1 ሾሻይ ጎዳ ጾሳይ ሜꬊዳ ዶኣ ኡባፌ ኣꬊዳ ጌናንቻ፤ ኢሲ ጋላስ ሾሻይ ሄ ማጫሳዮ፥ «ጾሲ ቱሙ ኢንቴና፥ ‹ኤዴኔን ዲዛ ሚꬃ ኣይፌ ኡባፌካ ሞፒቴ› ጊዴ?» ጊ ኦይቺዴስ። ኣጁ 12፡9፤ 20፡2

2-3 ማጫሳያ ሾሻስ ዛራዳ፥ «ጊዴና! ጾሲ ሄሳꬆ ጊቤና፤ ኑኒ ኤዴኔን ዲዛ ሚꬃታ ኣይፌ ማናስ ዳንዳዮስ፤ ጊዶ ኣቲን ጾሲ ኑና፥ ‹ኤዴኔ ጊዶን ዲዛ ሚꬃ ኣይፌ ሞፒቴ፤ ቦቾፍቴ፤ ሂስቶንታ ኣጊኮ ኢንቴ ሃይቃና› ጊዴስ» ጋዱስ።

4 ሾሻይ ማጫሳዮ፥ «ጊዴና! ኢንቴ ቱማ ሃይቄኬታ፤ 5 ጾሲ ሄሳ ጊዳይ ሄ ሚꬃይ ኣይፌ ኢንቴ ሚኮ ኢንቴ ኣይፌይ ዶዬቲን፥ ጾሳ ማላ ኢንቴ ሎኦኔ ኢታ ሻኪ ኤራናይሳ ኢዚ ኤሪዛ ጊሻሳ» ጊዴስ።

6 ማጫሳያ ሄ ሚꬃ ኣይፌይ ማናስ ማልኢዛይሳ፥ ጼላናስ ሎኢዛይሳ፥ ቃሴ ኣሲ ኣꬎ ኤራቴꬅ ዴማናስ ኣሞሲዛዝ ጊዲዳይሳ ቤያዳ ሄ ሚꬃ ኣይፌፔ ኤካዳ ማዱስ፤ ቃሴ ባናራ ዲዛ ባ ኣዚናስካ ሄሳፌ ኢሚን ኢዚካ ሚዴስ።

7 ሚዳ ዎዴ ኢስታ ናምኣ ኣይፌይካ ዶዬቲን ኢስቲ ፓጻ ካሎ ዲዛይሳ ኤሪዲ ባላሴ *ባላሴ ጌቴቲዛ ሚꬃይ ቶጵያን ኢሲ ኢሲ ሶሆን ኤሬቲዛ ማላ ኤꬅ ሚሳቲዛ ኢዛስ ሃይꬃይ ኣጉንꬂ ባይንዳዝ ጊዲ ኡቲዲ ኢዛስ ኣይፌዚ ማልኢዛ ሚꬃ። ጌቴቲዛ ሚꬃ ሃይꬅ ሲኪዲ ባ ጼሳን ጊጺዳ።

8 ኦማርሳ ዎዴ፥ ኤዴኔ ጊዶን ጎዳ ጾሳይ ሄሜቲሺን፥ ኢዛ ጬንጉርሳ ኣዴዚኔ ኢዛ ማቼያ ሲዪዲ ጎዳ ጾሳፌ ኤዴኔ ሚꬃ ጊዶን ቆቴቲዳ። 9 ጊዶ ኣቲን ጎዳ ጾሳይ ኣዴዛ ጼይጊዲ፥ «ኣዳሜ ኣዋን ዳይ?» ጊዴስ።

10 ኣዴዚካ፥ «ኤዴኔ ጊዶን ኔ ጬንጉርሳ ሲያዳ ታኒ ካሎ ዲዛ ጊሻስ ባባዳ ቆቴታዲስ» ጊዴስ።

11 ጎዳ ጾሳይ ኢዛ፥ «ኔኒ ካሎ ዳሳ ጊዲ ኔስ ዮቲዳይ ኦኔ? ታኒ ኔና፥ ‹ሞፓ› ጋዳ ኣዛዚዳ ሚꬃ ኣይፌፔ ማዲ?» ጊ ኦይቺዴስ።

12 ኢዚካ፥ «ታናራ ዳና ማላ ኔ ኢሚዳ ማጫሳያ ሄ ሚꬃ ኣይፌፔ ታስ ኢሚን ማዲስ» ጊዴስ።

13 ጎዳ ጾሳይ ሄሳፌ ጉዬ ማጫሳዮ፥ «ኔኒ ሄሳ ኣይስ ኦꬃዲ?» ጊ ኦይቺዴስ።

ማጫሳያካ፥ «ታና ሾሻይ ባሌꬂን ማዲስ» ጋዱስ። 2ቆሮ 11፡3፤ 1ጺም 2፡14

14 ጎዳ ጾሳይ ሄሳፌ ጉዬ ሾሻ፥

16 ማጫሳዮካ ጎዳ ጾሳይ፥

17 ኣዳሜካ ጎዳ ጾሳይ፥ «ኔኒ ኔ ማቼይ ቃላ ሲዪዳ ጊሻስ ታኒ ኔና፥ ‹ሄ ሚꬃ ኣይፌ ሞፓ› ጋዳ ኣዛዚዳ ሚꬃ ኣይፌፔ ኔኒ ሚዳ ጊሻስ፥

20 ኣዳሜይ ባ ማቺዮ ሄዋኖ ‡ሄዋኖ፡ ሄዋኖ ጉሲ ፓጻ ዱስ ጉሳ። ጊ ሱንꬂዴስ፤ ኣይስ ጊኮ ኢዛ ኣሳ ኡባስ ኣዮ።

21 ጎዳ ጾሳይ ኣዳሜሲኔ ኢዛ ማቼይስ ኢቴ ጊግሲዲ ኢስታ ማይዚዴስ።

22 ሄሳፌ ጉዬ ጎዳ ጾሳይ፥ «ሂስቲን ኣሲ ኑፔ ኢሳዴ ማላ ሎኦኔ ኢታ ኤሪዛዴ ጊዲዴስ፤ ኢዚ ባ ኩሼ ዬዲዲ ዴኦ ኢሚዛ ሚꬃፌ ኤኪዲ ቃሴ ሞንታ ማላኔ ሜርናስ ፓጻ ዴኦንታ ማላ ቴቄታናስ ኮሼስ» ጊዴስ። ኣጁ 22፡14 23 ሄሳ ጊሻስ ኢዚ ባ ሜꬌቲዳ ቢታ ኦꬃና ማላ፥ ጎዳ ጾሳይ ኤዴኔፔ ኢዛ ኬሲዴስ። 24 ኢዛ ኬሲዲ፥ ዴኦ ሚꬃኮ ኤፊዛ ኦጌ ናጋና ማላ፥ ኪሩቤ ጌቴቲዛ ኪታንቻታኔ ፖፖልኡ ጊ ኣꬊ ኣꬊ ዎꬊዛ ታማ ላጮ ሚሳቲዛ ጊꬃ ማሻ ኤዴኔፔ ኣርሼይ ሞኪዛ ባጋራ ዎꬂዴስ።