1 ኣብራሜ ላይꬂ ኡዱፉን ታማኔ ኡዱፉን ጊዲሺን ጎዳይ ኢዛስ ቆንጪዲ፥ «ታኒ ኡባ ዳንዳይዛ ጾሳ፤ ኔ ታ ሲንꬃን ሱሬ ሄሜታ። 2 ታኒ ታፔኔ ኔፔ ጊዶን ዲዛ ጫቆ ቃላ ሚንꬃና፤ ታኒ ኔ ዜሬꬃ ኬሃ ዳርሳና!» ጊዴስ። 3 ኣብራሜይ ቢታን ዱጌ ጉፋኒዲ ሁኤይ ቢታ ቦቺን ኢዚ ጾሳስ ዚጊን ጾሲ ኢዛስ፥ 4 «ሃኢ ታ ኔናራ ጫቂዛ ጫቆይ ሃይሳ፤ ኔኒ ዳሮ ካዎቴꬃታስ ኣዋ ጊዳና። 5 ሃቺፌ ጉዬ ኔ ሱንꬂ ኣብራሜ ጌቴቴና፤ ጊዶ ኣቲን ኔ ሱንꬂ ኣብራሃሜ *ኢብራዌታ ቃላራ ኣብራሃሜ ጉሲ፥ «ዳሮ ኣሳ ኣዋ» ጉሳ። ጌቴታና፤ ኣዛስ ጊኮ ታኒ ኔና ዳሮ ካዎቴꬃታስ ኣዋ ኦꬃዲስ።ኦሮ 4፡17 6 ታኒ ኔና ኬሃ ዳርሳና፤ ታኒ ኔና ዳሮ ካዎቴꬅ ሂስታና፤ ካዎቲካ ኔፔ ኬዛና። 7 ታኒ ታፔኔ ኔፔ፥ ኔፔ ጉዬ ኔ ዜሬꬃ ጊዶን፥ ዬሌታፔ ዬሌታ ጋካናስ ታ ጌሊዳ ጫቆ ቃላ ሚንꬃና፤ ሃ ጫቆይካ ታኒ ኔሲኔ ኔፔ ጉዬ ኔ ዜሬꬃስ ጾስ ጊዳና። ሉቃ 1፡55 8 ሃኢ ኔኒ ቤቴ ጊዳዳ ዲዛ ካናኔ ዴሬይ ዉሪ ኔሲኔ ኔፔ ጉዬ ኔ ዜሬꬃስ ሜርናስ ላታ ቢታ ጊዳና ማላ ታኒ ኢማና፤ ቃሴ ታኒ ኢስታ ጾስ ጊዳና» ጊዴስ። ሃዋ 7፡5

9 ቃሴካ ጾሲ ኣብራሃሜ፥ «ኔካ ኔፔ ጉዬ ኔ ዜሬꬃይካ፥ ዬሌታፔ ዬሌታ ጋካናስ ታ ጫቆ ቃላ ናጊቴ። 10 ታፔኔ ኔፔ፥ ኔፔ ጉዬ ኔ ዜሬꬃ ጊዶን ኢንቴ ናጋና ታ ጫቆ ቃላይ ሃይሳ፤ ኢንቴ ጊዶን ዲዛ ኣቱማስ ኡባይ ቃጻሬቶ። ሃዋ 7፡8፤ ኦሮ 4፡11 11 ኢንቴ ሹርቴ ቃጻሬቴታ፤ ሃይሲ ታሲኔ ኢንቴስ ጊዶን ዲዛ ጫቆ ቃላስ ማላታ ጊዳና። 12 ኢንቴ ጊዶን ሲንꬃፌ ዬሌታና ኣዴ ናይቲ ዉሪ ዬሌቲዳ ኦስፑንꬃ ጋላስ ቃጻሬታናስ ኮሼስ፤ ኔሶን ዬሌቲዳይታ ጊዲን፥ ዎይኮ ኣላጋፔ ሚሻን ሻሜቲዳ ኣይሌታ ጊዲን ኔ ዜሬꬅ ጊዶንታ ኣዴታካ ቃጻራናስ ኮሼስ። 13 ኔሶን ዬሌቲዳይቲኔ ኔ ሚሻን ሻሜቲዳይቲ ቃጻሬቴቶ፤ ሃይሲ ኢንቴ ኣሾን ዲዛ ታ ጫቆይ ሜርና ጫቆ ጊዳና። 14 ቃጻሬቶንታ ኣቱማሲ ዉሪ ባ ኣሳፔ ሻኬቲዲ ꬋዮ፤ ጋሶይካ ኢዚ ታ ጫቆ ቃላ ናጊቤና» ጊዴስ።

