1 ኣዳሜይ ባ ማቾ ሄዋኒራ ኣቂን ኢዛ ሻራዳ ኣቱማ ና ዬላዱስ፤ «ጎዳይ ታና ማዲን ኣቱማ ና ዴማዲስ» ጋሼ ኢዛ ቃዬሌ ጋ ሱንꬃዱስ። 2 ቃሴ ኢዛ ኢሻ ኣቤሌካ ዬላዱስ። *ቃዬሌ፡ ቃዬሌ ጉሲ ኢብራዌታ ቃላን፥ «ቃዪን» ጌቴቴስ። ቢርሼꬃይካ፥ «ዴማዲስ» ጉሳ።

ኣቤሊ ዶርሳ ሄንꬃንቻ፤ ቃዬሌይ ቢታ ጎሻንቻ። 3 ኡንዴና ዎዴፔ ጉዬ ቃዬሌይ ባ ጋዴን ሞኪዳ ካꬃፌ ጎዳስ ያርሾ ሺሺዴስ። 4 ጊዶ ኣቲን ኣቤሊ ባ ዶርሳታ ጊዶን ኮይሮ ዬሌቲዳ ላቃታፔ ኢሳ ኤኪ ሹኪዲ ኣሾዛፔ ሃንዳዛ ያርሺዴስ፤ ጎዳይ ኣቤሌኔ ኢዛ ያርሾዛ ኤኪዴስ። 5 ቃዬሌኔ ኢዛ ያርሾ ኤኪቤና፤ ሄሳ ጊሻስ ቃዬሌይ ኬሂ ዪሎቲዴስ፤ ባ ኣይፌሶካ ኢሲዴስ።

6 ሂስቲን ጎዳይ ቃዬሌ፥ «ኣይስ ዪሎታይ? ኔ ኣይፌሶይ ኣይስ ꬉሚዴ? 7 ኔ ሎኦ ኦꬂዳ ጊዲዳኮ ጾሲ ኔ ያርሾ ኤኬኔሺን? ኔኒ ሎኦ ኦꬆንታ ኢጺኮ ናጋራይ ኔ ካሬን ኔና ናጌስ፤ ናጋራይ ኔና ሃራና ኮዬስ፤ ኔኒ ኢዛ ጾናና ቤሴስ» ጊዴስ።

8 ሄሳፌ ጉዬ ቃዬሌይ ባ ኢሻ ኣቤሌ፥ «ኣኔ ጌዴ ዴምባሶ ቦስ» ጊዴስ። ቢዲ ኢስቲ ዴምባን ዲሺን ቃዬሌይ ባ ኢሻ ኣቤሌ ቦላ ዴንዲዲ ዎꬊዴስ።ማቶ 23፡35፤ ሉቃ 11፡51፤ 1ዮሃ 3፡12፤ 4፡10፤ ኢብ 12፡24

9 ጎዳይ ቃዬሌ፥ «ኔ ኢሻይ ኣቤሊ ኣዋን ዲዜ?» ጊ ኦይቺዴስ።

ቃዬሌይ ዛሪዲ፥ «ታ ኤሪኬ፤ ታ ኢሻ ናጊዛይ ታኔዬ?» ጊዴስ።

10 ጎዳይ ቃዬሌ፥ «ሄሳ ኣይስ ኦꬃዲ? ቤያ፤ ኔ ኢሻ ሱꬂ ቢታፌ ፑዴ ታኮ ዋሴስ። 11 ኔ ኩሼፔ ኔ ኢሻ ሱꬃ ኤኪዲ ሚታናስ ዶና ዶይዳ ቢታ ቦላ ሃኢ ኔኒ ቃንጌታዳሳ። 12 ኔኒ ኦꬂንካ ቢታይ ኔስ ካꬅ ኢሜና፤ ቤቴ ኣሳ ማላ ኔኒ ቢታ ቦላን ቶይላታና» ጊዴስ።

13 ቃዬሌይ ጎዳ፥ «ኔ ታና ቃጻዪዛ ቂጻቴ ታኒ ሙሌካ ዳንዳይኬ። 14 ሄኮ ኔኒ ታና ሃች ሃ ቢታፌ ዬዴꬃሳ፤ ታኒ ኔ ሲንꬃፌ ቆቴታና፤ ቤቴ ኣሳ ማላ ታኒ ቢታ ቦላ ቶይላታና፤ ታና ዴሚዳይ ኦኒካ ዎꬋና» ጊዴስ።

