35
ቤቴሌን ያቆቤ ኣንጄቴꬅ
1 ሄሳፌ ጉዬ ጾሲ ያቆቤ፥ «ዴንዳዳ ፑዴ ቤቴሌ ባዳ ሄን ዴኣ፤ ኔኒ ኔ ኢሻ ኤሳዌፔ ባቃቲዛ ዎዴ ኔስ ቆንጪዳ ጾሳስ ሄን ያርሾ ያርሺዛሶ ጊጊሳ» ጊዴስ። ሜꬌ 28፡11-17
2 ያቆቤይካ ባሶ ኣሳኔ ባናራ ዲዛ ኣሳ ኡባ፥ «ኢንቴ ጊዶን ዲዛ ኣላጋ ኤቃ ሚስሌታ ዲጊቴ፤ ኢንቴ ቦላ ጌሺቴ፤ ኢንቴ ማይኦካ ላሚቴ። 3 ኣኔ ዴንዲዲ ፑዴ ቤቴሌ ቦስ፤ ታ ሜቶቲዳ ጋላስ ታኒ ጊዛ ሲዪዲ ታኒ ቢዳ ኡባሶን ታናራ ጊዲዳ ጾሳስ ታኒ ሄን ያርሾ ያርሺዛሶ ጊጊሳና» ጊዴስ። 4 ሄሳ ጊሻስ ኢስቲ ባ ኣቻን ዲዛ ሃራ ዴሬ ኣሳ ኤቃ ሚስሌታ ኡባኔ ባ ሃይꬃን ዲዛ ጉቲቻ ኡባ ኬሲዲ ያቆቤስ ኢሚን ያቆቤይ ሄይታ ሴኬሜን ዲዛ ዎላ ጋርሳን ሞጊዴስ።
5 ሄሳፌ ጉዬ ኢስታ ዩሾን ዲዛ ካታማ ኡባ ኣሳ ቦላ ጾሳፌ ዳጋማይኔ ያሻቴꬂ ዎꬊዳ ጊሻስ ያቆቤይኔ ኢዛ ኣቱማ ናይቲ ዴንዲዲ ቢሺን ኦኒካ ኢስታ ኦይካናስ ካሊቤና።
6 ያቆቤይኔ ኢዛራ ዲዛ ኣሳይ ዉሪ ካናኔ ቢታን ዲዛ ቤቴሌ ጌቴቲዛ ሎዛ ጋኪዳ። 7 ሄን ኢዚ ያርሾ ያርሺዛሶ ኬጺዲ ሄ ሶሆዛ ኤሊ-ቤቴሌ*ኤሊ-ቤቴሌ፡ ኤሊ-ቤቴሌ ጉሲ ኢብራዌታ ቃላራ፥ «ቤቴሌ ጾሳ» ጉሳ። ጊ ሱንꬂዴስ፤ ኣይስ ጊኮ ኢዚ ባ ኢሻፔ ባቃቲዲ ቢዛ ዎዴ ጾሲ ኢዛስ ቆንጪዳ ሶሆ ጊዲዳ ጊሻሳ።
8 ኢርቢቃ ዲቺዳ ዲቦራይ ሄን ሃይቃዳ ቤቴሌፔ ዱጌ ባጋራ ዲዛ ዎላ ጋርሳን ኢዛ ሞጌታዱስ፤ ሄሳ ጊሻስ ሄ ሚꬃ ሱንꬂ ኣሌም-ባኩቴ†ኣሌም-ባኩቴ፡ ኣሌም-ባኩቴ ጉሲ ኢብራዌታ ቃላራ፥ «ዬሆ ዎላ» ጉሳ። ጌቴቲዴስ።
9 ያቆቤይ ሜስጴጾሚያፔ ሲሚዳፔ ጉዬ ጾሲ ኢዛስ ቃሴካ ቆንጪዲ ኢዛ ኣንጂዴስ፤ 10 ጾሲ ኢዛ፥ «ሃኢ ጋካናስ ኔ ሱንꬂ ያቆቤ፤ ጊዶ ኣቲን ሃይሳፌ ጉዬ ሙሌካ ያቆቤ ጌቴታካ፤ ኔ ሱንꬂ ኢስራኤሌ ጌቴታና» ጊዲ ኢዚ ኢዛ ኢስራኤሌ ጊ ሱንꬂዴስ።ሜꬌ 32፡28
11 ቃሴ ጾሲ ያቆቤ፥ «ታኒ ኡባ ዳንዳይዛ ጾሳ፤ ኔኒ ዬሌታ፤ ጮራታ፤ ዴሬይኔ ዴሬ ማባራይ ኔፔ ኬዛና፤ ካዎቲካ ኔ ጉልባቴፔ ኬዛና። 12 ታኒ ኣብራሃሜሲኔ ዪሳቃስ ኢሚዳ ቢታ ቃሴ ኔስ ኢማና፤ ኔፔ ጉዬካ ታኒ ሃ ቢታ ኔ ዜሬꬃስ ኢማና» ጊዴስ። ሜꬌ 17፡4-8 13 ሄሳፌ ጉዬ ጾሲ ኢዛራ ሃሳይዳ ሶሆፔ ፑዴ ቢዴስ።
14 ያቆቤይ ጾሲ ባናራ ሃሳይዳ ሶሆን ሹች ኤሲዲ ኢዛ ቦላ ኡሻ ያርሾ ጉሲዴስ፤ ዛይቴካ ኢዛ ቦላ ቲጊዴስ። 15 ያቆቤይ ጾሲ ባናራ ሃሳይዳ ሶሆዛ፥ «ቤቴሌ» ጊ ሱንꬂዴስ።ሜꬌ 28፡18-19