15 ቃሴካ ጾሲ ኣብራሃሜ፥ «ኔ ማቼይ ሱንꬃ ሶራ ጎፓ፤ ሃይሳፌ ጉዬ ኢዚ ሱንꬂ ሳራ †ሳራ፡ ሳራ ጉሲ ኢብራዌታ ቃላራ፥ «ጎዳቴዮ ዎይኮ ካዎ ቢዮ» ጉሳ። ጌቴቶ። 16 ታኒ ኢዞ ኣንጃና፤ ታኒ ኢዚፔ ኔስ ቱማፔ ኣቱማ ና ኢማና፤ ኢዞ ታኒ ኣንጃና፤ ኢዛ ካዎቴꬃታስ ኣዮ ጊዳና፤ ካዎቲ ኢዚፔ ዬሌታና» ጊዴስ።

17 ኣብራሃሜይ ቢታ ቦላ ጉፋኒዲ ባ ዎዚናን ሚጪሼ፥ «100 ላይꬃ ኣሲ ቱሙ ና ዬላኔ? ቃሴ ኢዚስ ላይꬃይ ኡዱፉን ታሙ ጊዲዳ ሳራይ ቡሮ ና ዬላኔ?» ጊ ቆፒዴስ። 18 ኣብራሃሜይ ጾሳስ፥ «ኔ ኢስማኤሌ ታስ ኣንጂዳኮ ኣይ ማላ ሎኦሺን!» ጊዴስ።

19 ጾሳይካ ኢዛስ፥ «ሃኔና! ኔ ማቼያ ሳራይ ኔስ ኣቱማ ና ቱማፔ ዬላና፤ ኔኒ ኢዛ ዪሳቃ ‡ዪሳቃ፡ ዪሳቃ ጉሲ ኢብራዌታ ቃላራ፥ «ኢዚ ሚጬስ» ጉሳ። ጋዳ ሱንꬃና፤ ኢዛፔ ጉዬ ኢዛ ዜሬꬃስ ሜርና ጫቆ ጊዳና ማላ ታ ኢዛራ ጫቆ ቃላ ጌላና። 20 ኢስማኤሌስ ጊዲኮ ኔ ኦይቺዳይሳ ታ ሲያዲስ፤ ታኒ ኢዛካ ኣንጃና፤ ታኒ ኢዛ ዳርሳና፤ ኢዛ ዜሬꬃ ኬሃ ዳርሳና፤ ኢዚ ታማኔ ናምኡ ካዎታ ዬላና፤ ታኒ ኢዛ ዜሬꬃ ጊታ ካዎቴꬅ ኬሳና። 21 ጊዶ ኣቲን ታኒ ታ ጫቆ ቃላ ላይꬅ ሃኒ ዎዴ ሳራይ ኔስ ዬላና ናዛ ዪሳቃራ ጫቄታና» ጊዴስ። 22 ጾሲ ኣብራሃሜራ ሃሳይዲ ዉርሲዳፔ ጉዬ፥ ኣብራሃሜፔ ሻኬቲዲ ፑዴ ቢዴስ።

23 ሄ ጋላሳንካ ኣብራሃሜይ ባ ና ኢስማኤሌ ባሶን ዬሌቲዳይታ ኡባ፥ ባ ሚሻን ሻሚዳይታ ኡባኔ ባሶን ዲዛ ኣቱማስ ኡባ፥ ጾሲ ኢዛስ ዮቲዳ ማላ ቃጻሪዴስ። 24 ኣብራሃሜይ ቃጻሬቲሺን ኢዛስ ላይꬃይ ኡዱፉን ታማኔ ኡዱፑና። 25 ኢዛ ና ኢስማኤሌይ ቃጻሬቲሺን ኢዛስ ላይꬃይ ታማኔ ሄꬓ። 26 ኣብራሃሜይኔ ኢዛ ና ኢስማኤሌይ ናምኣቲካ ኢሲ ጋላስ ቃጻሬቲዳ። 27 ኣብራሃሜሶን ዲዛ ኣቱማሳይ ዉሪ ኢዛ ሶን ዬሌቲዳይቲኔ ሚሻን ሻሜቲዳይቲ ዉሪካ ኢዛራ ቃጻሬቲዳ።