15 ጎዳይ ኢዛ፥ «ኔና ኦኒካ ዎꬌና፤ ዎꬊኮ ኔ ሃሎ ታኒ ላፑን ኩሼ ኬሳና» ጊዴስ፤ ሄሳ ጊሻስ ዴሚዳይ ኦኒካ ኢዛ ዎꬎንታ ማላ ጎዳይ ኢዛ ቦላ ማላታ ዎꬂዴስ። 16 ቃዬሌይ ጎዳ ሲንꬃፌ ኬዚዲ ኤዴኔ ባጋፌ ኣርሼይ ሞኪዛ ባጋራ ዲዛ ኖዴ †ኖዴ፡ ኖዴ ጉሲ ቶይላቴꬅ ጉሳ። ጌቴቲዛ ቢታን ዴኢዴስ።

17 ቃዬሌይ ባ ማቼይራ ኣቂን ኢዛ ሻራዳ ሄኖኬ ዬላዱስ፤ ሄ ዎዴ ቃዬሌይ ካታማ ጊግሲዲ ሄ ካታማ ባ ናዛ ሱንꬃን፥ «ሄኖኬ» ጊ ሱንꬂዴስ። 18 ሄኖኬይ ኢራዴ ዬሊዴስ፤ ኢራዴይ ማሁያኤሌ ዬሊዴስ፤ ማሁያኤሌይ ማቱሳኤሌ ዬሊዴስ፤ ማቱሳኤሌይ ላሜኬ ዬሊዴስ።

19 ላሜኬይ ኣዶኔ ጺሎ ጌቴቲዛ ናምኡ ማቼታ ዳዉꬅ ኤኪዴስ። 20 ኣዳይ ያባሌ ዬላዱስ፤ ያባሌይ ሜሄ ሃሪሼ ዩዪ ዩዪ ዱንካኔን ዲዛ ኣሳታ ኣዋ። 21 ኢዛ ኢሻ ሱንꬂ ዩባሌ፤ ዩባሌይ ቃሴ ዲꬅ ዲጺዛኔ ሱሱልኤ ፑኒዛ ኣሳታ ኡባታ ኣዋ፤ 22 ጺላይ ቃሴ ቱባሊቃይኔ ጌቴቲዛ ና ዬላዱስ፤ ቱባሊቃይኔይ ጻርቂማላፔኔ ቢራታፔ ዱማ ዱማ ሚሻታ ቆጺዛዴ። ቱባሊቃይኔ ሚቼያ ናኢሞ ጌቴታዉስ።

23 ኢሲ ጋላስ ላሜኬይ ባ ማቼታ፥ «ታ ማቼቶ ኣዴ፥ ጺሌ ሲዪቴ! ኣኔ ታኒ ዮቲዛይሳ ኤዝጊቴ። ኢሲ ኣሲ ታና ዋꬊ ማዱንꬂዳ ጊሻስ ታኒ ኢዛ ዎꬋዲስ፤ ኤ፥ ታኒ ሄ ታና ማዱንጺሲዳ ዎዳላዛ ዎꬋዲስ። 24 ቃዬሌ ሃሎ ኬሳናስ ላፑን ኩሼ ኮሺኮ ላሜኬ ሃሎ ኬሳናስ ላፑን ታማኔ ላፑን ኩሼ ኮሼስ» ጊዴስ። ማቶ 18፡22

25 ኣዳሜይ ባ ማቼይራ ኣቂን ሃራ ና ዬላዱስ። ዬላዳ፥ «ቃዬሌይ ዎꬊዳ ኣቤሌ ጊሻስ ጾሲ ታስ ሃራ ና ኢሚዴስ» ጋሼ ኢዛ ሴቴ ‡ሴቴ፡ ሴቴ ጉሲ ኢብራዌታ ቃላራ ኢሚዴስ ጉሳ ጋዳ ሱንꬃዱስ። 26 ሴቴይካ ኣቱማ ና ዬሊዲ ኢዛ፥ «ሄኖሴ» ጊ ሱንꬂዴስ። ኣሳይ ሄ ዎዴ ጎዳ ሱንꬅ ጼይጊዲ ጎይኖ ኦይኪዴስ።