1 ኖሄ ናይታ፥ ሴሜ፥ ካሜኔ ያፌቴ ዬሌታይ ሃይሳፌ ካሊ ጻፌቲዳይሳ፤ ꬋይሳ ሃꬃፌ ጉዬ ኢስታስ ኣቱማ ናይቲ ዬሌቲዳ።

2 ያፌቴ ኣቱማ ናይቲ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ 3 ጎሜሬ ኣቱማ ናይቲ ኣሽኬናዜ፥ ኢራፋቴኔ ቶጋርማ። 4 ያዋኔ ኣቱማ ናይቲ ኤሊሼ፥ ታርሴሴ፥ ኪቲሜኔ ኤሮዴ። *ታርሴሴ ጌቴቲዛራ ሃኢ ዎዴ ኢስፔኔ ጌቴታዉስ፤ ኪቲሜ ጌቴቲዛራ ሃኢ ዎዴ ቆጲሮሴ ጌቴታዉስ፤ ኤሮዴ ጌቴቲዛራ ሃኢ ዎዴ ኤሮዴ ጌቴቲዛ ሃሩሮታ ዴሬኮ 5 ሃይታንታፌ ኣባ ዶናን ዲዛ ኣሳይ ዉሪ ባ ቢታን ቢታን፥ ባ ቃላን ቃላን፥ ባ ቆሞን ቆሞኒኔ ባ ካዎቴꬃን ካዎቴꬃን ሻኬቲዴስ።

6 ካሜ ኣቱማ ናይቲ ኩሼ፥ ጊብጼ፥ ፑጼኔ ካናኔ። †ፑጼ ጌቴቲዛራ ሃኢ ዎዴ ሊቢያ ጌቴታዉስ

7 ኩሼ ኣቱማ ናይቲ ሴባ፥ ሃዊላ፥ ሳቢቴ፥ ኤራኢሜኔ ሳቢቴካ።

ኤራኢሜ ኣቱማ ናይቲ ሳባኔ ዳዳኔ።

8 ኩሼይ ናሙሩዴ ዬሊዴስ፤ ናሙሩዴይ ቢታ ቦላን ኮይሮ ዎልቃማ ኦላንቻ ጊዲዴስ፤ 9 ጎዳ ሲንꬃንካ ኢዚ ዎልቃማ ሻንካንቻ ጊዲዴስ፤ ሄሳ ጊሻስ፥ «ናሙሩዴ ማላ ጎዳ ሲንꬃን ዎልቃማ ሻንካንቻ ጊዳ» ጌቴቴስ። 10 ኢዛ ካዎቴꬃን ኮይሮ ካታማቲ ሳናኦሬ ቢታን ዲዛ ባቢሎኔ፥ ኤሬኬ፥ ኣካዴኔ ካላናሄ። 11-12 ኢዚ ሄ ቢታፌ ኣሶሬ ቢዲ ናናዌ፥ ኤራሆቦቴኔ ካላሄ ካታማታ ኦꬂዴስ፤ ቃሴ ናናዌፔኔ ካላሄፔ ጊዶን ዲዛ ኤሬሴኔ ጌቴቲዛ ጊታ ካታማካ ኦꬂዴስ።

13-14 ጊብጼይ ሉዲሜታ፥ ኣናሜታ፥ ላሃቤታ፥ ናፍቱሄታ፥ ጳጺሮሴታ፥ ካሲሉሄታኔ ፊሊስጼሜታ ዬሊዳ ካፍቶሬታ ኣዋ። 15-16 ካናኔይ ባ ባይራ ናዛ ሲዶና፥ ኬጼታ፥ ያቡሴታ፥ ኣሞሬታ፥ ጌርጌሴታ ኣዋ፤ 17 ቃሴካ ሂዌታ፥ ኣርቄታ፥ ሲኔታ፥ 18 ኣርዋዴታ፥ ጻማሬታኔ ሃማቴታ ኣዋ። ሄሳፌ ጉዬ ካናኔ ዜሬꬃቲ ቢታ ቦላ ላሌቲዳ።

19 ካናኔ ቢታ ዛዋይ ሲዶናፔ ዶሚዲ ጌራሬኔ ጋዛራ ካንꬂዲ፥ ሶዶሜኔ ጋሞራ፥ ኣዳማኔ ጻቦይሜ ካንꬂ ቢዲ ላሻኤሬ ጋኬስ። 20 ካሜ ኣቱማ ናይቲ ባ ቆሞን ቆሞን፥ ባ ቃላን ቃላን፥ ባ ቢታን ቢታኒኔ ባ ካዎቴꬃን ካዎቴꬃን ጻፌቲዳይቲ ሃይታንታ።

21 ሴሜስ ናይቲ ዬሌቲዳ፤ ኢዚ ያፌቴስ ባይራ ኢሻኔ ኤቦሬ ናይታ ኡባስ ማይዛ። 22 ሴሜ ኣቱማ ናይቲ ኤላሜ፥ ኣሶሬ፥ ኣርፋኪሲዴ፥ ሉዴኔ ኣራሜ።

23 ኣራሜ ኣቱማ ናይቲ ኡጼ፥ ሁሌ፥ ጌቴሬኔ ሜሼ።

24 ኣርፋኪሲዴይ ሼላሄ ዬሊዴስ። ሼላሄይ ኤቦሬ ዬሊዴስ።

25 ኤቦሬስ ናምኡ ኣቱማ ናይቲ ዬሌቲዳ፤ ቢታን ዲዛ ኣሳይ ኢዛ ዎዴን ሻኬቲዳ ጊሻስ ኢሳ ሱንꬂ ፔሌጌ ‡ፔሌጌ ጉሲ ኢብራዌታ ቃላራ ሻኬቴꬅ ጉሳ ጌቴቲዴስ፤ ኢዛ ኢሻዛ ሱንꬂ ዮቂጻኔ ጌቴቴስ።

26 ዮቂጻኔይ ናይታ ዬሊዴስ፤ ኢስቲካ ኣልሞዳዴ፥ ሼሌፌ፥ ሃጻርማዌቴ፥ ዬራሄ፥ 27 ሃዶራሜ፥ ኡዛሌ፥ ዲቂሌ፥ 28 ኦባሌ፥ ኣቢማኤሌ፥ ሳባ፥ 29 ኦፊሬ፥ ሃዊላኔ ዮባቤ፤ ሃይታንቲ ዉሪካ ዮቂጻኔ ኣቱማ ናይታ።

30 ኢስቲ ዴኢዳ ቢታይ ኣርሼይ ሞኪዛ ባጋራ ዲዛ ዙማ ሜሼፔ ቢዲ ሳፋሬ ጋኬስ። 31 ሴሜ ኣቱማ ናይቲ ባ ቆሞን ቆሞን፥ ባ ቃላን ቃላን፥ ባ ቢታን ቢታኒኔ ባ ካዎቴꬃን ካዎቴꬃን ጻፌቲዳይቲ ሃይታንታ።

32 ሃይታንቲ ባ ቆሞን ቆሞኒኔ ባ ካዎቴꬃን ካዎቴꬃን ጻፌቲዳ ኖሄ ኣቱማ ናይታ ዜሬꬃታ፤ ꬋይሳ ሃꬃፌ ሲሚን ካዎቴꬃቲ ሃይታንታፌ ቢታ ኡባ ቦላ ላሌቲዳ።