1 ኣዳሜ ዜሬꬂ ሃይሳፌ ካሊዲ ጻፌቲዴስ፤ ጾሲ ኣስ ሜꬊዳ ጋላስ ባና ሚሳቲሲዲ ሜꬊዴስ።ሜꬌ 1፡27-28 2 ኣዴኔ ማጫስ ኦꬂ ሜꬊዲ ኢስታ ኣንጂዴስ። ኢስታ ሜꬊዲ ኣስ ጊ ሱንꬂዴስ።ማቶ 19፡4፤ ማር 10፡6

3 ኣዳሜይ 130 ላይꬅ ዴኢዲ ባና ሚሳቲዛ ኣቱማ ና ዬሊዲ ኢዛ፥ «ሴቴ» ጊ ሱንꬂዴስ። 4 ኣዳሜይ ሴቴ ዬሊዳፔ ጉዬ 800 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 5 ኣዳሜይ ሙሌራ 930 ላይꬅ ዴኢዲ ሃይቂዴስ።

6 ሴቴይ 105 ላይꬅ ዴኢዲ ሄኖሴ ዬሊዴስ፤ 7 ሴቴይ ሄኖሴ ዬሊዳፔ ጉዬ 807 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 8 ሴቴይ ሙሌራ 912 ላይꬅ ዴኢዲ ሃይቂዴስ።

9 ሄኖሴይ 90 ላይꬅ ዴኢዲ ቃይናኔ ዬሊዴስ፤ 10 ሄኖሴይ ቃይናኔ ዬሊዳፔ ጉዬ 815 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 11 ሄኖሴይ ሙሌራ 905 ላይꬅ ዴኢዲ ሃይቂዴስ።

12 ቃይናኔይ 70 ላይꬅ ዴኢዲ ማላልኤሌ ዬሊዴስ፤ 13 ቃይናኔይ ማላልኤሌ ዬሊዳፔ ጉዬ 840 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 14 ቃይናኔይ ሙሌራ 910 ላይꬅ ዴኢዲ ሃይቂዴስ።

15 ማላልኤሌይ 65 ላይꬅ ዴኢዲ ያሬዴ ዬሊዴስ፤ 16 ማላልኤሌይ ያሬዴ ዬሊዳፔ ጉዬ 830 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 17 ማላልኤሌይ ሙሌራ 895 ላይꬅ ዴኢዲ ሃይቂዴስ።

18 ያሬዴይ 162 ላይꬅ ዴኢዲ ሄኖኬ ዬሊዴስ፤ 19 ያሬዴይ ሄኖኬ ዬሊዳፔ ጉዬ 800 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 20 ያሬዴይ ሙሌራ 962 ላይꬅ ዴኢዲ ሃይቂዴስ።

21 ሄኖኬይ 65 ላይꬅ ዴኢዲ ማቱሳላ ዬሊዴስ፤ 22 ማቱሳላ ዬሊዳፔ ጉዬ ሄኖኬይ 300 ላይꬅ ጾሳ ኡፋይሲሼ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 23 ሄኖኬይ ሙሌራ 365 ላይꬅ ዴኢዴስ፤ 24 ኢዚ ጾሳ ኡፋይሲሼ ዲን ጾሲ ኢዛ ኤኪዳ ጊሻስ ቤቶንታ ꬋይዴስ።ኢብ 11፡5፤ ዩሁ 14

25 ማቱሳላይ 187 ላይꬅ ዴኢዲ ላሜኬ ዬሊዴስ፤ 26 ማቱሳላይ ላሜኬ ዬሊዳፔ ጉዬ፥ 782 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 27 ማቱሳላይ ሙሌራ 969 ላይꬅ ዴኢዲ ሃይቂዴስ።

28 ላሜኬይ 182 ላይꬅ ዴኢዲ ኣቱማ ና ዬሊዲ፥ 29 «ሃ ናዚ ጎዳይ ቃንጊዳ ቢታ ቦላን ኑና ኑ ዳቡራፔ ሼምፒሳና» ጊዲ ኖሄ ጊ ሱንꬂዴስ።*ኖሄ ጉሲ ኢብራዌታ ቃላራ ሼምፖ ጉሳ። 30 ላሜኬይ ኖሄ ዬሊዳፔ ጉዬ 595 ላይꬅ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። 31 ላሜኬይ ሙሌራ 777 ላይꬅ ዴኢዲ ሃይቂዴስ።

32 ኖሄይ 500 ላይꬅ ዴኢዲ ሴሜ፥ ካሜኔ ያፌቴ ዬሊዴስ።