ኤራሄሊ ሃይቆኔ ዪሳቃ ሃይቆ
16 ኢስቲ ሄሳፌ ጉዬ ቤቴሌፔ ዴንዲ ኤፍራታ ጋካናስ ጉꬅ ኣሺዳ ማላ ኤራሄሎ ዎልቃማ ሚጻይ ኦይኪዴስ። 17 ሚጻይ ኢዞ ዋዪሲን ኢዞ ዬሊሲዛራ፥ «ባቦፋ፤ ሃይሲካ ኣቱማ ና» ጋዱስ። 18 ጊዶ ኣቲን ኢዛ ሃይቃ ሼምፖ ኬዚሺን ባ ና ቤኒ-ኦኔ‡ቤኒ-ኦኔ፡ ቤንኦኔ ጉሲ ኢብራዌታ ቃላራ፥ «ሜቶ ና ዎይኮ ታ ጬጬ ና» ጉሳ። ጋ ሱንꬃዱስ፤ ያቆቤይ ኢዛ ቢኒያሜ §ቢኒያሜ፡ ቢኒያሜ ጉሲ ኢብራዌታ ቃላራ፥ «ታ ኡሻቻ ኩሼ» ጊዲሺን ቢርሼꬃይ፥ «ቃዳ ሎኦ ና» ጉሳ። ጊ ሱንꬂዴስ።
19 ሄሳፌ ጉዬ ኤራሄላ ሃይቃዳ ቤቴሊሄሜ ጊዛ ኤፍራታ ኤፊዛ ኦጌ ዶናን ሞጌታዱስ። 20 ያቆቤይ ኢዚ ዱፎን ሃዉልቴ ሹች ኤሲዴስ፤ ሄ ሃዉልቴ ሹቻይ ሃች ጋካናስካ ኤራሄሊ ዱፎ ማላታ ጊዲ ዴስ።
21 ኢስራኤሌይ ሄፔ ዴንዲዲ ኤዴራ ጊምቤፌ ሄ ፒንꬃን ባ ዱንካኔዛ ቶኪዴስ።
ያቆቤ ናይታ
(1ታሪ 2፡1-2)
22 ኢስራኤሌይ ሄ ቢታን ዲሺን ኦሮቤሌይ ቢዲ ባ ኣዋስ ዬሊዳ ኣይሌ ቢሊሃራ ዚንኢዴስ፤ ኢስራኤሌይካ ሃ ዮኦዛ ሲዪዴስ።
ያቆቤ ኣቱማ ናይቲ ታማኔ ናምኣ። ሜꬌ 49፡4 ኢስቲካ፥ 23 ሊያ ናይቲ ያቆቤ ባይራ ና ኦሮቤሌ፥ ሲሞና፥ ሌዌ፥ ዩሁዳ፥ ዪሳኮሬኔ ዛቢሎኔ። 24 ኤራሄሊ ኣቱማ ናይቲ ዮሴፌኔ ቢኒያሜ። 25 ኤራሄሊ ኣይሌ ቢሊሃ ኣቱማ ናይቲ ዳኔኔ ኒፍታሌሜ። 26 ሊያ ኦሳንቻ ዚልፊ ኣቱማ ናይቲ ጋዴኔ ኣሴሬ። ሃይቲ ማሶጴጾምያን ያቆቤስ ዬሌቲዳ ኢዛ ኣቱማ ናይታ።
27 ያቆቤይ ባ ኣዋይ ዲዛሶ ማሚሬ ጌቴቲዛሶ ዪዴስ፤ ሄሲካ ኣብራሃሜይኔ ዪሳቂ ካሴ ዴዪዳ ቂሪያቴ-ኣርባኤ ዎይኮ ኬብሮኔ ጌቴቲዛሶ። ሜꬌ 13፡18 28 ዪሳቂ 180 ላይꬅ ዴኢዴስ፤ 29 ኢዚ ዳሮ ዎዴ ዴኢዲ ኬሂ ጪሚ ሃይቂዲ ባ ኣዋታን ጋጊዴስ፤ ኢዛ ናይቲ ኤሳዌይኔ ያቆቤይ ኢዛ ሞጊዳ።
35:1 ሜꬌ 28፡11-17
*35:7 ኤሊ-ቤቴሌ፡ ኤሊ-ቤቴሌ ጉሲ ኢብራዌታ ቃላራ፥ «ቤቴሌ ጾሳ» ጉሳ።
†35:8 ኣሌም-ባኩቴ፡ ኣሌም-ባኩቴ ጉሲ ኢብራዌታ ቃላራ፥ «ዬሆ ዎላ» ጉሳ።
35:10 ሜꬌ 32፡28
35:12 ሜꬌ 17፡4-8
35:15 ሜꬌ 28፡18-19
‡35:18 ቤኒ-ኦኔ፡ ቤንኦኔ ጉሲ ኢብራዌታ ቃላራ፥ «ሜቶ ና ዎይኮ ታ ጬጬ ና» ጉሳ።
§35:18 ቢኒያሜ፡ ቢኒያሜ ጉሲ ኢብራዌታ ቃላራ፥ «ታ ኡሻቻ ኩሼ» ጊዲሺን ቢርሼꬃይ፥ «ቃዳ ሎኦ ና» ጉሳ።
35:22 ሜꬌ 49፡4
35:27 ሜꬌ 13፡18