚዳ ሌዌ ዛሬቲ ሃይሳፌ ካሊ ዲዛይታ፤ ሆዳዬፔ ጊዲዳ ኢያሶኔ ቃዲምኤሌ ዜሬꬃቲ 74፥ 41 ጾሳ ኬꬃን ዬጺዛ ኣሳፌ ዜሬꬃቲ 128፥ 42 ጾሳ ኬꬃ ናጊዛ ጻልሞኔ፥ ኣጻሬ፥ ሻሎሜ፥ ኣቁቤ፥ ሃጺጼኔ ሾባዬ ዜሬꬃቲ 139፥

43 ዲኤቴꬃፌ ሲሚዲ ጾሳ ኬꬃ ኦሶስ ዶሬቲዳ ቆሞቲ ሃይሳፌ ካሊ ዲዛይታ፤ ጺሃ፥ ሃሱጳኔ ጻባኦቴ ዜሬꬃታ፥ 44 ቂሮሴ፥ ሲኣሃኔ ፓዶኔ ዜሬꬃታ፥ 45 ሌባና፥ ሃጋቤኔ ኣቁቤ ዜሬꬃታ፥ 46 ሃጋቤ፥ ሻሚላዬኔ ሃናኔ ዜሬꬃታ፥ 47 ጊዴሌ፥ ጋሃሬኔ ኤራኣዬ ዜሬꬃታ፥ 48 ኤራሶኔ፥ ኔቆዳኔ ጋዛሜ ዜሬꬃታ፥ 49 ኦዛ፥ ፋሳሄኔ ቤሳዬ ዜሬꬃታ፥ 50 ኣሴኔ፥ ማኡኔኔ ኔፍሲሜ ዜሬꬃታ፥ 51 ባቂቡቄ፥ ሃቁፋኔ ሃሪሁሬ ዜሬꬃታ፥ 52 ባጺሎታ፥ ማሂዳኔ ሃርሻ ዜሬꬃታ፥ 53 ባርቆሳ፥ ሲሳራኔ ቴማሄ ዜሬꬃታ፥ 54 ኔጺሃኔ ሃጺፋ ዜሬꬃታ።

55 ዲኤቴꬃፌ ሲሚዳ ሶሎሞኔ ኣይሌታ ዜሬꬃፌ፥ ሶጻዬ፥ ሶፌሬቴ፥ ፋሩዳ፤ 56 ያኢላ፥ ዳርቆኔ፥ ጊዴሌ፥ 57 ሻፋጺያ፥ ሃጺላ፥ ፖኬሬቴ-ሃጼባሜኔ ኣሚ ጌቴቲዛይታ።

58 ጾሳ ኬꬃ ኦሳንቻታ ባጋቲኔ ሶሎሞኔ ኦሳንቻታ ዜሬꬃ ቆዳይ ኢሲ ቦላ 392። 59 ሃይሳፌ ካሊ ዲዛይቲ ቴሊ-ሜላ፥ ቴሊ-ሃርሻ፥ ኪሩቤ፥ ኣዳና፥ ኢሜሬ ጌቴቲ ጼይጌቲዛ ካታማታፔ ዬሩሳላሜ ሲሚዳይታ፤ ጊዶ ኣቲን ኢስታ ጊዲን ዎይኮ ኢስታ ኣዋቲ ኢስራኤሌ ዜሬꬅ ጊዲዳይሳ ሻኪ ኤሪሳናስ ዳንዳይቤቴና። 60 ሃ ኣሳቲ ዳላያ፥ ጾቢያኔ ኔቆዳ ቆሞታ ጊዶን ጉጄቴቴስ፤ ኢስታ ቆዳይካ 652፤

61-62 ሃባዬይ፥ ሃቆጼይኔ ባርዚሌይ ቄሴታ ዜሬꬃታ፤ ጊዶ ኣቲን ካሴ ኢስታ ኣዋቲ ኦና ጊዲዳኮኔ ኢስቲ ኤሮንታ ኣጊዳ ጊሻስ ቄሴቴꬃ ኦሶ ኦꬆንታ ማላ ዲጌቲዳ። *ባርዚሌይ ጋላኣዴ ዴሬፔ ባርዚሌ ጌቴቲዛይሳ ናይታፔ ማቾ ኤኪዳ ጊሻስ ሄሳን ጼይጌቲዴስ። 63 ዴሬ ኣይሲዛይሲ ኡሪሜኒኔ ቱሚሜ ጌቴቲዛ ጾሳ ሼኔ ኦይቺዛ ቄሴይ ዴንዳና ጋካናስ ጾሳስ ዱማቲዳ ካꬃፌ ኢስቲ ሞንታ ማላ ኣዛዚዴስ። ታይ 29፡12-38

64 ሄሳ ማላን ዲኤቴꬃፌ ሲሚዳ ኣሳታ ታይቦይ ኢሲ ቦላ 42,360። 65 ኢስታ ማጫሳታኔ ኣቱማ ኦሳንቻታ ታይቦይ ኢሲ ቦላ 7,337፤ ቃሴካ ዬꬃ ዬጺዛ ማጫሳቲኔ ኣቱማሳቲ ኢሲ ቦላ 200። 66 ኢስታስ 736 ፓራቲኔ 245 ባቁሎቲ፥ 67 ኦይዱ ጼታኔ ሄꬑ ታማኔ ኢቻሹ ጋሜላቲኔ 6,720 ሃሬቲ ኢስታስ ዴቴስ።

68 ሃ ዲኤቲዳ ኣሳቲ ሲሚዲ ዬሩሳላሜን ዲዛ ጾሳ ኬꬅ ጋኪዳ ዎዴ ኢሲ ኢሲ ዛርኬ ኮራፒኔቲ ጾሳ ኬꬂ ካሴ ባ ዲዛሶን ኬጼታና ማላ ባ ሼኔን ሙጹዋታ ኢሚዳ። 69 ኢስቲ ባስ ዳንዳዬቲዛ ማላ ጾሳ ኬꬃ ኦሶስ ኬሴቲ ኢሚዳ ኢሞታይ ኢሲ ቦላ 500 ኪሎ ዎርቃ፥ 2,786 ኪሎ ቢራ፥ ቄሴታስ ቤሲዛ ማይኦ 100 ኢሚዳ።

70 ቄሴቲ፥ ሌዌቲ፥ ዬꬃ ዬጺዛይቲ፥ ጾሳ ኬꬅ ናጊዛይቲኔ ጾሳ ኬꬃ ኦሳንቻቲ ባ ማታን ዲዛ ካታማን ኡቲዳ፤ ቃሴ ኣቲዳ ኢስራኤሌ ኣሳቲ ካሴ ኢስታ ኣዋቲ ኢዛን ዴኢዛ ካታማን ኡቲዳ። 1ታሪ 9፡2፤ ናሂ 11፡3